Dt 14:21 - Chuj San Sebastian Bible

²¹ Man̈ e chi no noc' mun tzchami, yujto an̈ec tic, sic'b'iln̈ec 'el schon̈b'oc Jehová Dios. A no noc' cha, tztac' eya'n schi eb' chuc chon̈b'al cajn 'a e cal; atn eb' chi tztac' schin no', mto tze chon̈ no 'a eb' chuc chon̈b'al ton̈j tzb'eyc' 'a e cal. Man̈ e tz'an̈ no cotc chiwo 'a scal yal yim no snun.

Chuj San Mateo Bible

²¹ Man̈ e chi' junoc noc' ton̈ej scham d'a ichn̈ejta', yujto a on̈ tic sic'b'il on̈ el yuj Jehová co Diosal. Palta syal eyac'an noc' d'a eb' ch'oc chon̈ab'il ayec' cajan d'a e cal. A eb' chi' syal schi'an noc' eb'. Mato syalpax e chon̈an noc' d'a eb' ch'oc chon̈ab'il ton̈ej sb'eyec' d'a e cal. Man̈ e tz'an̈ noc' yune' chiva d'a scal yal yim snun.

Dt 14:21 Iomraidhean Croise

Ex 19:6

Ax tic, ya'mal 'och sti eb' 'anma tzex 'ajcn 'ayin, yic tzin eya'n servil. A jun chon̈b'alx tic, wicn̈ej tzex 'ajcni, xchi Jehová, xa chi 'a eb', xchi Dios 'a Moisés.

Ex 22:30

'ixta pax sb'ab'l 'une e wacax, mto e calnelu. Tztac' tzcan no uque'oc c'u yet' snun, ax 'a yic swajxq'uejial xo yalj no', tzeya'n no 'ayin.

Ex 23:19

A wal sb'ab'l sat eyawb'en wach' tz'el-l 'a sat lum lu'um, a tzeyij cot 'a watut an Jehová e Diosal in tic. Man̈ e tz'an̈ no cotc chiwo 'a scal yal yim no snun.

Ex 34:26

Smasnil sb'ab'l sat 'awb'en tz'el 'a sat lum lum cha, yowlal tzeyij cot 'a watut an Jehová e Diosal in. Man̈ e tz'an̈ e no cotc chiwo 'a scal yal yim no snun, xchi Dios.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Ez 44:31

Matz tac' scomn chin eb' no ch'ic mto junc no noc' mun tzchami, mto no tzmilx cham yuj yit noc'al.

Dn 12:7

Ax jun winc 'aych te pichl nab'a lino chi yu'uj, 'ix ya'n q'ue sc'ab' schab'l 'a satcha'an̈, 'ix ya'n sti 'a yojltac jun Dios pitzn 'a jun 'ejmn̈ej, xyaln 'ixtic: A yic 'oj lajwc 'ec' nan̈lschan̈l ab'il, 'a yic 'oj lajwc yixtx 'el sjelnal eb' schon̈b' Dios, atta 'oj lajwc 'ec' smasnil jun tzo'n̈ tic, xchi.

Dn 8:24

'Oj yic' yip si'mb'il, palta man̈oc yet' sjelnal 'a mun yico'. Caw satjub'tac 'oj yutc satn 'el smasnil tas, wach' 'oj 'el'choc yet' tas 'oj sb'o cha. 'Ay eb' 'anma caw 'ay yip, 'oj satxoc 'el eb' yu'uj, an̈jtona', niwn pax eb' schon̈b' Dios 'oj satl yu'uj.

Lv 11:40

A mach tzchin schib'jal no chamnc noc' cha, a jun cha, yowlal tzju'l spichul, yujto man̈ wach'oc, masnto yic tzq'uic'b'i. A mach tz'i'n 'el jun chamnc noc' cha, yowlal tzju'l pax spichul, yujto man̈ wach'c tz'aj yuj no' masnto yic tzq'uic'b'i.

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Lv 22:8

An Jehová in, an tzwala. Matz tac' schin schib'jal no noc' mun tzchami, mto junc no tzmilx cham yuj junc no calte'al noc', sec wach' matz yixtj 'el sb'a yuj no chib'j cha.

A Tas Sc'ulejnac Eb' Schecab' Jesús Hechos 15:20

Cojn cab' tzca'c 'at qui carta 'a eb', tzcalnec 'at 'a eb', to man̈xtzac sc'ux eb' jun tzo'n̈ tas tz'ajx xajmb'al-l 'a jun tzo'n̈ tzalx 'och diosal. Man̈xtzac sb'o eb' 'ajmulal, man̈xtzac schi eb' schic'l no noc', man̈xtzac schi eb' no noc' tzjalx tup yic' yujto 'ayt 'och schic'l no'.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

Dt 14:20

Palta 'ay e no tzchixi, tztac' e chin e no cha.

Dt 7:6

Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

A Sb'ab'el Carta San Pedro 1:16

Yujto 'ixtc yaj yaln can Dios 'a Ch'an̈ U'un̈: Ax tic, caw wach'n̈j tzeyutj e b'a, yujto an tic, caw wach'nn̈ej, xchi.