Dt 18:18 - Chuj San Sebastian Bible

¹⁸ 'Oj in sic' 'elt junc xo in checb' 'a scal eb' 'icha ach tic, junc mach to yit chon̈b' eb', sec a tas 'oj wal 'a 'a, a chi 'oj yalx 'a eb'.

Chuj San Mateo Bible

¹⁸ Ol vic'chaan̈ junoc in checab' d'a e cal icha ach tic, junoc eyetchon̈ab'. A' in ol vac' yojtaquejel tas ol yala', ol yalan d'ayex masanil tas ol val chi'.

Dt 18:18 Iomraidhean Croise

Salmos 110:4

A Jehová mun slocjnac sb'i yic yalni, yuj cha, may wal b'a'n̈ 'oj sjel snab'en, alb'il can yuj 'ixtic: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi Dios 'a 'a, xchi.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Ex 4:12

Yuj cha, 'ixic, 'oj wochn̈j et'oc. A yic 'oj a paxtini, an 'oj wal tas 'oj al cha, xchi Dios.

Ex 4:15

Paxtinan̈ yet'oc, tzaln 'a 'a tas 'oj yutc paxtinc sb'a; an xo 'oj wal 'ayex tas 'oj eyal cha, 'oj wac' e nab'enoc yet' smasnil tas 'oj e b'o'.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Is 51:16

An xin jen̈b't satcha'an̈, xin b'on pax lum lu'um. An pax xwac' eyal-l in paxti'. Tzex in coln pax yet' yipl in c'ab', yuj cha, xwaln 'ixtc 'a yib'n̈ Sión: A jun chon̈b'al eb' 'anma tic, caw yel wic eb', xin chi, xchi Dios.

Is 51:4

Ex in chon̈ab', macljec eyab' tas 'oj wala': To a 'in cuynb'il 'oj wac' sb'eylb'oc jun tzo'n̈ xo chon̈ab', 'icha wal sacq'uinl 'oj 'aj 'a scal eb'.

Jeremías 1:9

Xlajw cha, xya'n cot Jehová sc'ab', xwul squilnc 'och sc'ab' 'a in ti', xyaln 'ayn 'ixtic:

Os 12:14

Palta a eb' 'aj Efraín, 'ix stzuntzj cot eb' yowl sc'ojl Jehová. Caw wal schab'c'ojlej sb'a yuj eb'. Yuj cha, 'oj yac' Jehová stuplajwc eb' jantc smaysch'olnilal xlaj 'el sb'oni. Yuj smul eb' cha, ax sjaw yailal 'a yib'n̈ eb'.

Am 2:11

In si'jnac 'och jun tzo'n̈ eb' eyin̈tl in checb'oc, ax jun tzo'n̈ xo eb', wa'jnac 'och eb' nazareoal yic tz'och eb' wico'oc. ¿Tom man̈ yelc jun tzo'n̈ tic ex israel?

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Nm 12:13

Yuj cha, 'ix syamn 'och Moisés sleslwi 'a Jehová, xyaln 'ixtic: 'Ac' niwnc'ojlal Mamin, tzin tew 'och 'aych yuj 'unx canb' tic on̈, to tzej 'el jun yab'il tic 'a 'unix, xchi Moisés.

Nm 23:16

Yajn̈j wal cha, 'ix schan sb'a Jehová yet' Balaam, 'ix yaln tas 'oj yutc paxtinc sb'a, xyaln pax 'a 'ixtic: —Meltzjan̈ 'a 'aj 'aycn Balac, tzaln 'a 'icha 'ix wutj waln 'aych tic, xchi.

Nm 23:5

Yuj cha, 'ix yaln Jehová 'a Balaam tas 'oj yutc paxtinc sb'a, 'ix yaln 'a 'ixtic: —A ticnec, meltzjan̈ 'a 'aj 'aycn Balac, tzaln 'a 'icha xwutj waln 'ayach, xchi.

Lc 24:19

—¿Tas jun tzo'n̈ 'ix uj chi ta jun? xchi 'a eb'. —'Ay jun 'aj Nazaret Jesús sb'i, caw schecb' Dios. A 'a sat Dios, yet' 'a sat eb' 'anma smasnil, caw niwn yel'ch tas 'ix sb'o'o, yet' tas 'ix yala.

Jn 1:21

'Ix sc'anb'n pax eb' 'ixtc 'a 'a: —¿Machch jun? ¿Mto ach Elías ach? xchi eb'. —Man̈ ino'oc, xchi. —¿Mto ach schecb' ach Dios tan̈b'ilch cuj on̈? xchi eb'. —Ma'ay, xchi 'a eb'.

Jn 1:25

'Ix sc'anb'n pax eb' 'ixtc 'a 'a: —¿Tas yuj tzac' bautisar eb' 'anma', toto man̈toc Cristo ach, man̈ ach Eliasoc, man̈ ach schecb'oc pax Dios? xchi eb' 'a 'a.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

Jn 12:48

A eb' may wel'ch 'a sat, eb' matz yiclni in paxti', toxn 'ayc' xon jun 'oj 'a'nc 'och syailal eb', atn in paxti tzwalcn tic. Yuj in paxti tic, 'oj 'ajxc 'och syailal eb' 'a slajb' c'ual.

Jn 15:15

A ticnec, tzwal 'ayex, man̈xtoc ton̈j 'a'm ex servil 'ayin. Yujto a junc tz'a'w servil, man̈ yojcoc tas tzb'o spatron̈. Palta ax ticnec, caw in wach'c'ojl ex, yujto jantcn̈ej tas yaljnac can in Mam 'ayin, c'uxn xwalx 'ayex.

Jn 17:18

'Icha in otj in a checn cot 'a scal eb' 'anma 'a yolyib'n̈q'uinl tic, 'ixta tzwutj eb' in checn 'at 'a scal eb' 'anma cha.

Jn 17:8

A wal a paxti 'a'jnac 'ayin, c'uxn xwal 'a eb'. Ax eb', xya'ch eb' sc'ojl 'a 'a. Yuj cha, yojc eb' to yel a 'aych cotnc in. Tzya'ch eb' 'a sc'ojol to ach checjnacn coti.

Jn 4:25

'Ix yaln pax 'ix 'a 'ixtic: —Aln tic, wojtac 'ay jun Mesías sb'i, tzyal 'el'chi atn Cristo 'oj jawoc. A yic 'oj jawc jun cha, tojln̈ej 'oj yutc yaln smasnil tas, xchi 'ix 'a 'a.

Jn 8:28

Yuj cha, 'ix yaln pax 'a ewin 'ixtic: —At yic 'oj in e t'un̈nc q'ue'i, ax snachj 'el eyu'uj, to an 'Ochnc in 'Anma'il. Atta 'oj eyojcoc 'eli to may tas mun tzin b'o in ch'ocoj. An̈j jun tzo'n̈ cuynb'il yaljnac in Mam 'ayin, an̈j tzwala.

A Tas Sc'ulejnac Eb' Schecab' Jesús Hechos 3:22

Ax Moisés, yaljnac can 'ixtc 'a eb' qui mam quichmec: A Dios Cajlilec, a 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. Yowlal tzeyiclj smasnil tas 'oj yal 'ayex.

A Tas Sc'ulejnac Eb' Schecab' Jesús Hechos 7:37

Atn Moisés chi 'ix aln 'ixtc 'a eb' quit israelalec cha: A Dios 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. [Caw tze chaj eyab' 'a 'a,] xchi 'a eb'.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.

Dt 33:5

A Jehová 'aych sreyloc Jesurún, yic tzya'n syam sb'a eb' syajlil chon̈ab', yet' eb' yin̈tl junjn c'aj eb' yin̈tl Israel, xchi Moisés cha.

Dt 34:10

Yictax cha, man̈x 'a 'ajtil 'ay junc xo schecb' Dios 'ilchjnac 'a scal eb' yin̈tl Israel 'icha wal Moisés, yujto a win cha, caw q'uelc'mb'a x'aj yet' Jehová yic xpaxtin yet'oc.

Dt 5:5

An xo tic, 'ayn 'ec' 'a e nan̈l yet' Jehová, yic xwaln eyab' spaxti xyal cha, yujto ax tic, caw wal ex xiw yuj jun c'ac' cha. 'In ma'ex q'ue'ch pax 'a sjolm lum witz cha, yic xyaln Jehová 'ixtic:

1 Ti 2:5

Cojn jun Dios 'ay. An̈jtona', cojn jun mach tztac' ya'n 'och qui ti 'a 'a, atn Jesucristo, yujto a 'ochnc 'anma'il.

A Ch'an̈ Carta D'a Eb' Hebreo 7:22

A junx strato xyac'a, 'ec'b'al swach'l 'a yib'n̈ jun ya'jnac 'a b'ab'el. Ax Jesús, a tz'a'n 'el'choc jun tic.