Dt 12:10 - Chuj San Sebastian Bible

¹⁰ A yic 'oj e c'axw can 'ec' 'a yojl a Jordán cha, ax e cajn lum lum 'oj yac' Jehová 'ayex, tzyal 'el'chi to ex colchj 'el 'a yol sc'ab' eb' 'ajc'ojl yajch 'ayex, man̈x 'a e xiwc'ojlal 'a jun lugar cha.

Chuj San Mateo Bible

¹⁰ Vanxo sc'och sc'ual yic ol ex c'axpajec' d'a a' Jordán, yic tzex c'ochcan d'a sat lum luum ol yac' Jehová eyiquej. Ayic toxo ix ex colchajcanel d'a yol sc'ab' eb' ayoch ajc'olal d'ayex, man̈xa xivc'olal d'ayex ta'.

Dt 12:10 Iomraidhean Croise

A Ch'an̈ B'ab'el Libro Yic Yab'ixal Eb' Rey 4:25

A 'a yol stiempoal yic pitzn Salomón, a smasnil yol yic Judá yet' Israel, caw junc'ojlal yaj eb' 'anma smasnil, tzchaj cot 'a Dan 'a stojlal norte masnto 'a Beerseba 'a stojlal sur. Junjn eb', mun 'ay yawb'ente eb' 'awb'il yuj 'a stz'ey yatut.

A Ch'an̈ B'ab'el Libro Yic Yab'ixal Eb' Rey 8:56

¡Alx cab' wach' paxti 'a Jehová, yujto xyac' junc'ojlal 'ayn̈ec, 'icha wal yaj yaln cani! Smasnil jun tzo'n̈ tas yaljnac can 'a Moisés, atn jun schecab', caw x'el'ch smasnil, may junc ma'ix 'el'chi.

1 Cr 22:18

A Jehová qui Diosalec, a 'aych quet'ec, atn x'a'n junc'ojlal 'a smasnil qui macb'en, yujto a pax x'a'n 'och smasnil 'anma cajn 'a jun tzo'n̈ nacion̈ tic 'a yol in c'ab', yuj cha, 'ix 'ochcn eb' 'a yol sc'ab' Jehová, yet' 'a yol qui c'ab'c an̈ schon̈b' on̈c tic.

Salmos 4:8

Mamin Jehová, a yic tzin 'ec' c'otan, tzaljc'ojlal tzcot in wayan̈, yujto ach 'aychn̈ej 'och wet'oc, yuj cha, may tas tzin 'i'ni.

Ex 33:14

—An wal 'oj in 'at eyet'oc, ax e can 'a junc'ojlal 'a sat lum lum cha, xchi Dios 'a Moisés.

Pr 1:33

Ax xo tze chaj eyab' tas tzwala, 'oj e cann̈j 'a junc'ojlal, may junc tas 'ay smay 'aj 'oj e xiwi, xchi Dios.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 32:37

'oj wac' sactzic eb' et chon̈b' tic 'a junjn nacion̈ yuj yowl in c'ojl to caw 'ay xo smay. 'Oj lajwc cha, ax in molb'tzan eb', ax wi'n pax meltzjoc eb' 'a tic jun 'ejm xo. A 'a tic, man̈x 'a tas 'oj 'i'nc eb'.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Ez 28:26

Caw tzaljc'ojlal 'oj canx eb' 'a yol schon̈ab', may tas 'oj sna eb'. 'Oj sb'ox chan̈ eb' yatut, ax laj ya'nc pax 'ejm eb' yawb'ente'. An 'oj wa'ch syailal smasnil eb' tzchichn 'och 'a eb', ax yojcan 'el eb' to an Jehová in, sDiosal in eb', xchi 'ayin.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ez 34:28

A jun tzo'n̈ nacion̈ cha, man̈x b'a'n̈ 'oj yixtc eb' in chon̈b' tic, man̈x 'a pax no calte'al noc' 'oj chinc eb', junc'ojlal 'oj can eb' 'a sat slu'um, man̈x 'a tas 'oj xib'tn eb'.

Ez 38:11

'Oj cob' al 'ixtic: 'Oj 'at wac' owl yet' jun tzo'n̈ 'anma 'a jun tzo'n̈ chon̈b' may smuroal, may spuertail schon̈ab', may pax yijul, caw cob' tzaljc'ojlal yaj eb', palta may 'aj wach' scoln sb'a eb'.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.

Dt 11:31

Ax tic, jab'xoj wal sc'och stiempoal eye'cn 'a yojl a Jordán cha, ax e c'och 'a sat lum lum tzyac' Jehová e caja'.

Dt 3:27

Lem, q'uen̈ta 'a sjolm lum witz Pisgá tic. Ata 'oj elcn 'at lum lum chi 'a stojlal norte, 'a stojlal sur, 'a stojlal 'aj tzq'uel c'u yet' pax 'a stojlal 'aj tz'em c'u. Al wal ec' 'a sc'axpil 'ec' a Jordán cha, may xon b'i'an.

Dt 33:12

'Ix yaln 'ixtc 'a yib'n̈ eb' yin̈tl Benjamín: Caw wal nib'b'il eb' yin̈tl Benjamín yuj Jehová, caw tzaljc'ojlal yaj eb', a Dios caw niwn yel'chi, a tzcolwj yet' eb'. ¡A 'aych stan̈malc eb'! xchi.

Dt 33:28

Ex wit chon̈ab', yelc'ojlal tzex can cajn 'a sat lum lum cha. A eb' eyin̈til, caw junc'ojlal 'oj 'aj yec' yuj eb' 'a sat lum lum cha. A 'a lum e lum cha, caw wach' 'oj 'aj 'ixm trigo yet' yal uva. May b'a'n̈ 'oj 'och wan ya'n n̈ab' 'a yib'n̈ lu'um.

Dt 4:22

Wach'xam a 'a jun lugar tic 'oj in chamcni, man̈x 'oj in c'axw 'ec' 'a a Jordán cha. Palta ax xo tic, yowlal 'oj e c'axw 'ec' 'a a', 'oj 'at e caj lum lum man̈x jantcoc swach'l cha.

Dt 9:1

'Ix yaln pax Moisés 'ixtic: Ex wit chon̈ab', 'ab'tec tas 'oj wala'. 'Ix c'och stiempoal eyec' 'a yojl a Jordán yic tze satn 'el jun tzo'n̈ niwc nacion̈. Caw jeln eb' 'a eyib'an̈, caw niwc jun tzo'n̈ schon̈b' eb', oyn 'och smuroal schon̈b' eb' cha, 'ayb't pax 'a cha'an̈.

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Josué 3:17

Ax eb' ya'mal 'och sti eb' 'anma cha, 'ix 'ochcn wan lin̈n eb' 'a snan̈l 'aj tzb'ey a Jordán cha, Caw tacn̈ lum lum 'aj 'ix 'och wan lin̈n eb', ya sb'a x'ec' smasnil eb' 'anma 'a lum tacn̈ lum 'a yojl a Jordán.

Josué 4:12

An̈jtona', 'ix 'e't pax eb' soldado yic Rubén, eb' yic Gad yet' spacl eb' yic Manasés. A eb' cha, yet'n̈j eb' syamc'ab' yic owal, xb'ab'lj eb' yuj jun tzo'n̈ xo eb' yit israelal, 'icha yaj yaln can Moisés 'a eb'.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.