Dt 17:8 - Chuj San Sebastian Bible

⁸ Toto 'ay junc tas tz'ajx e b'eyc'ojloc, palta caw 'ajltac snachj 'el eyu'uj, 'icha owl yic chamel, yic lajwel, mto junc xo comn owl tzq'ue wan 'a yol e chon̈b' cha, tzex 'at mu'c 'a jun lugar sic'b'il 'el yuj Jehová qui Diosalec.

Chuj San Mateo Bible

⁸ Tato ay junoc tas tz'ac'ji e ch'olb'itej yaji, palta tato max nachajel eyuuj tas tzeyutej e b'oan yaji, icha junoc oval yic chamel, ma yuj junoc mach slajvi, ma junocxo comon oval sq'ue vaan d'a e cal, tzex b'at d'a jun lugar sic'b'ilel yuj Jehová co Diosal scajnub'oc,

Dt 17:8 Iomraidhean Croise

A Ch'an̈ Schab'l Libro Samuel 15:2

Caw tzseb' q'ue wan 'a junjn c'u, ax 'a sla'nil sti spuertail jun chon̈b' cha, ata tz'aj lin̈an. Tzann̈j mach tzjaw sb'oyaj sb'a 'a win rey chi yuj junc yowal, tzyawtn 'at win 'a stz'ey, tzyaln win 'a 'ixtic: ¿'Aja chon̈b'al tzach coti? xchi 'a 'a. Tzta'w 'a 'a: An a checb' in tic, ata tzin cot 'a scal eb' yin̈tl Israel, xchi 'a winac.

1 Cr 26:29

A 'a eb' yin̈tl Izhar, ata cotnc Quenanías yet' eb' yunnal. A eb' 'aych gobernadoral, yet' juezal 'a chon̈b' Israel, palta man̈xtoc a 'a yatut Dios 'aych yopiso eb'.

Ex 18:15

'Ix ta'w Moisés 'ixtc 'a win sn̈i cha: —Tzjaw eb' 'anma tic 'ayin, yujto an tzwal 'a Dios yuj tastc tzlaj sb'o eb'.

Ex 18:26

A ewin tzb'on yaj eb' 'anma chi 'a tzann̈j yorail. Ax pax junc owl to niwquil yel'chi, yowlal tzyij 'at eb' 'a Moisés; ax tas may wal yel'chi, a ewin tzb'onyaji.

Ex 21:20

Q'uinloc 'ay mach tzc'anlb'ej te', yic tzma'n junc smoso, junc winac, mto junc 'ix ya'mal servil, toto tzcham yuj muc'uc, a jun tz'och smul cha, yowlal tzcham paxi.

Ex 21:22

Q'uinloc 'ay chawn̈oc winc tzyac' owal: A yic wan ya'n eb' owl cha, tzyamchj c'och junc 'ix 'ix sma'n ewinac. Toto 'ayx tz'i'n pax 'ix, tz'ec' yune 'ix cha, palta may tas tzlajw 'a 'ix, ax win tz'och smul cha, yowlal tzyac' win smulta, a tzyal jantc tzc'an win yichmil 'ix 'ix cha. An̈jtona', a tzyal tas tzyutj eb' juez sb'on yaji.

Ex 21:28

Q'uinloc 'ay junc wacx tztecn cham junc winac mto junc 'ix, yowlal tzjulx cham pax no', palta matz chix schib'jal no', may pax tz'aj jun yajl no cha.

Ex 22:2

Toto 'ay junc mach wan yoch 'elc'l 'a junc n̈a, ax tz'aji tzyamchji; q'uinloc tzlajwi, mto tzcham yuj yelc'mal cha, toto 'ac'wal, may mach tztac' ya'n yowlal.

Ex 22:8

Palta toto matz 'ilchj jun 'elc'm cha, tz'ijx 'at jun 'ajn̈a chi 'a sat eb' juez, yic tzsayx 'ilxoc toto man̈oc jun 'ajn̈a chi tzc'ub'n 'el jun tumn cha.

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Hageo 2:11

C'anb'j 'ixtc 'a eb' ya'mal 'och sti eb' 'anma 'ayin, tas yaln in ley.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Nm 35:11

yowlal tze si'cn 'el jaye'oc chon̈b'al 'aj wach' 'at scolnc sb'a eb' 'anma tzmil cham junc yit 'anma'il, eb' to man̈ sc'anc sc'ojl tzmilwji.

Nm 35:16

Toto 'ay mach tzma'n junc 'anma yet' junc q'uen yamc'ab' yic owal, mto yet' junc comn q'ue'en, mto yet' junc te te', ax jun tzma'x cha, toto tzlajwi, ax tz'aji tzchami, a jun tzma'wj cha, milj cham 'anma tzb'o'o, yowlal tzma'x cham pax jun xo.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:14

Cojn 'a jun lugar tzsi'l Jehová 'a yol e nacion̈, ata tzeyij 'at jun tzo'n̈ cha. A jun tzo'n̈ tzwalcn 'ayx tic, yowlal tzeyiclj e b'on 'a jun lugar cha.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Dt 19:17

toto 'ixta', a chawn̈ 'anma cha, yowlal tzc'och eb' schawn̈il 'a yojltac Jehová, yet' 'a yojltac eb' ya'mal 'och sti eb' 'anma', yet' pax 'a yojltac eb' juez, eb' to 'aych yopiso sb'onyaj eb' 'anma chi 'a jun tiempoal cha.

Dt 19:4

A jun tzmilwj cha, tztac' s'at 'eloc, yic tz'at scolnc sb'a ta', sec matz chami, toto man̈ sc'anc sc'ojl tzmilwji, toto may pax xon yowl yet' jun tzmil cha.

Dt 21:5

Tzlajw cha, ax eb' ya'mal 'och sti eb' 'anma 'a Dios, atn eb' yin̈tl can Leví, tzc'och eb' 'a stz'ey no'. Yujto a eb' sic'b'il 'el yuj Jehová qui Diosalec yic tz'ajx servil yuj eb', ax eb' tzc'ann swach'c'ojlal Jehová chi 'a eyib'an̈. Yuj tas tzyalcn eb' cha, tz'ajx can lajwc junc owal, mto junc chacjb'al 'a yol e chon̈ab'.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.