Dt 19:12 - Chuj San Sebastian Bible

¹² Toto 'ixta', a eb' yichmtac wincal chon̈b' 'aj tz'och jun chaml cha, 'oj yac' eb' 'ijxoc cot jun xmilwj cha, tzlajw cha, tz'ajx 'a yol sc'ab' junc yican to sb'a yet' jun xcham cha, ax tzmiln chamoc.

Chuj San Mateo Bible

¹² Tato icha chi', axo eb' vin̈ yichamtac vinaquil schon̈ab' vin̈ ix cham chi', a eb' vin̈ schecanb'at yamchaj vin̈ ix sb'at scol sb'a chi' ta', tz'ic'jib'at vin̈ d'a schon̈ab' yic tz'ac'jioch vin̈ d'a yol sc'ab' junoc sc'ab' yoc vin̈ ix cham chi', yic smac'jipaxcham vin̈.

Dt 19:12 Iomraidhean Croise

Gn 9:5

An 'oj wac' syailal eb' 'anma tzmiln cham yit 'anma'il, ax no noc' tzmiln cham 'anma', 'oj wac' ma'xoc cham pax no'.

A Ch'an̈ Schab'l Libro Samuel 14:7

Ax ticnec, smasnil eb' wican tz'och eb' 'ajc'ojlal 'ayin, tznib'n eb' to tzwac' win xmiln yu'tac chi 'a yol sc'ab' eb', ax eb' tzmiln win yuj schamlil win yu'tac cha. 'Ixta tznib'j eb', sec tzsat 'ejm win 'ay yaln yic yi'n can smacl smam cha. 'Ixta tznib'j eb' tzin 'ajcni, man̈x 'a yin̈tl win tzcani, sec tzsat 'ejm yalx win wichmil chi 'a sat lum tic, xchi 'ix.

Ex 21:14

Palta a mach ton̈j tzcomn cot yowl 'a junc yit 'anma'il tzmiln chamoc, wach'xam tz'at sc'ub'c 'el sb'a 'a yet'l xajmb'al, palta yowlal tz'at sayxoc 'eq'ui, tzlajw yilchji, tzmilx chamoc.

Dt 19:11

Palta toto 'ay junc mach 'ay xon yowl yet' junc xo mach, macb'il yec' jun chi yu'uj yic tzmiln chamoc, tzlajw cha, tz'at scolnc sb'a 'a junc eb' chon̈b' cha.

Dt 19:13

Man̈ 'o'ch e c'ojl 'a 'a, sec wach' 'ixta tz'aj yochwan chaml 'a yol e chon̈ab'. Toto 'ixta', caw wach' 'oj eyel'chi.

Dt 27:24

Catb'tzaxc cab' eb' tzmiln junc yit 'anmal 'a c'ultaquil, xchi eb' levita. 'Ixta cab' tz'aji, 'oj xchic eb' chon̈ab'.