Dt 19:4 - Chuj San Sebastian Bible

⁴ A jun tzmilwj cha, tztac' s'at 'eloc, yic tz'at scolnc sb'a ta', sec matz chami, toto man̈ sc'anc sc'ojl tzmilwji, toto may pax xon yowl yet' jun tzmil cha.

Chuj San Mateo Bible

⁴ An̈ej mach smac'ancham junoc anima, tato man̈ sc'anoc sc'ool, man̈ yajc'oloc sb'a eb', ata' b'at scol sb'a, yic vach' max chami.

Dt 19:4 Iomraidhean Croise

Gn 31:2

Xyiln pax 'och Jacob to a win Labán ow xoj tzyutj win sat 'a 'a, man̈x 'ichaoc 'a yic yalan̈.

A Ch'an̈ Schab'l Libro Samuel 14:11

Palta 'ix 'och wal tecn 'ix 'a win rey cha, 'ix yaln 'ix 'ixtic: —Tzin tew 'och 'aych mamin rey, comnoc tza c'an 'a Jehová qui Diosalec, sec a jun wican tznib'j milwjc sb'a cha, comnoc matz niwtj scham 'anma yu'uj, yic tznib'n smil junx wune cha, xchi 'ix. 'Ix ta'w win rey chi 'ixtic: —Q'ueln 'och wal Jehová tzwalni, may wal jac tas 'oj 'i'nc win one cha, xchi winac.

1 Cr 11:2

A 'a yic yaln̈taxi, wach'xam 'aych Saúl reyal, palta ach on̈ a jucb'tzej an̈ israel on̈ tic, yic qui 'atc 'a owal. An̈jtona', 'ix yaln pax Jehová qui Diosalec 'ayach, to ach 'oj on̈ a jucb'tzoc, ax a'n pax reyl 'a quib'n̈ an̈ israel on̈ec tic, xchi eb' 'a 'a.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Nm 35:12

Ata tzcol sb'a junc 'anma cha. Wach'xam tzsayx 'ec' yuj junc 'ayt yuj sb'a yet' jun tzcham cha, matz tac' scomn chami, toto mantzac b'eyc'ojlax yuj eb' yajl yaj 'a scal eb' chon̈b' cha.

Nm 35:9

'Ix yaln Jehová 'a Moisés 'ixtic:

Dt 19:3

Tze b'on pax b'e tzc'och 'a jun tzo'n̈ chon̈b' cha. 'Oxe tzeyutj 'el lu'um, atn lum 'oj yac' Jehová qui Diosalec eyico'oc, sec tzann̈j junc mach tzmiln junc yit 'anma'il, ata tzc'och scol sb'a 'a junc eb' chon̈b' cha.

Dt 19:5

Q'uinloc 'ay chawn̈oc 'anma tzmol 'at c'atzitz, ax tz'aji, tz'el q'uen ch'acb' chi 'a yoc yic wan stzu'n junc chi sc'atztz cha, tzc'och q'uen 'a junx ajun yet' cha, tzcham yuj q'ue'en. A jun tz'och smul cha, tztac' s'at 'eloc, yic tz'at scolnc sb'a 'a junc eb' chon̈b' cha.

Dt 19:6

Toto a junc chon̈b' cha, najt s'at sb'eal, 'ay pax junc mach yican to sb'a yet' junc tzcham cha, tznib'j tzyac' spac jun yican cha, tz'at 'a spatquil jun tz'och smul cha, 'ay smay tzyamchj yu'uj, tzmiln chamoc, palta man̈ smojc jun chi schami, yujto 'a yic yalan̈, may yowl eb'.

Dt 4:42

sec toto 'ay junc mach tzmil junc yit 'anma'il, toto man̈ sc'anc sc'ojl tzmil junc cha, may pax yowl yet'oc. A jun tzmilwj cha, tztac' tz'at scol sb'a 'a junc eb' chon̈b' cha, sec tzcolchji.

Josué 3:4

'Ixta 'oj eyutc eyojcan 'el jun b'e 'aj 'oj eyec' cha, yujto mant 'a xon junc mach 'ojtnac jun b'e cha. Palta man̈ ex c'och 'a sla'nil jun caxa cha, najt tza'n e 'ati. Tzex can cab' junc kilómetro 'a spatquil, xchi eb' 'a eb' 'anma cha.