Dt 15:19 - Chuj San Sebastian Bible

¹⁹ Smasnil sb'ab'l 'une e wacax, e calnelu, toto smam no 'unn cha, yic Jehová tz'aj no', yowlal tze si'cn 'el no yico'oc. Man̈ eyac' munljoc no sb'ab'l 'une e wacax, man̈ e joxl pax xil no sb'ab'l 'une e calnelu cha.

Chuj San Mateo Bible

¹⁹ Masanil sb'ab'el yune' noc' e vacax, ma noc' e calnel, tato vinac tze sic'caneli yic tz'ochcan yicoc Jehová co Diosal. Man̈ eyac' munlaj noc' b'ab'el yune' e vacax chi', man̈ e joxpaxel xil noc' b'ab'el yune' e calnel chi'.

Dt 15:19 Iomraidhean Croise

Ex 13:12

a yic cha, 'oj qui pojc 'el eb' qui b'ab'l winc 'unin, yet' no sb'ab'l 'une no qui cajb'en noc', atn no smam, yujto yic Jehová yaj eb'.

Ex 13:2

A eb' b'ab'l winc 'unn tz'alj 'a e cal, pojc 'el eb', yujto wic tz'ajcn eb'. An̈jtona no cajb'en noc', a sb'ab'l 'une e no', wic yaj no', xchi.

Ex 22:29

Man̈ e tench wan e b'a eya'n eyofrenda 'ayin: Atn ofrenda yic smasnil sb'ab'l sat eyawb'en. A eb' e b'ab'l winc 'unin, yowlal tzeyac' eb' 'ayin,

Ex 22:30

'ixta pax sb'ab'l 'une e wacax, mto e calnelu. Tztac' tzcan no uque'oc c'u yet' snun, ax 'a yic swajxq'uejial xo yalj no', tzeya'n no 'ayin.

Ex 34:19

Smasnil eb' e b'ab'l winc 'unin, wic yaj eb'. An̈jtona' 'ixta pax yuj sb'ab'l 'une e wacax, e calnelu mto e chiwo. Toto smam no 'unn cha, wic yaj no'.

Lv 27:26

Palta a sb'ab'l 'une e wacax, e calnelu mto e chiwo, a jun tzo'n̈ noc' cha, wic xon yaj e no an Jehová in, yuj cha, may junc mach tztac' yalni to tzyac' no ofrendail 'ayin.

Nm 18:15

Smasnil sb'ab'l 'unnal eb' et israelal, yet' sb'ab'l 'une scajb'en noc' eb' tzyac' 'ayin, ec tz'aji. Palta a yuj eb' sb'ab'l 'unnal eb' 'anma cha, yet' sb'ab'l 'une no noc' to matz tac' yoch xajmb'alil, tza c'an q'uen tumn sjeloc.

Nm 18:17

Palta man̈ a cha jelxc sb'ab'l 'une no wacax, no calnelu yet' no chiwo. Yujto a jun tzo'n̈ noc' cha, to wic yaji. Yowlal tza mil cham no', tza secn q'ue schic'l no 'a yib'n̈ yet'l xajmb'al, ax xepual no', tza n̈us tz'a 'a wojltac, yujto su'q'ui sjab' tzwab'i.

Nm 3:13

A yic xwa'n cham smasnil eb' sb'ab'l winc 'unn eb' 'aj Egipto, 'ix in colcn 'el eb' sb'ab'l winc 'unn eb' et israelal yic tz'och eb' wico'oc. 'Ixta pax smasnil sb'ab'l 'une no scajb'en noc' eb', wic yaj no'. An Jehová in, an tzwala, xchi Dios.

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:17

A 'a yol e chon̈b' cha, matz tac' eyi'n can sdiesmoal e trigo, sdiesmoal eyal uva, mto eyaceite, matz tac' e chin sb'ab'l 'une e wacax, mto e calnelu, matz tac' eyi'n can 'el jac eyic 'a tas ta'wb'il eyu'uj, yet' 'a jun tzo'n̈ ton̈j tz'el 'a e c'ojl eya'n 'a Jehová.

Dt 14:23

A sdiesmoal e trigo, eyal uva, eyaceite yet' no sb'ab'l 'une e wacax, mto sb'ab'l 'une e calnelu mto chiwo. Ata tze c'ux jun tzo'n̈ chi 'a yojltac Jehová qui Diosalec, 'a jun lugar 'oj si'l yico'oc cha, sec 'ixta tzeyutj eyi'n 'ejm e b'a 'a Dios 'a smasnil tiempo.

Dt 15:18

Man̈ tuc cab' tzeyab'i, yic tzeya'n 'el eb' e moso 'a libre, eb' man̈ yico'oc sb'a, yujto waque ab'il pax tzex yac' servil eb', ax stojl eb', cojn spacl 'aj tzq'ue'ch 'icha tzeyutj e tojn junc e majn tz'acn tzyij stojl 'a junjn c'u. Toto 'ixta', 'oj yac' Jehová Dios syaxilal 'a yib'n̈ smasnil tas tze b'o'o.

Dt 16:11

Tze nan jun q'uin̈ chi 'a yojltac Jehová Dios, 'a jun lugar 'oj si'l yico'oc cha. Tze mol naj jun q'uin̈ chi yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

Dt 16:14

A 'a jun q'uin̈ cha, ata tzeyac' tzaljoc e c'ojl yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

A Ch'an̈ Carta D'a Eb' Hebreo 12:23

tzyam sb'a ta', yic tzyaln eb' wach' paxti 'a Dios. 'Ayc' pax eb' yunnal xo Dios tz'ib'b'ilx sb'i 'a satcha'an̈. Ata 'ayc' Dios, atn sJuezal smasnil 'anma'. Ata 'ayc' spixn eb' wach' yutjnac sb'eyb'al, atn eb' tz'acn xo yuj Dios.