Dt 15:1 - Chuj San Sebastian Bible

¹ 'Ix yaln pax Moisés 'ixtic: 'A junjn yuctquil ab'il, tzeya'n lajwc sb'oc eb' to 'ay sb'oc 'ayex.

Chuj San Mateo Bible

¹ D'a yuctaquil ab'il tzeyactan e c'anan meltzaj e tastac ayb'at majanil.

Dt 15:1 Iomraidhean Croise

Nehemías 10:31

Toto tzjaw eb' chuc chon̈b'al chon̈wjoc 'a sc'ul 'iljelal, ma'oj qui manwjec 'a eb', yet' 'a sc'ul jun tzo'n̈ xo q'uin̈. Ax 'a yucl ab'il ax cactnec can lum lum 'iljoc, ax ca'nec pax tup sb'oc eb' 'ay sb'oc 'ayn̈ec.

Ex 21:2

Toto 'ay junc win eyit chon̈b' tze mana, yic tz'och e mosooc, cojn waque ab'il tzmunlj 'ayex, ax 'a yucl ab'il tzyica'an sb'a, may tas tztojo yic tzyica'an pax sb'a cha.

Jeremías 34:14

to a 'a junjn yuctquil ab'il, tzeya'n 'el eb' e moso 'a libre, atn eb' eyit israelal, eb' tzchon̈ch sb'a e mosooc, eb' tox ex 'a'n servil waque'oc ab'il. Palta a eb' e mam eyichm cha, ma'ix schaj eb' yab' tas waljnac, caw ma'ix syiclj eb'.

Dt 15:2

A jun niwnc'ojlal cha, 'ixtc 'oj eyutc 'ixtic: Smasnil eb' 'anma to 'ay junc tas tzmajnj 'ayex, yowlal tzeyac' niwnc'ojlal 'a eb' yuj tas majnab'il yuj cha. Man̈x e c'anb'c sb'oc junc quit chon̈ab', man̈x e c'an meltzjoc smajn cha, yujto a jun ab'il cha, 'ix yal Jehová to ata tzeyac' niwnc'ojlal smasnil b'oc 'a jun 'ejmn̈ej.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Dt 31:10

'Ix yaln can jun ley tic 'ixtc 'a eb': A yic tz'acw junjn yuctquil ab'il, yic 'aych q'uin̈ chinama, ata tz'ajx niwnc'ojlal smasnil sb'oc eb' 'anma'.