Dt 13:13 - Chuj San Sebastian Bible

¹³ toto ata tzyij chan̈ sb'a eb' tenmtac 'a Dios, tzjucb'tzan eb' 'anma chi 'a maysch'olnil yic tzya'n 'ejm sb'a eb' 'a jun tzo'n̈ comn dios man̈ 'ojcab'iloc,

Chuj San Mateo Bible

¹³ ay eb' max c'anab'ajan Dios, axo eb' scuchb'an sc'uloc eb' anima d'a jun chon̈ab' chi' yoch ejmelal d'a comon dios b'aj max cal co b'a,

Dt 13:13 Iomraidhean Croise

A Ch'an̈ Schab'l Libro Samuel 16:7

A yic tzb'ajwj win Simei cha, xyaln win 'ixtic: —'Eln̈ 'a tic ach ma'm cham 'anma', caw may a ch'olnil.

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

A Ch'an̈ Schab'l Libro Samuel 23:6

Palta smasnil eb' maysch'olnil snab'en, lajn eb' 'icha te q'uix tzjulx 'eli, may mach tzyal sc'ojl tz'och yamn 'a 'a.

A Ch'an̈ B'ab'el Libro Yic Yab'ixal Eb' Rey 21:10

Tze sayn chawn̈oc winc tu snab'en tzte'wtzej sb'a ya'n testigoal sb'a 'a yojltac, tzyaln eb' 'ixtc 'a 'a: Ach tic, ach b'uchwj 'a Dios yet' 'a win rey, xchi cab' eb' 'a 'a. Tzlajw cha, tzeyi'n 'el win 'a sti 'el chon̈ab', axta tzjul q'uenax winac, sec tzcham ta', xchi ch'an̈ carta cha.

A Ch'an̈ B'ab'el Libro Yic Yab'ixal Eb' Rey 21:13

Xlajw cha, 'ix c'och chawn̈ winc tu snab'en 'a Nabot, 'ix yaln eb' 'ixtc 'a eb' 'anma cha: A win Nabot tic, xb'uchwj win 'a Dios yet' 'a win rey, xchi eb'. Yuj cha, 'ix yi'n 'el eb' 'anma chi win 'a sti 'el chon̈ab', sjulq'uenan eb' winac, axta xchamcn win ta'.

A Ch'an̈ Schab'il Libro Yic Yab'ixal Eb' Rey 17:21

Yujto a Jehová x'i'n 'el eb' israel 'a yol sc'ab' eb' yin̈tl David, ax Jeroboam yunnal Nabat, a 'ix ya'ch eb' sreyloc. Ax win 'ix 'i'n 'el eb' yit israelal chi 'a Jehová, caw wal niwquil smul eb' 'ix 'ochi.

2 Cr 13:7

'Ix ya'ch sb'a jun tzo'n̈ winc 'isj yet'oc, tu snab'en eb'. 'Ix yac' eb' owl yet' Roboam, yunnal Salomón, yujto a Roboam cha, to quelm 'unn to, mant 'a wal snab'en. Yuj cha, mantzac stac' ste'wtzan sb'a 'a sat eb'.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

2 Co 6:15

A Cristo, caw matz chaj sb'a snab'en yet' win Satanás. An̈ creyente on̈c tic, man̈ lajnoc quic yet' eb' man̈ creyenteoc.

Dt 13:12

Toto tz'ab'x speclal to 'ay tas tzpitzw chan̈ 'a scal jun chon̈b' chi tzyac' Jehová qui Diosalec e caj cha,

Dt 13:14

ax xo tic, tzcham wal e c'anb'n eyab'i'. Toto yel jun tzo'n̈ paxti cha, to 'ay eb' wan sb'eylb'an jun tzo'n̈ maysch'olnil chi 'a e cal,

Dt 13:2

q'uinloc tz'el'ch pax cob' junc tas tzyal cha, tzlajw cha, tzyaln 'ayx 'ixtic: Coyc wet'oc, 'at quilc wal jun tzo'n̈ xo dios mant eyojcoc; 'at ca'c 'ejm qui b'a 'a 'a, toto xchi,

Dt 13:6

Q'uinloc 'ay junc mach tzex c'ultac 'i'n 'at eyac' 'ejm e b'a a jun tzo'n̈ tzalx 'och diosal, atn sdiosal eb' chon̈b' oyn 'och 'a sla'nil, mto 'a snajtil 'el sti lum e lum cha, atn jun tzo'n̈ man̈ yojcoc eb' qui mam qui nun 'a pecti', man̈ e cha eyab' 'a 'a. Wach'xam a junc eyu'tac, junc eyunnal, junc eyisil, mto eyistzil chamc'ojlb'il eyu'uj, mto junc e wach'c'ojl caw wach' eyaj yet'oc, man̈ 'o'ch e c'ojl 'a 'a, man̈ junn̈joc tzeyutj e nab'en yet'oc, man̈ e c'ub'c 'eli.

Dt 17:4

toto tzeyab' speclal jun cha, tze c'anb'j eyab' si'mb'il. Toto yel 'ay jun maysch'olnil chi tzb'o 'a e cal,

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

San Judas 1:19

Yuj eb' cha, 'oj spojl sb'a eb' yic xo Dios. An̈j jun tzo'n̈ tas tznib'j 'och eb' yet' sniwnal 'aj tzya'ch snab'en. May Yespíritu Dios 'aych 'a eb'.

Jueces 19:22

Wanto wal stzalj eb' cha, 'ix jaw jun tzo'n̈ ewin 'aj chon̈b' cha, caw maysch'olnil snab'en ewinac. 'Ix 'och oyn eb' 'a spatquil te n̈a cha, syamn 'och eb' sma'n poj spuertail te'. 'Ix yaln eb' 'ixtc 'a win 'ichm winc 'ay yic te n̈a cha: —'Ac' 'elt win 'ayc' ula'il chi 'ayach. Tzqui nib'j tzquixtej, xchi ewinac.

Jueces 20:13

A ticnec, 'a'c 'elt jun tzo'n̈ winc 'aj Gabaa 'ayn̈ on̈, eb' xb'on jun maysch'olnilal 'a e cal, ax qui miln cham eb'. 'Ixta 'oj 'aj yel jun maysch'olnilal 'a qui calc an̈ israel on̈ec tic, xchi eb'. Palta ma'ix chaj eb' yin̈tl Benjamín yab' 'a eb' yit israelal cha.

A Ch'an̈ B'ab'el Libro Samuel 10:27

Palta 'ay jun tzo'n̈ 'anma tu snab'en 'ix yal eb' 'ixtic: ¿Tas wal 'oj yutc jun winc tic on̈ scolni? xchi eb'. Caw wal 'ix 'ijx 'ejm Saúl chi yuj eb', may tas siyj eb' 'a 'a, ax Saúl cha, may tas 'ix yala.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.

A Ch'an̈ B'ab'el Libro Samuel 25:17

Palta a win echmil, caw tu snab'en winac, caw matz tac' qui paxtin yet'oc. Yuj cha, na ach tic, tzel tas tzotej, wal yel 'ay tas 'oj jawc 'a quib'n̈ eyet'oc, xchi.

A Ch'an̈ B'ab'el Libro Samuel 25:25

Man̈ a'ch win Nabal 'a a c'ojol; a jun winc cha, quistal. May snab'en, yuj cha, 'ixta sb'i. Cojnn̈ej maysch'olnil tzyala. An xo a checb' in tic, ma'ix wil xon eb' a checb' xa checa.