Dt 18:22 - Chuj San Sebastian Bible

²² Toto a jun checb' cha, wan yaln jun tzo'n̈ paxti chi 'a in b'i an Jehová in, q'uinloc matz 'el'ch paxi, atn jun chi tzch'oxn 'eli to man̈oc in tzwala, mun tzb'an̈ sb'a yaln sch'ocoj. A jun cha, man̈ ex xiw 'a 'a, xchi Dios, xchi Moisés.

Chuj San Mateo Bible

²² Tato max elc'och tas syal jun syesejoch sb'a schecab'oc Jehová chi', snachajel eyuuj to man̈oc Jehová tz'ac'an yala', an̈ej d'a yol yic snaq'uei. Yuj chi' man̈ ex xiv d'ay.

Dt 18:22 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:28

'Ix yalnto can win Micaías jab'x 'a win rey 'ixtic: Toto tzach meltzj 'a tzaljc'ojlal, to 'ixta', man̈oc Jehová xpaxtin 'ayn tzyal cha. Ex wit chon̈ab', tzcham e cuyn jun tic, xchi Micaías.

A Ch'an̈ Schab'il Libro Yic Yab'ixal Eb' Rey 20:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amós, win schecb' Dios, 'ix 'at win 'at yila', 'ix yaln win 'a 'ixtic: —Tox 'ix yal Jehová 'oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Is 41:22

Cotn̈ec, wul alc 'ayn̈ on̈ tas ujnac 'a yic yaln̈taxi, 'oj qui cha cab' 'ayex, wul alc tas 'oj ujc 'a yic b'a'n̈ cha, yic wach' 'oj quilc tas 'oj 'aj slajw 'el'chi.

Jonás 3:4

'Ix 'och Jonás 'a yol chon̈b' cha, 'a b'ab'l c'u 'ix yaln 'ixtc 'a caw 'ip. ¡Yic wal chawn̈q'uej ticnec, 'oj lajwc 'el chon̈b' Nínive tic! xchi.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

Dt 18:20

Toto 'ay junc cob' tzyalch sb'a in checb'oc, ax yaln tas to man̈oc in tzwal 'a 'a, mto tzyal 'a sb'i jun tzo'n̈ comn dios, a jun cha, yowlal tze mil chamoc.

Dt 18:21

Palta toto ax tic 'oj e na 'ixtic: ¿Tas wal 'oj cutc cojcan 'eli, toto man̈oc Jehová tzaln jun tzyal tic? xe chi.

A Ch'an̈ B'ab'el Libro Samuel 3:19

'Ix q'uib' Samuel, ax Jehová caw xcolwjn̈ej yet'oc, yuj cha, may wal junc spaxti chi ma'ix yac' 'el'choc.