Dt 2:13 - Chuj San Sebastian Bible

¹³ Ax ticnec, 'ix yal Jehová to tzon̈ 'atc paxi, yic tzon̈ 'e'c 'a yojl a a tzcuch Zéred, xin chi 'ayex. Yuj cha, on̈ 'e'tec 'a yojl a a cha.

Chuj San Mateo Bible

¹³ Axo aj jun, yalan Jehová: Ixiquec ticnaic, tzex ec' d'a yol a' taquin̈ melem scuchan Zered, xchi, yuj chi' on̈ ec' ta'.

Dt 2:13 Iomraidhean Croise

Nm 13:23

'Ix c'och eb' 'a lum span̈nil sti a niwn a Escol, ata 'ix sch'in 'elt eb' jun c'ojlab' te uva, ax 'a jun te', ata slocch eb', chawn̈ mach x'i'ni. Xlaj yi'nc pax eb' te granada yet' te higo.

Nm 21:12

'Ix cotx eb', axta xjaw eb' 'a sti jun a niwquil a tzcuch Zered.

Nm 21:13

Xlajw cha, 'ix b'eyx cot eb' 'a yojltac, axta xjaw eb' 'a sc'axpil 'ec' sti a niwquil a tzcuch Arnón. A jun a niwquil a cha, ata tz'ec' a 'a lum cusltac lu'um, 'a yol smacb'en eb' amorreo. A jun a chi 'aych smon̈jonoc eb' 'aj Moab yet' eb' amorreo.

Dt 2:12

A lum Seír cha, cajb'il lum 'a pecti yuj eb' horeo, palta a eb' yin̈tl Esaú a eb' satjnac 'el eb' 'anma chi 'a jun lugar cha. 'Ixta 'ajnc eb' yoch 'a sat lu'um, 'ixta pax 'oj cajc coch 'a lum lum chi tzyac' Jehová 'ayn̈ec.)

Dt 2:14

Yictax on̈ cotc 'a lum Cades-barnea masnto on̈ 'e'tec 'a yojl a Zéred, ata xtz'acw 38 ab'il qui cotec. A 'a yic jun tiempoal cha, lajwnacx scham eb' winc to smoj yoch soldadoil yic queltec 'a Egipto, ata x'el'ch jun sti Jehová ya'jnac.