Dt 12:14 - Chuj San Sebastian Bible

¹⁴ Cojn 'a jun lugar tzsi'l Jehová 'a yol e nacion̈, ata tzeyij 'at jun tzo'n̈ cha. A jun tzo'n̈ tzwalcn 'ayx tic, yowlal tzeyiclj e b'on 'a jun lugar cha.

Chuj San Mateo Bible

¹⁴ An̈ej d'a jun lugar sic'b'ilel yuj Jehová d'a scal e chon̈ab' smasanil, ata' tzeyic'b'at e silab' yic tze n̈usantz'aoc yed' e c'anab'ajan masanil tas svalcan tic d'ayex.

Dt 12:14 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:27

Toto a eb' 'anma tic 'oj 'at eb' yac' xajmb'al 'a yatut Jehová 'a Jerusalén, tecn 'oj ya'x 'och eb' snab'en 'a win Roboam sreyl Judá. Ax am in smiln cham eb' b'i'an, ax s'atx can eb' yet' winac, xchi.

A Ch'an̈ B'ab'el Libro Yic Yab'ixal Eb' Rey 8:29

Q'ueln achn̈ej cab' 'och 'a jun atut tic 'a junjn c'u yet' 'a junjn 'ac'wal, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

A Ch'an̈ Schab'il Libro Yic Yab'ixal Eb' Rey 18:22

Toto tzeyal 'ixtc 'ayin: An̈ tic on̈ a Jehová qui Diosal on̈, a tzca'ch yipc qui c'ojol, toto xe chi. 'In tox 'ix yac' win Ezequías chi satl jun tzo'n̈ macsej 'ay 'a jolmctac witz yet' smasnil yet'l xajmb'al yic e Diosal cha. Tox 'ix yal 'ayx 'ex 'aj Judá yet' ex 'aj Jerusalén, to an̈j 'a jun yet'l xajmb'al 'ay 'a Jerusalén, ata tzeyal e b'a.

1 Cr 22:1

Yuj cha, 'ix yaln David 'ixtic: A 'a tic 'oj b'o chan̈ yatut Jehová Dios, yet' jun yet'l xajmb'al 'aj 'oj ca'c tz'a qui xajmb'al an̈ israel on̈c tic, xchi.

Salmos 5:7

Palta an xo tic, yuj wal a niwn chamc'ojlal 'ayin, 'oj stac' in c'och 'a atut; 'oj wal in b'a 'aych 'a 'emmquilal 'a atut cha.

Salmos 9:11

B'itn coyc 'a Jehová, atn jun syajlil Sión. Calc 'el yab'xil 'a scal eb' chon̈b' to til wal tas sb'ojnac.

Lv 17:3

Tzann̈j israelal tzmiln junc no wacax, junc calnelu, mto junc no chiwo 'a spatquil 'eli mto 'a yojl 'oxt camplamento yic tzya'n xamb'al-l 'ayn snani,

Lv 17:4

toto man̈oc ta tzmil 'a yamq'uil Mantiado 'aj tzin chaj in b'a eyet'oc, a jun 'anma cha, yowlal tz'ijx 'el 'a e cal. A jun chi tzcochcn smuloc, yujto ton̈j tz'elcn schic'l no noc' chi yuj ta'.

2 Co 5:19

A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:13

Tzeyil wal e b'a, man̈ e comn n̈usc no noc' xajmb'al-l 'a Jehová, 'a junc lugar 'aj tze nib'ej.

Dt 12:15

Palta a yic tze nib'j e chi no chib'ej, tztac' e miln no noc' cha, sec 'ay chib'j tze chi 'aj 'ayx 'ec' cha, a tzyal tas no'l 'ay 'a yol e c'ab' yuj Jehová. Toxn̈ej to wach' eyaj 'icha yaln ley mto ma'ay, tztac' e chin no e masnil, tze chi no 'icha tz'aj schix no c'ultquilchej.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Dt 14:23

A sdiesmoal e trigo, eyal uva, eyaceite yet' no sb'ab'l 'une e wacax, mto sb'ab'l 'une e calnelu mto chiwo. Ata tze c'ux jun tzo'n̈ chi 'a yojltac Jehová qui Diosalec, 'a jun lugar 'oj si'l yico'oc cha, sec 'ixta tzeyutj eyi'n 'ejm e b'a 'a Dios 'a smasnil tiempo.

Dt 15:20

'A junjn ab'il tze mol chin e no yet' eb' eyunnal 'a yojltac Jehová qui Diosalec, 'a jun lugar 'oj si'l yico'oc cha.

Dt 16:2

A 'a yic tze nan jun q'uin̈ cha, ata tzeyac' no wacax, mto no calnelu xajmb'al-l 'a Jehová Dios, atn 'a jun lugar 'oj si'l yico'oc, ata tzex 'och 'emmquilal 'a 'a.

Dt 17:8

Toto 'ay junc tas tz'ajx e b'eyc'ojloc, palta caw 'ajltac snachj 'el eyu'uj, 'icha owl yic chamel, yic lajwel, mto junc xo comn owl tzq'ue wan 'a yol e chon̈b' cha, tzex 'at mu'c 'a jun lugar sic'b'il 'el yuj Jehová qui Diosalec.

Dt 18:6

Toto 'ay junc win yin̈tl Leví 'ayc' 'a junc chon̈b' 'ay 'a yol smacb'en eb' quit israelal, tznalb'ej sc'och 'a jun lugar to sic'b'il 'el yuj Jehová,

Dt 31:11

A yic tzyamn sb'a smasnil eb' chon̈b' 'a yojltac Jehová Dios, 'a jun lugar to sic'b'il 'el yu'uj, ata tz'awtx jun ley tic yab' eb' smasnil.

A Ch'an̈ Carta D'a Eb' Hebreo 13:15

Yuj cha, smasnil tiempo yowlal tzcalc wach' paxti 'a Dios yuj Jesucristo. A yet' qui ti', tzcalc swach'l Dios. A jun tzcalc tic, atn jun qui xajmb'al tzca'c 'a 'a.

Josué 9:27

Xya'cn 'och eb' tzu'j c'atzitz yet' cuchj cot a 'a scal eb' israel cha, yet' pax yic yet'l xajmb'al yic Jehová, atn jun lugar sic'b'il 'el yu'uj. 'Ixta 'ix 'ajcn eb' yoch 'a jun smunljel cha.