Dt 2:11 - Chuj San Sebastian Bible

¹¹ Wal yel a eb' 'anma 'a jun lugar cha, niwcn̈ej stel eb', caw 'ay smay eb', yuj cha emita sb'i eb' yuj eb' moabita.

Chuj San Mateo Bible

¹¹ Refaíta eb', icha eb' yin̈tilal vin̈aj Anac chi', palta emita tz'aj yalan eb' moabita chi' d'a eb'.

Dt 2:11 Iomraidhean Croise

Gn 14:5

Ax 'a yic junx ab'il cha, a Quedorlaomer yet' eb' 'oxwn̈ rey 'aych yet'oc, 'ix jaw eb' 'a yol yic Astarot Karnaim. Ata 'ix 'ajx ganar ewin refaíta yuj eb'. 'Ix 'ajx ganar pax ewin zuzita yuj eb' 'a yol yic Ham, ax ewin emita 'ix 'a'n ganar eb' 'a Save-quiriataim.

Gn 6:4

A 'a yic jun tiempoal cha, xyij sb'a eb' yunnal Dios yet' eb' 'ix yisl ewin 'anma cha, ax yunnal eb' x'alji, 'ix 'ajx sb'ic eb' Nefilim. Atn wal ta 'ix checlj chan̈ eb' 'anma to caw wal 'ay yip, b'inab'il eb' 'a yic pecti cha.

A Ch'an̈ Schab'l Libro Samuel 21:16

'Ay jun winc caw niwquil ste'il, tzcuch Isbi-benob, yin̈tl eb' niwc ste'il, atn jun chi xnib'n milnc cham David. A slanza cha, 'aym uque'oc libra yalil, ax 'a sincho 'a snan̈al, ata locn 'och jun 'ac' espada.

Nm 13:22

'Ix 'ec' eb' 'a lum Neguev, masnto xc'och eb' 'a Hebrón. Ata cajn Ahimán, Sesai yet' Talmai. A eb' tic, yin̈tl can win Anac eb'. A chon̈b' Hebrón cha, yucl xo ab'il sb'o'i, yic 'ix b'o chon̈b' Zoán 'a Egipto.

Nm 13:28

Palta ax eb' 'anma cajn 'a sat lu'um, caw wal 'ay yip eb'. A schon̈b' eb', caw wal niwac, 'aych pax smuroal. An̈jtona', xquil pax eb' yin̈tl win Anac on̈, caw wal niwc stel eb'.

Nm 13:33

'Ix quil eb' niwc stel ta 'on̈, atn eb' yin̈tl can win Anac. An̈ec xo tic, yo'lab' wal tzon̈ 'ajc 'och wetzn 'a stz'ey eb' 'icha no cotc c'ulub', an̈jtona', 'ixta pax on̈ yiln 'och eb', xchi eb'.

Dt 1:28

Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.

Dt 2:20

(An̈jtona jun lum cha, yic pax eb' 'anma niwc stel chi lum 'a pecti', yujto 'e'nc cajn eb' ta', atn eb' chi zamzumita sb'i yuj eb' amonita 'a pecti'.

Dt 3:11

(Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)

Dt 9:2

A eb' 'anma cajn ta', niwc wincn̈ej eb', niwc stel eb', yin̈tl can win Anac eb', cab'jnaquec yalxi: ¿Mach wal junc 'oj ste'wtzoc sb'a 'a yojltac eb' yin̈tl win Anac? xchi.