Dt 2:3 - Chuj San Sebastian Bible

³ Caw wal niwn xo tiempo tzex oyyec' 'a jun tzo'n̈ lum witz tic. A ticnec b'i'an, 'ixquec 'a stojlal norte.

Chuj San Mateo Bible

³ Te nivan tiempo ex ec' oyoyoc d'a lum tzalquixtac tic. Ixiquecxi ticnaic d'a stojolal norte.

Dt 2:3 Iomraidhean Croise

Nm 9:22

Toto tz'och wan jun 'asn chi 'a yib'n̈ scajnub' Dios chab'oc c'u, mto junc 'ujal, mto junc ab'il, 'ixta pax tz'och wan eb' israel cha, matz b'ey eb'. Palta toto tzb'eyx jun 'asn cha, an̈jtona tzyamn 'och eb' 'anma chi sb'eyxi.

Dt 1:6

A Jehová qui Diosalec, a 'ix aln jun tzo'n̈ tic 'ayn̈ec 'a lum Sinaí, ata yaljnac 'ixtic: Niwn xo tiempo 'ayx 'ec' 'a jun lum tzaln tic.

Dt 2:14

Yictax on̈ cotc 'a lum Cades-barnea masnto on̈ 'e'tec 'a yojl a Zéred, ata xtz'acw 38 ab'il qui cotec. A 'a yic jun tiempoal cha, lajwnacx scham eb' winc to smoj yoch soldadoil yic queltec 'a Egipto, ata x'el'ch jun sti Jehová ya'jnac.

Dt 2:2

Caw niwn xo tiempo 'ix 'eq'ui, 'ix yaln Jehová 'ayn 'ixtic:

Dt 2:4

Al yab' eb' et chon̈b' jun checnb'il tic. To ata 'oj eyec' 'a yol slugar eb' yin̈tl can Esaú, atn eb' eyican to e b'a yet'oc, eb' cajn 'a yol smacb'en Seír. Caw wal 'ay xiwc'ojlal eb' 'ayex. Palta b'i'an, caw tze tan̈wj e b'a, man̈ e comn xib'tc eb'.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.