Dt 16:18 - Chuj San Sebastian Bible

¹⁸ Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

Chuj San Mateo Bible

¹⁸ Ol eyac'och eb' juez yed' eb' yajal d'a junjun chon̈ab' ol yac' Jehová co Diosal d'a junjun eyin̈tilal, yic vach' a eb' ol b'oan yaj d'a stojolal tastac sq'ue vaan d'a e cal.

Dt 16:18 Iomraidhean Croise

1 Cr 23:4

A 'a scal eb' tic 'ix si'x 'elt 24 mil eb' tz'och sjucb'tzoc eb' munljum tzb'on yatut Jehová, ax junx waque mil eb' tz'och gobernadoral yet' 'a juezal.

1 Cr 26:29

A 'a eb' yin̈tl Izhar, ata cotnc Quenanías yet' eb' yunnal. A eb' 'aych gobernadoral, yet' juezal 'a chon̈b' Israel, palta man̈xtoc a 'a yatut Dios 'aych yopiso eb'.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Ex 21:22

Q'uinloc 'ay chawn̈oc winc tzyac' owal: A yic wan ya'n eb' owl cha, tzyamchj c'och junc 'ix 'ix sma'n ewinac. Toto 'ayx tz'i'n pax 'ix, tz'ec' yune 'ix cha, palta may tas tzlajw 'a 'ix, ax win tz'och smul cha, yowlal tzyac' win smulta, a tzyal jantc tzc'an win yichmil 'ix 'ix cha. An̈jtona', a tzyal tas tzyutj eb' juez sb'on yaji.

Ex 21:6

toto 'ixta', ax win spatron̈ win cha, ax win tz'i'n 'at win 'a yojltac eb' juez. Tznitzx 'och win 'a stz'ey smarcoal smac sdespacho eb' juez cha, axta tzolx can schicn win yet' junc q'uen niwquil 'acxa', sch'oxnb'il yic tzcancn win yet' spatron̈ chi 'a jun 'ejmn̈ej.

Pr 31:23

A win yichmil 'ix cha, caw wal 'ojcab'il win si'mb'il yuj eb' yajl 'a schon̈ab', 'aych win stz'acb'oc eb' niwc winc 'a yol schon̈b' cha.

Mt 5:21

'Ay 'aj xcab'c tas alb'il can 'a eb' qui mam quichmec 'a pecti', 'a 'aj tzyal 'ixtic: Man̈ ex milwoc cham 'anma'. Tzann̈j mach tzma'n cham junc yit 'anma'il, yowlal tz'ijx 'at 'a sat ley, axta tzb'eyc'ojlaxi, xchi.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Dt 16:17

Junjn mach tzyij 'at yofrenda, a tzyal tas 'ay 'a yol sc'ab' yuj Jehová qui Diosalec.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Dt 17:12

Palta toto 'ay mach tz'ec' 'a yib'an̈, tzb'onyaj junc chi 'a mun yico', man̈ 'ichaoc tzyutj win ya'mal 'och e ti chi yalni, atn win 'aych ya'malc servil Jehová qui Diosalec, mto tz'ec' 'a yib'n̈ 'icha tzyutj win juez chi yalni. A jun 'ixta tzyutj sb'a cha, tojln̈ej schami, sec 'ixta tz'aj yel maysch'olnil chi 'a e cal.

Dt 17:9

Tze mol aln yet' eb' ya'mal 'och e ti 'a Dios, atn eb' yin̈tl Leví, tzeyaln pax 'a eb' juez 'aych 'a yopiso, tze c'anb'n 'a eb', tas tz'aj jun owl cha. Ax eb' 'oj alnoc tas tz'aj sb'oyaji.

Dt 21:2

a eb' yichmtac wincal chon̈ab', yet' eb' yajl 'oj nanoc, mto 'oj yechtoc eb' tas chon̈b'al la'n yaj 'a stz'ey jun lugar 'a 'aj 'ay sniwnal jun chamnc 'anma cha.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

A Ch'an̈ B'ab'el Libro Samuel 8:1

A yic x'och Samuel 'ichm 'anma'il, 'ix ya'n can 'och chawn̈ yunnal syajlilc eb' yit chon̈ab'.