Dt 12:7 - Chuj San Sebastian Bible

⁷ Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

Chuj San Mateo Bible

⁷ Ata' ol ex va d'a tzalajc'olal d'a yichan̈ Jehová yed' masanil eb' ay d'a yol e pat. Icha chi' ol aj e vaan tas tzeyic' d'a e munlajel a to syal svach'c'olal Jehová ol yac' d'ayex.

Dt 12:7 Iomraidhean Croise

1 Cr 29:22

A 'a yic jun c'u cha, 'ix wa eb', 'ix yu'n eb' tas tzyu'j 'a tzaljc'ojlal 'a yojltac Jehová. Xlajw cha, 'ix swach' 'a'n 'och eb' Salomón reyal, atn yunnal David. 'Ix ya'n q'ue eb' aceite 'a sjolm 'a yojltac Jehová, yic tz'och sreyloc eb', 'ix ya'n q'ue pax eb' aceite 'a sjolm Sadoc yic tz'och sat ya'malc 'och sti eb' 'a Dios.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Ec 3:12

An tic xwojquej 'eli to may junc xo tas wach' qui b'onec an̈ 'anman̈ec tic, cojn to tzon̈ tzaljec, wach' cab' pax tzcutjec qui b'a ya' sb'a pitzn on̈ec.

Ec 3:13

A tas tzyac' Dios 'ayn̈ec to tzon̈ tzaljec qui wa'i, tzcu'nec tas tzcuq'uej, tzca'nec pax tzaljoc qui c'ojl yet' qui munljelec.

Ec 5:18

Toto 'ixta', ¿tas wach' tzcutjec qui b'a 'a yolyib'n̈q'uinl tic? A tzin na an tic, ya' sb'a 'ay jaye'oc c'u qui q'uinlec yuj Dios, smoj tzon̈ tzaljec qui wa'i, tzcu'nec tas tzcuq'uej, atn tas tzquijec 'a qui munljel, yujto a chi tzwul yac' qui b'oc 'a yolyib'n̈q'uinl tic.

Is 23:18

Palta a jantc tas 'oj yac' ganar eb', 'oj 'ochcn yico'oc Jehová, may tas ton̈j 'oj molxoc, to 'oj 'ajxoc 'a eb' tz'a'n servil Jehová, yic wach' niwn tas tzman eb' sc'uxu', tzmann pax eb' spichl to caw wal wach'.

Is 62:9

Palta to caw ax 'oj e mol chan̈ sat eyawb'en, ax laj e c'uxni. 'Oj eyal e wach' paxti 'ayn yu'uj. 'Oj e mol chan̈ sat eyuva, ax eyu'n te yalil chi 'a yamq'uil sti in cajnub', xchi Dios.

Ez 44:3

Cojn win syajlil chon̈ab', cojn win tztac' sjaw 'a wojltac, yic tzc'uxn jun tzo'n̈ xajmb'al to wic yaj an Jehová in. Ata tz'och win 'a corredor 'a sti 'amac'. A pax ta tz'elx winac, xchi.

Jl 1:16

Q'uelnon̈c wal 'ochi, 'ix 'ijx 'ec' tas tzqui c'uxec, 'ix lajw tzaljc'ojlal 'a yatut qui Diosalec.

Jl 2:26

Ax ticnec, 'oj e wa'i masnto 'oj e b'ut'ji, ax eyaln e wach' paxti 'a 'ayn an Jehová e Diosal in, yujto til wal tas satjub'tac xin b'o yuj e wach'loc. Man̈x 'a b'a'n̈ 'oj e can 'a q'uixwc'ojlal.

Lv 23:40

A 'a b'ab'l c'u cha, tzlaj eyi' cot sat te te wach' sloxi, tzeyi'n cot te xil palma, eb' te xil sauce, yet' eb' te niwc xil 'ay 'a stitc a'. 'Ixta 'oj eyutc eya'n tzaljoc e c'ojl 'a yol uque c'u 'a wojltac an Jehová e Diosal in tic.

Malaquías 2:13

Ax tic, 'ay wal junx tas tze b'o'o: Caw wal tzlojx 'el yet'l xajmb'al yuj yal e sat eyoq'ui, tzex 'oc' wal si'mb'il yujto man̈xtzac schaj Jehová eyofrenda 'a tzaljc'ojlal.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

Dt 12:12

Tzlajw cha, tze nan sq'uin̈l jun tzo'n̈ chi 'a yojltac Jehová qui Diosalec, yet' eb' eyunnal, eb' eyisil, ewin e checab', eb' 'ix e checab', yet' pax eb' levita cajn 'a e cal, yujto a eb' levita cha, may smacl lum eb' 'oj scha eyet' 'a lum lum cha.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 12:8

Ata', man̈x 'oj e b'o 'icha tas tzqui b'oc 'a tic. A 'a tic, junjn mach tzb'o tas 'icha tznib'ej.

Dt 14:23

A sdiesmoal e trigo, eyal uva, eyaceite yet' no sb'ab'l 'une e wacax, mto sb'ab'l 'une e calnelu mto chiwo. Ata tze c'ux jun tzo'n̈ chi 'a yojltac Jehová qui Diosalec, 'a jun lugar 'oj si'l yico'oc cha, sec 'ixta tzeyutj eyi'n 'ejm e b'a 'a Dios 'a smasnil tiempo.

Dt 14:26

Ax yet' q'uen tumn chi tztac' e mann tas tze nib'j ta'; no wacax, calnelu, yal uva mto junc xo tas tz'u'x to jawnc xo sti'. Tzlajw cha, toto 'ay tas tze nib'j e c'ux ta', tztac' e c'uxn 'a yojltac Jehová qui Diosalec, tze nan sq'uin̈l yet' eb' eyunnal.

Dt 15:20

'A junjn ab'il tze mol chin e no yet' eb' eyunnal 'a yojltac Jehová qui Diosalec, 'a jun lugar 'oj si'l yico'oc cha.

Dt 26:11

Tzlajw cha, tze nan junc q'uin̈ yet' eb' eyunnal, yuj smasnil tas tzyac' Jehová qui Diosalec 'ayex. Tzeyawtn cot eb' yin̈tl Leví eyet' 'a jun e tzaljc'ojlal cha, yet' pax eb' chuc chon̈b'al 'ayc' 'a e cal.

Dt 27:7

Ax eya'n pax e xajmb'al yic junc'ojlal. Ata 'oj e na q'uin̈, ax e wa 'a tzaljc'ojlal 'a yojltac Jehová.

Dt 28:47

Yujto ma'ix eyac' servil Jehová qui Diosalec 'a tzaljc'ojlal, yet' 'a smasnil e c'ojol yic til wal tas wach' xyac' 'ayex.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.