Dt 14:3 - Chuj San Sebastian Bible

³ Man̈ e chi no noc' yajb'entac.

Chuj San Mateo Bible

³ Man̈ e chi noc' noc' max chijilaj, noc' ay yovalil yuj Dios.

Dt 14:3 Iomraidhean Croise

Gn 7:2

'Ij 'och uc mojn̈oc no noc' tztac' yoch xajmb'alil, ax pax smasnil no man̈ wach'c yoch xajmb'alil, junjn mojn̈ no tzej 'ochi.

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Lv 11:2

Alc yab' smasnil eb' eyit israelal cha, to a 'a scal smasnil no noc' 'ay 'a sat lum lum tic, 'ay no wach' e chini: atn no tzjax yan̈, no chaxaln̈ cab' yech.

Lv 11:43

Man̈ eyixtc 'el e b'a yuj no noc' man̈ wach'c cha, yujto tzex juw can 'el yuj no'.

Lv 20:25

Yuj cha, yowlal 'ay cab' sjelpal no noc' 'a e sat. 'Ay no wach', 'ay pax no man̈ wach'oc, 'ay no ch'ic wach', 'ay pax no man̈ wach'oc. Man̈ eyixtc 'el e b'a yic tze chin no noc' man̈ wach'c cha, no ch'ic yet' no tzjucsb'a 'a sat lu'um, atn no xwala to man̈ wach'c no'.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

1 Co 10:28

Palta toto 'ay junc mach tzaln 'ayx 'ixtic: A jun chib'j tzyac' win tic, tox x'och xajmb'alil, toto xchi 'ayex, man̈ e chi'. Yujto a jun tzaln 'ayx cha, 'ay smay, toq'ue tzjuw 'el snab'en eyu'uj.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.