Dt 13:1 - Chuj San Sebastian Bible

¹ 'Ix yaln pax Moisés 'ixtic: Tzeyil e b'a toq'ue 'ay junc mach tzq'ue wan 'a e cal, tzyalni to schecb' Dios, mto waychnum. Toto tzyala to 'ay junc senya mto milagro 'oj checljoc,

Chuj San Mateo Bible

¹ Tzeyil val e b'a, talaj ay junoc mach sq'ue vaan d'a e cal schecab' Dios yalani, tz'och ijan yalani to ay tas ma vayich syila', ma sch'oxanel d'a e cal tastac to satub'tac yilji, ma ayocto syalan yuj junoc tas ol ujoc,

Dt 13:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 13:18

'Ix yaln pax jun 'ichm winc chi 'ixtc 'a winac, yic tzya'n 'es: —An̈jtona 'in, schecb' in Dios 'icha ach tic. A jun yángel Jehová 'ix aln 'ayn 'ixtic: 'At 'ij meltzjoc winac. Wa cab' win 'a atut, yu' cab' win a a 'a atut cha, xchi 'ayin, xchi winac.

A Ch'an̈ B'ab'el Libro Yic Yab'ixal Eb' Rey 13:19

Yuj cha, x'at jun schecb' Dios yet' win 'ichm winc cha, xwa'i, xyu'n pax a yet' win 'a yatut cha.

Pr 30:6

Man̈ ca'c 'och stz'acb' tastc yaljnac cani, ax to laj x'aji, 'oj on̈ stumquec, ax on̈ ya'nec can 'och 'a'm 'esal.

Is 9:15

(A jun jolm cha, tzyal 'el'chi, atn eb' yichm wincal chon̈ab' yet' eb' yajl yaj 'a scal eb'. Ax jun sn̈e cha, atn eb' tzcob' yalch sb'a schecb'oc Dios, palta yes eb'.)

Jeremías 23:11

A Jehová tzaln 'ixtic: A wal eb' tzyalch sb'a in checb'oc, yet' eb' tz'a'n 'och sti eb' 'anma 'ayin, caw may wel'ch 'a sat eb'. An̈jtona 'a watut, tzwil wal sb'on eb' maysch'olnil ta'.

Jeremías 23:32

An tzwala, to caw own pax 'a jun tzo'n̈ eb' checb' tz'ac yal-l swayich. Yuj wal jun tzo'n̈ niwc 'es tzyac' eb' cha, yuj cha, tzsatcn 'at eb' in chon̈b' yuj eb'. Palta man̈oc in 'ix in checb't eb', may junc in checnb'il xwal 'a eb'. Yuj cha, may tas wach' yi'n eb' in chon̈b' 'a eb', xchi Dios.

Jeremías 27:9

Yuj wal cha, man̈ e cha eyab' tas tzyal jun tzo'n̈ eb' tzaln 'ayex to matz eya'ch e b'a 'a yaln̈ schecnb'il win Nabucodonosor sreyl Babilonia. A eb' tzaln jun tzo'n̈ cha, atn eb' tztac' snan 'el paxti yalni, eb' tztac' yaln tas tzyal 'el'ch junc wayich, eb' wayjel, eb' tzalni tas 'oj ujc b'aq'uin̈.

Jeremías 29:24

'Ay jun winc 'aj Jerusalén 'ayc' 'a Babilonia, Semaías sb'i 'aj Nehelam. A jun winc cha, mun wal yol yico', 'ix stz'ib'n cot jun scarta 'a smasnil eb' 'anma cajn 'a Jerusalén, yet' 'a win Sofonías ya'mal 'och sti eb' 'a Dios, win yunnal Maasías, yet' pax 'a jun tzo'n̈ xo eb' ya'mal 'och sti eb' 'a Dios. A 'a jun scarta cha, 'ix yal cot 'a Sofonías 'ixtic: A Jehová ach 'a'n 'och ya'malc 'och qui ti 'a Dios sjelc win Joiada, yic wach' ach sat tzach 'aj e'n b'ey eb' 'anma 'a yatut Dios. Toto 'ay mach 'icha to 'ay cot 'a sjolom tzc'och 'ayach, tzyamn 'och spaxtini, tzyaln 'och sb'a schecb'oc Dios, a jun cha, 'in yajn̈j cha tza'n 'och 'a yojl te sepo, tza jaln yet' cadena. Palta ¿tas pax yuj ma'ix a tench wan win Jeremías 'aj Anatot, win caw tzte'wtzej sb'a spaxtin 'a ojltac, 'icha wal schecb' Dios tzyutj sb'a? An̈jtona 'ix ya' cot pax jun scarta 'a 'ayn̈ an̈ 'ayn̈ 'ec' 'a Babilonia tic. Tzyaln 'a scarta tic 'ixtic: Niwn to tiempo 'oj eyaj ta', b'oc eyatut, cajec, 'awjec eyawb'ente', tze lon sat te tzyac'a, xchi cot Jeremías chi 'ayn̈ on̈, xchi win Semaías chi 'a scarta. Ax Sofonías cha, 'ix 'awtn ch'an̈ carta chi wab' an Jeremías in. Xlajw cha, 'ix paxtin Jehová, 'ix yaln 'ayn 'ixtic: Alb't 'a Semaías win 'aj Nehelam, yet' 'a smasnil eb' 'ayb't 'icha presoal, chajtlto an tzwala: A win Semaías 'aj Nehelam, 'ix yal win 'ayex, to an ab' 'ix wac' yal win jun tzo'n̈ cha, palta caw man̈oc in xwac' yal winac, 'ix ya'n 'och win jun 'es paxti chi yipc e c'ojol. Yuj cha, an Jehová in, an tzwala: Caw 'oj wa'ch syailal Semaías cha, yet' 'a eb' yin̈til. May wal junc yin̈tl chi 'oj wac' 'aj cajn 'a scal eb' in chon̈ab', ma'oj yac' tzaljoc sc'ojl yet' in wach'c'ojlal 'oj wac' 'ayex, yujto yujn̈ej jun tzo'n̈ spaxti win cha, 'ix eya'n pitb'oc e b'a 'ayin, xchi Dios, xa chi, xchi 'ayin.

Jeremías 29:8

Yujto an Jehová in, tztac' wuj smasnil, e Diosal in, an tzwal jun tzo'n̈ tic: Man̈ eyac' 'ixtxoc paxti e b'a yuj jun tzo'n̈ eb' tzyalch sb'a in checb'oc, ticni yes eb', yet' eb' tzcob' alnoc to tztac' snan 'el junc paxti'. Man̈ e cha eyab' swaych eb' tzyal 'ayex.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Ez 13:23

Yuj cha, man̈x 'a wal b'a'n̈ 'oj stac' eyalni to 'ay tas tzeyila, mto 'ay tas 'oj stac' e nan 'eli. An 'oj in col-l eb' in chon̈b' tic 'a yol e c'ab', ax in eyojcan 'eli, to an Jehová in, xchi Dios, xa chi 'a eb', xchi 'ayin.

Zacarías 10:2

Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Zacarías 13:4

A 'a yic jun c'ul cha, a smasnil eb' to in checb' yalni, 'oj q'uixwc 'el eb' yuj tas 'oj ch'oxxoc yil eb' 'a 'icha waychil. Man̈x 'oj ya'ch eb' te pichl n̈achtac sat, 'icha yic eb' in checab', yuj ya'n eb' 'es 'a eb' 'anma'.

Mt 24:11

Til wal mach 'oj pitzwc cha'an̈, ax cob' yalnc 'och sb'a eb' schecb'oc Dios, til wal mach 'oj yixtc paxti eb'.

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Mt 7:15

'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Mr 13:22

Yujto 'ay eb' 'oj pitzwc cha'an̈, ax cob' yaln 'och sb'a eb' Cristoal. 'Ay pax eb' 'oj cob' yalch sb'a schecb'oc Dios, 'oj cob' sch'ox eb' jun tzo'n̈ senya, yet' jun tzo'n̈ milagro, sec tzsomchj 'el eb' 'anma yuj eb'. 'Oj ya'lc eb' ya'n somchjoc pax 'el eb' sic'b'il 'el yuj Dios, toto 'oj stac' yuj eb'.

Lc 6:26

A yic 'oj ex yal eb' 'anma wach'il, caw 'oltac ex, yujto 'ixta yutjnac eb' 'anma yaln wach'l eb' cob' yaljnac 'och sb'a schecb'oc Dios pecti'.

Dt 18:20

Toto 'ay junc cob' tzyalch sb'a in checb'oc, ax yaln tas to man̈oc in tzwal 'a 'a, mto tzyal 'a sb'i jun tzo'n̈ comn dios, a jun cha, yowlal tze mil chamoc.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Dt 4:2

Man̈ eya'ch stz'acb' jun tzo'n̈ paxti tic, matz tac' pax eyi'n 'el jab'oc. Yowlal 'oj eyiclc jun tzo'n̈ schecnb'il Jehová qui Diosalec, 'icha wal tzwutj waln 'ayx tic.

2 Ts 2:9

A yic 'oj checljoc 'el jun win syajlil maysch'olnil cha, ax Satanás, 'oj cob' ya'ch sb'a yet' winac. 'Oj cob' ya'ch spoder 'a winac. Yuj cha, 'oj cob' sb'o win jun tzo'n̈ milagro yet' jun tzo'n̈ xo tas tzch'oxn 'el spoder. Palta caw 'esn̈j jun tzo'n̈ cha.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.

1 Jn 4:1

Ex chamc'ojlb'il wu'uj, toto 'ay eb' tzalni to yic Dios jun tzo'n̈ tas tz'ec' yal eb', man̈ e comn chac eyab' mu'c 'a eb'. Yowlal tze b'ab'l 'a'j prowal eb', toto yel a Dios 'aych yet' eb'. Yujto til wal eb' 'a'm 'es 'ay 'a yolyib'n̈q'uinl tic. Tzcob' yalch sb'a eb' schecb'oc Dios.