Dt 18:14 - Chuj San Sebastian Bible

¹⁴ A wal eb' 'anma 'a jun tzo'n̈ nacion̈ 'a 'aj 'oj e c'och cajn cha, caw wal tzchaj eb' yab' tas tzyal eb' tznan 'el paxti', mto eb' tzaln yuj tas tot 'oj jawoc; palta ax xo tic, caw matz yal sc'ojl Jehová qui Diosalec to tze b'o jun tzo'n̈ cha.

Chuj San Mateo Bible

¹⁴ A eb' anima ay d'a juntzan̈ chon̈ab' ol eyiquej chi', syac'och sc'ool eb' tas syal eb' ajchum yed' d'a eb' ajb'aal. A exxo jun, max schalaj sc'ol Jehová co Diosal tato icha chi' tze c'ulej.

Dt 18:14 Iomraidhean Croise

Gn 20:6

'Ix ta'w Dios 'a win rey 'ixtc 'a waychil: Wojtac to wach' xotej, yuj cha, ma'ach in chaj way yet' 'ix, sec wach' matz 'och a mul 'ayin.

A Ch'an̈ Schab'il Libro Yic Yab'ixal Eb' Rey 21:6

Xya'n win tz'a yunnal xajmb'alil, scuyn sb'a win 'a jun tzo'n̈ xo b'eyb'al tic; atn wayjlil, 'ajchumal, tzc'umn win spixn eb' chamnac. Yel xo caw tu 'ix 'el sb'on 'a sat Jehová, caw 'ix tzuntzj cot yowl sc'ojl Dios chi 'a yib'an̈.

Is 2:6

Mamin Jehová, yel ton wal b'i'an 'actb'il can eb' a chon̈b' tic o'oj, atn eb' yin̈tl can Jacob, yujto til wal tz'aj sniwtj eb' 'ajchum 'a jun chon̈b' tic, atn eb' xlaj cot 'a stojlal 'aj tzq'uel c'u yet' eb' tznan 'el paxti', 'icha tzyutj sb'a eb' filisteo. Tzlaj sb'o eb' strato yet' eb' chuc chon̈b'al.

Jeremías 27:9

Yuj wal cha, man̈ e cha eyab' tas tzyal jun tzo'n̈ eb' tzaln 'ayex to matz eya'ch e b'a 'a yaln̈ schecnb'il win Nabucodonosor sreyl Babilonia. A eb' tzaln jun tzo'n̈ cha, atn eb' tztac' snan 'el paxti yalni, eb' tztac' yaln tas tzyal 'el'ch junc wayich, eb' wayjel, eb' tzalni tas 'oj ujc b'aq'uin̈.

Dn 2:27

'Ix ta'w Daniel 'a win 'ixtic: —Mamin rey, a jun tas caw c'ultac yaj tza nib'j tzojquej 'el cha, may junc mach tztac' snachj 'el yu'uj. Wach'xam eb' tzyal jelnal sb'a, eb' tzchumn yet' c'anal, eb' wayjel, eb' tztac' snan 'el junc tas, may junc eb' tztac' yaln 'ayach.

Miqueas 5:12

'Oj in satl smasnil eb' b'alm 'a e cal. Man̈x 'a junc eb' 'ajchum 'oj wactc cani.

A Tas Sc'ulejnac Eb' Schecab' Jesús Hechos 14:16

A yic pecti', yactjnac can Dios eb' 'anma', sec mun tzb'o eb' 'icha tznib'ej.

Dt 18:10

May cab' junc mach 'a e cal tzyac' tz'a junc yunnal mto yisil xajmb'alil. May cab' junc mach tzcuy sb'a snan 'el paxti', tzyaln yuj tas tot 'oj jawoc, mto tzyal tas tzyal 'el'ch junc lab', mto tzcuy 'ajchumal, mto wayjlil,