Dt 17:2 - Chuj San Sebastian Bible

² Toto a 'a scal jun tzo'n̈ chon̈b' 'oj yac' Jehová eyico'oc cha, ata tz'el speclal junc winac, mto junc 'ix to 'ay tas tu tzb'o'o, tenmtac 'a strato Jehová, toto tzb'o jun tzo'n̈ 'oj wal tic:

Chuj San Mateo Bible

^2-3 Tato a d'a juntzan̈ chon̈ab' ol yac' Jehová co Diosal chi' d'ayex, ol el specal to ay junoc vinac, ma junoc ix ix max c'anab'ajan strato Jehová chi', axo d'a juntzan̈ comon dios tz'och ejmelal, d'a c'u, d'a q'uen uj, ma d'a q'uen c'anal, aton juntzan̈ ix yal Jehová to max yal-laj coch ejmelal d'ay,

Dt 17:2 Iomraidhean Croise

A Ch'an̈ Schab'il Libro Yic Yab'ixal Eb' Rey 18:12

'Ixta 'ix 'aj eb' israel yujn̈ej to ma'ix syiclj eb' spaxti Jehová sDiosal. Tenmtac 'ix yutj sb'a eb' 'a strato sb'ojnac yet' eb' smam yichm eb'. 'Ix spatquilj can 'el eb' smasnil tas alb'il can yuj Moisés, atn win schecb' Jehová.

A Ch'an̈ Schab'il Libro Yic Yab'ixal Eb' Rey 21:3

Yujto sb'o chan̈ jun tzo'n̈ macsej 'a jolmctac witz jun 'ejm xo, atn jun tzo'n̈ satb'il 'el yuj Ezequías, atn smam, jun tzo'n̈ yic Baal, yet' jun sch'oxnb'il comn dios tzcuch Asera, 'icha sb'ojnac Acab sreyl chon̈b' Israel. 'Ix ya'n̈j pax 'ejm sb'a Manasés chi 'a jun tzo'n̈ c'anal 'a satcha'an̈.

Job 31:28

Q'uinloc 'ixta xwutj in b'a, smoj wal cab' sjaw yailal 'a wib'an̈; to 'ixta' yet' am chab'satl tzwutj wi'n 'ejm in b'a 'a Dios 'ay 'a satcha'an̈.

Ex 22:19

Toto 'ay mach tzmuln yet' no noc', yowlal tzchami.

Ex 22:20

Toto 'ay mach tzyac' xajmb'al 'a tas tzalx 'och diosal, to man̈oc 'ayn an Jehová in tzyac'a, yowlal tzchami.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 34:18

A eb' yajl yaj 'a Judá, yet' 'a Jerusalén, yet' eb' 'aych 'a'j servil 'a despacho, yet' eb' ya'mal 'och sti eb' 'anma 'ayin yet' pax smasnil eb' 'anma cajn ta', 'ix sb'o eb' jun strato 'a wojltac. Chab' xyutj 'el eb' snan̈l jun no quelm wacax, xlajw cha, 'ix b'eyc' eb' 'a snan̈l no'. Palta wal 'a yajn̈ej spatquiln 'el eb' jun strato 'aj xyac' sti cha, yuj cha, 'ixta 'oj wutc eb' 'icha xyutj eb' no wacx cha.

Ez 16:38

Ax in b'eyc'ojlan yuj yajmulal yet' yuj smilm 'anma'il, 'oj wac' 'a yol sc'ab' chaml yuj yowl in c'ojl 'a yib'an̈.

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Lv 20:2

Al jun tzo'n̈ checnb'il tic yab' eb' et israelal to an tzwal 'ixtic: Tzann̈j ex ax tic, mto chuc chon̈b'al cajn 'ec' 'a e cal, toto tzyac' junc yunnal xajmb'al-l 'a jun comn dios tzcuch Moloc, yowlal tzcham jun 'anma cha. A eb' chon̈ab', a eb' tzjuln cham yet' q'uen q'ue'en.

Lv 26:15

Toto tze patquilj can 'el in cuynb'il, may yel'ch in checnb'il 'ayex, tzeyixtn 'el in trato in b'ojnac eyet'oc,

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Dt 17:5

a jun winc cha, mto junc 'ix tzb'on jun maysch'olnil cha, yowlal tzeyij 'el 'a sti 'el chon̈ab', axta tze julcn cham yet' q'uen q'ue'en.

Dt 29:18

Comnoc may junc mach 'a qui calc tic, winac mto 'ix, mto eyunnal, mto eyisil, mto junc 'in̈tal eb' quit chon̈b'ec tz'actn can Jehová qui Diosalec, yic tzyaln sb'a 'a sdiosal jun tzo'n̈ xo nacion̈ cha. Comnoc may junc ex lajn ex 'icha junc yib' te tzq'uib' swol, caw c'a sat tzyac'a, tzcham 'anma yu'uj.

Dt 29:25

Ax spacx 'a eb' 'ixtic: Yujto xyactj can eb' strato Jehová, atn sDiosal smam yichm eb', jun sb'ojnac strato yet' eb' yic yi'n 'elt eb' 'a Egipto.

Dt 31:20

A yic 'oj lajwc wi'n 'och eb' 'anma tic 'a sat lum lum 'aj 'ix wac' in ti wa'n 'a eb' e mam eyicham, lum caw 'ay syaxil sat, caw 'oj wa eb' si'mb'il, 'oj b'ut'joc sc'ojl eb', ax sb'a'chb'i eb'. 'Oj lajwc cha, ax yoch tza'n eb' yuj jun tzo'n̈ comn dios, ax yi'n 'ejm sb'a eb' 'a 'a; an xo tic, 'oj in spatquilc can 'el eb', ax sjun 'el eb' in trato 'ix in b'o yet'oc.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

A Ch'an̈ Carta D'a Eb' Hebreo 10:28

Toto 'ay mach matz yiclni ley yic Moisés, toto 'ay chawn̈oc, mto 'oxwn̈oc testigo tz'ilni, to 'ixta', tz'ajx can 'och 'a yol sc'ab' chamel. May mach tztac' yo'ch sc'ojl 'a 'a.

Josué 23:16

Toto ma'oj eyiclc jun strato Jehová qui Diosalec, jun xya'cn 'ayn̈ec, ax 'a jun tzo'n̈ comn dios 'aj 'oj eyac' 'emmquilal, tzex 'em n̈ojn 'a yojltac eb'; toto 'ixta', caw 'oj cot yowl 'ayex, yajn̈ej ax ex satn 'el 'a sat jun lum caw wach' tic, xchi Josué.

Josué 7:11

A eb' et chon̈b' tic to 'ix 'och smul eb', yujto ma'ix syiclj eb' tas xwala. 'Ix yel'j cot eb' tas 'ix wal to tzsatli, 'ix sc'ultac 'ij cot eb', sc'ub'n 'el eb' 'a yet'l 'aj molb'il tas yu'uj.

Josué 7:15

A mach tz'ilchj yet' tas 'ayc' 'a cha, atn jun tzo'n̈ xwal to tzsatli, a jun cha, milx cab' chamoc, tzlajw cha, tz'ajx tz'a yet' yunnal yet' pax smasnil tas 'ay 'a 'a, yujto 'ix yij 'och tas maysch'olnil 'a scal yit chon̈ab', ma'ix syiclj strato wet'oc, xchi Jehová, xa chi, xchi Dios.

Jueces 2:20

Yuj cha, xcot yowl Jehová 'a eb', xyaln yuj eb' 'ixtic: A jun tzo'n̈ 'anma tic, caw matz yiclj eb' jun trato ya'jnac can smam yichm eb' wet'oc, matz tzyab' eb' tas tzwala.

Jueces 6:31

'Ix ta'w Joás 'a smasnil eb' 'anma oyn 'och 'a stz'ey cha, xyaln 'ixtic: —¿Tom tzeya'ch e b'a e coln Baal? ¿Tom tze nib'j eyac' owl yu'uj? Toto 'ixta', tzann̈j mach tzcoln Baal cham cab'i', ya' sb'a mantzac sacb' 'eli. Toto yel Dios jun Baal cha, scol cab' sb'a sch'ocj 'a jun mach 'ix ma'n 'ejm jun yet'l xajmb'al cha, xchi Joás.