Dt 15:7 - Chuj San Sebastian Bible

⁷ Toto 'ay junc quit chon̈b'ec to meb'a 'a junc chon̈b' 'aj tzyac' Jehová Dios eyico'oc, man̈ tuc tzeyutj e nab'en 'a 'a, palta yowlal tzex colwj 'a junc quit chon̈b' to meb'a cha.

Chuj San Mateo Bible

⁷ Tato ay junoc eb' quetchon̈ab' tic meb'a' d'a e cal d'a junoc chon̈ab' van yac'an Jehová d'ayex, man̈ chucoc tzeyutej e c'ol d'a eb', palta tze col eb' d'a tas tz'och yuuj,

Dt 15:7 Iomraidhean Croise

Nehemías 5:1

A 'a jun tiempoal cha, 'ix yal sb'a eb' 'anma', eb' winac yet' eb' 'ix 'ix yuj tas tz'aj eb' yixtx yuj eb' quit chon̈ab'.

Ester 9:19

Ax pax eb' israel cajn 'a jun tzo'n̈ xo chon̈ab', yet' 'a jun tzo'n̈ aldea to may smuroal schon̈ab', a 'a yic chan̈lajn̈e yoch 'uj Adar sb'i, ata xya'ch eb' q'uin̈ 'a tzaljc'ojlal, 'ix laj siylan eb' tastc 'a 'a.

Ester 9:22

Yujto a 'a jun tzo'n̈ c'u cha, ata 'ix yac' lajwc eb' israel eb' 'ajc'ojl yajch 'a 'a. A wal 'a jun c'ul cha, 'aych wal eb' 'a 'oq'uel, tz'el yaw eb' yuj chamel. Palta 'ix jelmji, tzaljc'ojlal xo x'aj 'el'chi. Yuj cha, a 'a jun tzo'n̈ c'u cha, ata tzna eb' q'uin̈, tzsiyn eb' tastc 'a 'a, tzya'n eb' scolwal 'a eb' meb'a'.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Pr 21:13

A mach matz chaj yab' tas tzc'an eb' meb'a', ax yic 'oj yalnc sb'a 'a Dios, ma'oj scha Dios yab' tas 'oj sc'an cha.

Is 58:10

Toto tzeya'ch e b'a eya'n tas tzc'ux eb' 'ay swejel, tzeya'n tas 'ay tz'och yuj eb' tzcus yuj meb'a'il. Toto 'ixta', 'oj checljoc chan̈ e wach'l 'a scal 'anma', 'icha tzyac' sacq'uinl 'a scal q'uic'q'uinal, caw tzsacb' chan̈ yu'uj, 'icha pax yilx 'a yic chimc'ual.

Lv 25:35

Toto 'ay junc eyit chon̈b' tzlajw 'ejm jac tas 'ay 'a 'a, yowlal tzex colwj 'a 'a, 'icha wal tzyac' junc chuc chon̈b'al ton̈j tz'ec' 'a e cal yic tzcan 'a yol e chon̈ab'.

Mt 18:30

Palta matz yal sc'ojl win tzyac' niwnc'ojlal. Yuj cha, tz'at ya'nc 'och win 'a preso, masnto tzya'cn sb'oc chi 'a winac.

Mt 5:42

Tzann̈j mach tzc'ann smajnc junc tas 'ayex, matz tac' ton̈j tzex 'el ch'umn 'a 'a.

Dt 15:11

A meb'a'il cha, may xon b'a'n̈ 'oj 'och wan 'a scal eb' 'anma 'a sat lum lum tic. Yuj cha, tzwaln can 'ayex, to wach' tzeyutj e nab'en 'a eb' quit chon̈b'ec tz'ab'n syal meb'a'il 'a yol e chon̈b' cha.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Dt 24:14

Man̈ eyixtc junc meb'a 'anma tzmunlj 'ayex, toxn̈ej eb' eyit chon̈ab', mto eb' chuc chon̈b'al 'ayc' 'a e cal, man̈ e macch wan stojl eb'.