Dt 12:17 - Chuj San Sebastian Bible

¹⁷ A 'a yol e chon̈b' cha, matz tac' eyi'n can sdiesmoal e trigo, sdiesmoal eyal uva, mto eyaceite, matz tac' e chin sb'ab'l 'une e wacax, mto e calnelu, matz tac' eyi'n can 'el jac eyic 'a tas ta'wb'il eyu'uj, yet' 'a jun tzo'n̈ ton̈j tz'el 'a e c'ojl eya'n 'a Jehová.

Chuj San Mateo Bible

¹⁷ Max yal e va'an sdiezmoal e trigo d'a yol e chon̈ab', ma sdiezmoal e vino, eyaceite, ma e chi'an noc' b'ab'el yune' e vacax yed' b'ab'el yune' e calnel, ma eyofrenda tzeyac' e ti' eyac'ani, ma e colval, ma eyofrenda tz'och b'achan d'a yichan̈ Jehová.

Dt 12:17 Iomraidhean Croise

2 Cr 31:14

A Coré, yunnal Imna yin̈tl Leví, a yajl yaj 'a yib'n̈ eb' stan̈mal spuertail yatut Jehová 'a stojlal 'aj tzq'uel c'u, 'aych pax 'a yib'n̈ schan ofrenda to tz'el 'a sc'ojl eb' 'anma ya'ni, yet' ofrenda to tzpojx 'eq'ui, yet' tas to yic Jehová yaji.

1 Co 10:18

Tze na cot tas tzyutj sb'a eb' wit israelal cha. A yic tzchin eb' jun tzo'n̈ no noc' tzyac' xajmb'alil, junxn̈ej yaj eb' yet' Dios, atn jun tzchan xajmb'al eb' cha.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:26

Palta ax jantcn̈ej tas tzeyac' ofrendail 'a 'a, yet' tas ta'wb'il eyu'uj, tzeyij 'at 'a jun lugar chi 'oj si'l Jehová yico'oc cha.

Dt 12:6

A 'a jun lugar cha, ata 'oj 'at e n̈ustz'a e xajmb'al, atn no noc' caw wach' 'a sat Jehová. Tzeyij 'at e diesmo, e colwal to ta'wb'il eyu'uj, yet' eyofrenda ton̈j tz'el 'a e c'ojl eya'ni. An̈jtona pax no sb'ab'l 'une e wacax yet' e calnelu, yowlal tzeyij 'at 'a jun lugar cha.

Dt 26:12

A 'a junjn yoxxil ab'il, tzeya'n sdiesmoal smasnil eyawb'en 'a eb' yin̈tl Leví, 'a eb' chuc chon̈b'al 'ayc' 'a e cal, 'a eb' meb'a 'unn chamnc smam, yet' 'a eb' 'ix 'ix chamnc yichmil, sec wach' 'ay tas tzc'ux eb' 'a yol e chon̈ab',

Dt 26:14

May jac tas xin c'ux 'a jun tzo'n̈ tic yic 'ayn 'och 'a cusc'ojlal yuj chamel, yet' 'a yic man̈ wach'c waj in sacb'tzan in b'a. May pax tas xwaltj 'a eb' chamnac. Ach Jehová in Diosal, xin yiclj smasnil tas 'ix ala.

A Ch'an̈ B'ab'el Libro Samuel 1:4

A yic tz'at ya'nc win Elcana chi xajmb'al, tzya'n can win jab' no xajmb'al chi schi 'ix Penina cha, yet' 'a eb' yunnal yet' 'a eb' yisil, tzya'cn win yic junjn eb'.