Dt 19:20 - Chuj San Sebastian Bible

²⁰ Ax yic 'oj yab'nc eb' 'anma jun cha, 'oj xiw chan̈ eb', man̈x 'oj scomn b'oc eb' jun maysch'olnil cha.

Chuj San Mateo Bible

²⁰ Ayic ol yab'an jun chi' eb' anima, ol xiv eb', man̈xo ol sc'ulej eb' icha chi'.

Dt 19:20 Iomraidhean Croise

Pr 21:11

Toto tz'ajx 'och syailal mach tzyij chan̈ sb'a, a junc mant 'a snab'en, tznachj 'el yu'uj. A pax mach jeln xon snab'en, cojn ton̈j tzalx yab'i', tzyojcan 'el muc'uc.

Dt 13:11

'Ixta wal 'oj yutc eb' quit chon̈b' tic yojcan 'el jun cha, ax xiw eb' sb'on jun tzo'n̈ tic, sec man̈ comnoc tzya'ch eb' smul 'icha jun cha.

Dt 13:12

Toto tz'ab'x speclal to 'ay tas tzpitzw chan̈ 'a scal jun chon̈b' chi tzyac' Jehová qui Diosalec e caj cha,

Dt 17:13

A yic 'oj yab'nc eb' 'anma yab'xil jun cha, 'oj xiw eb' sb'onyaj junc tas 'a mun yico'.

Dt 17:7

A eb' testigo cha, a eb' tzb'ab'l jul q'uenan jun 'ay smul cha. 'Ixta b'i'an, tzjul q'uenan eb' chon̈b' chi smasnil, sec 'ixta 'oj 'aj yel jun maysch'olnil chi 'a e cal.

Dt 21:21

Ax smasnil eb' winc 'a jun chon̈b' cha, tzjul cham eb' jun 'anma chi yet' q'uen q'ue'en. 'Ixta 'oj eyutc e satn 'el jun maysch'olnil chi 'ayc' 'a yol e chon̈ab'. A yic 'oj yab'nc eb' 'anma jun 'ab'x cha, 'oj xiw chan̈ eb'.

1 Ti 5:20

Toto 'ay mach matz yactj can sb'on maysch'olnil, caw tza tench wan eb' 'a sat eb' creyente smasnil, sec 'oj xiw eb' smasnil yoch smul 'a Dios.