Dt 12:6 - Chuj San Sebastian Bible

⁶ A 'a jun lugar cha, ata 'oj 'at e n̈ustz'a e xajmb'al, atn no noc' caw wach' 'a sat Jehová. Tzeyij 'at e diesmo, e colwal to ta'wb'il eyu'uj, yet' eyofrenda ton̈j tz'el 'a e c'ojl eya'ni. An̈jtona pax no sb'ab'l 'une e wacax yet' e calnelu, yowlal tzeyij 'at 'a jun lugar cha.

Chuj San Mateo Bible

⁶ Ol eyac'an e silab' stz'a smasanil yed' juntzan̈xo silab' yuj eyic'anchaan̈ Jehová. Ol eyac'anpax e diezmo, e colval yed' tas ix eyac' e ti' eyac'ani yed' eyofrenda to tz'el val d'a e c'ol eyac'ani. An̈eja' ol eyac'anpax noc' sb'ab'el yune' e vacax yed' sb'ab'el yune' noc' e calnel.

Dt 12:6 Iomraidhean Croise

2 Cr 31:14

A Coré, yunnal Imna yin̈tl Leví, a yajl yaj 'a yib'n̈ eb' stan̈mal spuertail yatut Jehová 'a stojlal 'aj tzq'uel c'u, 'aych pax 'a yib'n̈ schan ofrenda to tz'el 'a sc'ojl eb' 'anma ya'ni, yet' ofrenda to tzpojx 'eq'ui, yet' tas to yic Jehová yaji.

Esdras 3:2

Xlajw cha, ax Jesúa yunnal Josadac, yet' jun tzo'n̈ xo eb' ya'mal 'och sti eb' 'anma 'a Dios, yet' Zorobabel yunnal Salatiel, yet' eb' yican, 'ix sb'on chan̈ eb' jun yet'l xajmb'al yic sDiosal chon̈b' Israel yic tzya'n tz'a eb' xajmb'al 'a yib'an̈, 'icha yaj stzib'x can 'a ch'an̈ ley yic Moisés, atn win schecb' Dios.

Nehemías 10:36

An̈jtona', 'oj qui'c 'at eb' qui b'ab'l 'unnal, no sb'ab'l 'une qui wacax, no sb'ab'l 'une qui calnelu yet' sb'ab'l 'une qui chiwo 'a yatut qui Diosalec, 'a yojltac eb' ya'mal 'och qui ti 'a Dios, atn eb' tzmunlj 'a yatut qui Diosalec cha, 'icha yaj stz'ib'x can 'a ch'an̈ ley.

Nehemías 10:39

An̈ israel on̈c tic yet' eb' levita, 'oj qui'c 'at 'ixm trigo, yal uva yet' aceite 'a 'aj tzmolxi, atn 'a 'aj 'ayc' smasnil yamc'ab' tzc'an eb' 'anma 'ay yopiso, atn eb' ya'mal 'och qui ti 'a Dios, eb' tan̈m puerta yet' eb' tzb'itni. 'Ix ca'nec can qui ti', to ma'oj cactquec can yatut qui Diosalec, xchi eb'.

Salmos 116:17

'Oj wac' in xajmb'al 'a Jehová yic alj yuj diosal, yic tzwaln in b'a 'a 'a.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Malaquías 3:10

A ticnec jun, 'ijec cot smasnil e diesmo, tzwul eya'nc 'a sc'un̈ail 'ay 'a watut, sec wach' 'ay tas tzc'ux eb' tzin 'a'n servil. An Jehová in, tztac' wuj smasnil, an tzwala: 'A'nec prowal nab'an, ax eyilni 'icha to 'oj in jac sc'un̈ail satchan̈ 'ayex, ax in secn 'emt yaxilal 'a eyib'an̈, man̈x 'a yet'l 'aj 'oj eyac'a'.

Malaquías 3:8

An xo tic tzin c'anb'n 'ayex: ¿Tom smoj tz'elc'w eb' 'anma 'a sDiosal? Ax tic caw tzin eyelq'uej. Tze c'anb'n to pax 'ixtic: ¿Tas 'aj tzach quelq'uej? xe chi. A tas 'aj in eyelq'uej, atn 'a e diesmo yet' 'a eyofrenda.

Lc 11:42

'Oltacx wal ax fariseo ex tic. Tzeyac' cob' sdiesmoal jun tzo'n̈ te 'alwena, yet' jun tzo'n̈ te ruda. Jantcn̈ej jun tzo'n̈ xo 'itaj, c'uxn tzeyac' sdiesmoal. Palta tze na'a, to man̈ yowlalc tojl tzeyutj e nab'en. Man̈ yowlalc tze chamc'ojlej Dios. Octom wal xe b'eylb'ej jun tzo'n̈ tic, ax jun tzo'n̈ xo tze b'o cha, matz eyactj can cab' e b'oni.

Lc 18:12

Yujto an tic, cha'ejm tzwa'ch in b'a 'a c'ajb'c'ojlal 'a junjn seman. An̈jtona', caw tzwac' pax sdiesmoal jantcn̈ej tas tzlaj wac' ganar, xchi cob' win 'a Dios.

Dt 12:17

A 'a yol e chon̈b' cha, matz tac' eyi'n can sdiesmoal e trigo, sdiesmoal eyal uva, mto eyaceite, matz tac' e chin sb'ab'l 'une e wacax, mto e calnelu, matz tac' eyi'n can 'el jac eyic 'a tas ta'wb'il eyu'uj, yet' 'a jun tzo'n̈ ton̈j tz'el 'a e c'ojl eya'n 'a Jehová.

Dt 26:2

ax sb'ab'l sat eyawb'en, tzeyac' 'ejm 'a yol junc xu'uc, tzeyi'n 'at 'a jun lugar sic'b'il 'el yuj Jehová qui Diosalec, 'a 'aj tzex 'och 'emmquilal 'a 'a.

Josué 22:27

Toto 'ixta 'oj cutc on̈, tzyal 'el'chi to wan qui patquiln can 'el Jehová on̈. May cab' b'a'n̈ 'oj qui b'o 'ixta'. 'Ix qui b'o jun yet'l xajmb'al tic on̈, sec a tzcan ch'oxnb'ilal 'a qui cal eyet' on̈, yet' 'a eb' quin̈tlec b'aq'uin̈, an̈ tic on̈, an̈j 'a Jehová tzcal qui b'a eyet' on̈. An̈ tic on̈, 'oj 'at ca'n̈j qui xajmb'al 'a jun yet'l xajmb'al yic Jehová 'ay 'a scajnub', xchi eb'.

A Ch'an̈ B'ab'el Libro Samuel 1:21

'Ix c'och sc'ul s'atx win Elcana chi yet' eb' yunnal yet' eb' yistzil 'a chon̈b' Silo, 'icha xon tzyac' 'a junjn ab'il yic tz'at ya'nc xajmb'al ta'wb'il yuj 'a Jehová, 'icha yaj sleyal.

A Ch'an̈ B'ab'el Libro Samuel 1:24

Ax yic x'el win 'unn chi 'a yim, a win smam win 'unn cha yet' snun winac, 'ix yi'n 'at eb' win 'a scajnub' Jehová 'a Silo, caw wal yune to winac. 'Ix yi'n 'at eb' jun no quelm wacx 'oxe ab'il sq'uinal, jun 'echtab' 'ixm trigo yet' jun no tz'um b'ut'n yet' yal uva.