Dt 15:9 - Chuj San Sebastian Bible

⁹ Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Chuj San Mateo Bible

⁹ Tzeya ilej e pensar, xe natalaj icha tic: Man̈xo ol vac'laj tas majanil, ina to lac'anxo sjavi yuquil ab'il, aton jun ab'il b'aj maxtzac c'anb'aj tastac ayb'at majanil, xe chitalaj. Max yal to chuc tzeyutej e c'ol d'a eb' meb'a' ay d'a scal eb' quetchon̈ab', q'uetalaj yav eb' d'a Jehová yuj e chucc'olal chi', yuj chi' tz'och e mul d'a Jehová.

Dt 15:9 Iomraidhean Croise

Job 34:28

A eb' meb'a', yet' eb' 'ay tas 'ay sc'a'l tz'och yu'uj, 'ix c'och yel yaw eb' 'a Dios yuj eb' maysch'olnil cha. 'Ix yab'i, to caw 'oltac yel yaw eb'.

Salmos 101:3

May wal b'a'n̈ 'oj wa'ch in nab'en 'a tas maysch'olnil. Matz in nib'j wil eb' tzyij 'el sb'a 'a a tz'ey, may wal junc eb' 'oj wa'ch yopiso 'a in despacho.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 9:12

A Jehová tzya'chn̈ej syailal eb' milm cham 'anma', man̈ ton̈joc tzyab'i yic tzyaln sb'a eb' 'aych 'a syailal.

Ex 22:22

Man̈ eyixtc eb' 'ix 'ix chamnc yichmil, yet' pax eb' meb'a 'unn chamnc smam.

Ex 22:23

Toto tzeyixtj eb', ax yaln sb'a eb' 'ayin, an xo 'oj in colwj yet' eb'.

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Pr 14:21

Tz'och qui mulec toto tzqui patquiljec can 'el eb' quit 'anma'il, palta caw wach' quiquec, toto tz'o'ch qui c'ojlec 'a eb' meb'a'.

Pr 21:13

A mach matz chaj yab' tas tzc'an eb' meb'a', ax yic 'oj yalnc sb'a 'a Dios, ma'oj scha Dios yab' tas 'oj sc'an cha.

Pr 23:6

Man̈ ex wa 'a smexa eb' b'as, man̈ e nib'c 'och swach'il tas tzc'ux eb',

Pr 24:9

A tas nab'il yuj junc may snab'en, cojn 'ajmulal; a junc ch'a'an, toc 'ay mach tznib'ni.

Pr 28:22

A mach tznib'j 'och sb'a ricoal 'a yajn̈ej, man̈ yojcoc toto 'oj jawc meb'a'il 'a yib'an̈.

Pr 4:23

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Jeremías 34:14

to a 'a junjn yuctquil ab'il, tzeya'n 'el eb' e moso 'a libre, atn eb' eyit israelal, eb' tzchon̈ch sb'a e mosooc, eb' tox ex 'a'n servil waque'oc ab'il. Palta a eb' e mam eyichm cha, ma'ix schaj eb' yab' tas waljnac, caw ma'ix syiclj eb'.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.

Dt 15:1

'Ix yaln pax Moisés 'ixtic: 'A junjn yuctquil ab'il, tzeya'n lajwc sb'oc eb' to 'ay sb'oc 'ayex.

Dt 24:15

Tojc sc'u eb' e majn 'a junjn yemc'ual, yujto a eb' meb'a', yowlal tzman eb' tas tzc'ux 'a junjn c'u. Toto ma'ay, 'oj yal sb'a eb' 'a Jehová, ax yochcn jun chi e muloc.

Dt 31:10

'Ix yaln can jun ley tic 'ixtc 'a eb': A yic tz'acw junjn yuctquil ab'il, yic 'aych q'uin̈ chinama, ata tz'ajx niwnc'ojlal smasnil sb'oc eb' 'anma'.

Santiago 4:17

Toto cojtquec tas wach' tznib'j Dios tzqui b'o'o, palta matz qui b'o paxi, to 'ixta', tz'och qui mulc 'a 'a.

Santiago 4:5

¿Tom tze na'a, to may yel'ch tas tzyal spaxti Dios 'a Ch'an̈ U'un̈ 'a 'aj tzyal 'ixtic: A Dios 'ix 'a'n 'och cajn Yespíritu 'ayn̈ junjn on̈. Caw wal tznib'j Yespíritu cha, to yic on̈cn̈ej 'a jun 'ejmn̈ej, xchi.

Santiago 5:4

A eb' e majn xmunlj 'ayex, 'in ma'ix e toj eb', ton̈j xeyixtj paxti eb'. Yuj cha, tz'awj chan̈ eb' 'a e patic, tzyaln eb' e mul. Ax yaw eb' cha, tzc'och 'a Cajlil 'a satcha'an̈.

Santiago 5:9

Ex wu'tac, ex wanab', man̈ eya'lac queja e b'a, sec wach' ma'oj e b'eyc'ojlaxi. Yujto jab'xoj 'oj jawc qui Juezalec.

A Sb'ab'el Carta San Pedro 4:9

Ca'c sposada eb' quit creyenteal tzlaj 'ec' 'ayn̈ec, palta man̈oc cab' yet' qui chab'c'ojlal.