Dt 18:8 - Chuj San Sebastian Bible

⁸ Tzchan pax tas tzc'ux 'icha yechl tas tz'ajx 'a eb' 'ayc' xon cha, yet' pax smacl tzchaj 'a smam.

Chuj San Mateo Bible

⁸ schaan svael icha yic eb' chi', vach'chom ay tas ay d'ay.

Dt 18:8 Iomraidhean Croise

2 Cr 31:4

An̈jtona', xyaln pax 'a smasnil eb' 'anma cajn 'a Jerusalén, to tzyac' eb' scolwal toxn tzyac' eb' 'a eb' ya'mal 'och sti eb' 'anma 'a Dios yet' 'a eb' levita, sec wach' yelc'ojlal tzyac' servil eb' Jehová, 'icha yaln ley.

Nehemías 12:44

A 'a yic jun c'ul cha, 'ay jun tzo'n̈ eb' x'ajx 'och yopiso stan̈wni yet'l 'aj tzmolx ofrenda, atn sb'ab'l sat 'awb'en, yet' diesmo, a tzyal jantc tas tzcot 'a junjn lugar 'a yol yic junjn chon̈ab'. A jun tzo'n̈ cha, yic eb' ya'mal 'och sti eb' 'anma 'a Dios, yet' jun tzo'n̈ xo eb' levita, yujto a eb' chon̈ab' caw wal tzalj eb' yet' eb', yujto tz'a'w servil eb' 'a yatut Dios.

Nehemías 12:47

Yuj cha, a 'a yol stiempoal Zorobabel wet' an Nehemías in tic, smasnil eb' quit israelal tzyac' eb' tas tzc'ux eb' tzb'itni, eb' tan̈m puerta yet' pax eb' levita to 'ay yaln yic schan yico'. Ax eb' levita chi tz'a'n pax yic eb' yin̈tl Aarón.

Lv 27:30

A slajn̈c'ajil sat 'awb'en tzyac' lum lu'um, a jun tzo'n̈ cha, wicn̈ej yaj an Jehová in.

Lv 7:14

Tz'ijx 'el junc pan 'a junjn c'ajoc, tzlajw cha, tz'ajx 'och 'a wojltac yuj win ya'mal 'och sti eb' 'anma cha, atn win tzicn 'och schic'l no noc' chi 'a jun yet'l xajmb'al cha.

Nm 18:21

A 'a eb' levita, ata tzwac' sdiesmoal sat 'awb'en tzyac' eb' eyit israelal 'ayn yuj smunljel, atn tzwac' stojloc eb' yic tzmunlj 'och eb' 'a in Mantiado cha.

Lc 10:7

An̈j 'a junc n̈a chi 'aj tzeyac' e posada cha, ata tzex cani. A tas tzc'ux eb', tze c'ux yet' eb', yujto a mach tzmunlji, smoj schan stojol. Matz tac' ton̈j tzex b'eyc' 'a cal n̈a.

Dt 18:7

tztac' yoch 'a'j servil 'a Jehová Dios, 'icha tzyutj munljoc sb'a eb' yit levitail 'a yojltac Dios.