Dt 11:9 - Chuj San Sebastian Bible

⁹ yic wach' najtl 'oj eyec' 'a sat lu'um, atn lum ya'jnac Jehová sti ya'n 'a eb' qui mam quichmec, yet' 'a yin̈tl eb'. A jun lum cha, caw wal wach' lu'um.

Chuj San Mateo Bible

⁹ yic vach' pax najtil ol ex cajnaj d'a lum luum te yax sat chi', aton lum yac'nac sti' Jehová yac'an d'a eb' co mam quicham yed' d'ayon̈ a on̈ yin̈tilal on̈ eb' tic.

Dt 11:9 Iomraidhean Croise

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Pr 10:27

A eb' 'ay yel'ch Jehová 'a sat, caw 'oj najtxb'oc sq'uinl eb', ax eb' maysch'olnil sb'eyb'al, 'oj tzu'xoc sq'uinl eb'.

Pr 3:16

Toto tzqui b'eylb'ej jelnal, tznajtxb'i qui q'uinal, tzon̈ 'och ricoal, caw niwn tzon̈ 'aj 'el'ch yu'uj.

Pr 3:2

sec 'oj najtxb'oc a q'uinal, caw tzaljc'ojlal 'oj eq'ui.

Pr 9:11

Yuj wal jelnal cha, caw najtl tzon̈ 'e'c 'a yolyib'n̈q'uinl tic, tznajtxb'i wal qui q'uinal.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Dt 11:10

A lum lum 'oj 'ajxoc 'ayx cha, man̈ lajnoc lum yet' lum Egipto 'aj cotnc on̈ec. Ata', tzeyawj tas tzeyawej, palta tzeya'ch yalil 'icha junc hortaliza.

Dt 11:21

yic wach' 'oj najtxb'oc e q'uinl yet' eb' eyunnal 'a sat lum lum 'aj ya'jnac Jehová sti ya'n 'a eb' qui mam quichmec, 'oj e cajn̈j lu'um, ya' sb'a 'ayt 'ec' yolyib'n̈q'uinl tic.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.

Dt 5:16

'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.

Dt 5:33

A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Dt 6:18

A cab' tas wach' tze b'o'o. Tojln̈ej cab' tzeyutj e b'a 'a sat Jehová, sec wach' tzex 'el'chi, ax eyica'an lum lum 'aj ya'jnac sti ya'n 'a eb' qui mam quichmec.

Dt 6:2

Yic wach' 'oj e xiw 'a Jehová qui Diosalec, 'oj eyiclc smasnil schecnb'il, sley yet' smasnil scuynb'il yic 'ayx 'ec' 'a yolyib'n̈q'uinl tic yet' eyunnal, eyiechiquin, sec 'oj najtxb'oc e q'uinal.

Dt 6:3

'Ab'tec wal ex wit chon̈ab', caw tze b'eylb'ej jun tzo'n̈ checnb'il tic sec wach' 'oj eyel'chi. 'Oj niwtjoc e b'isul, ax eyoch niwc chon̈b'al 'a sat lum lum caw wach' cha, 'icha yutjnac Jehová qui Diosalec yaln 'a eb' qui mam quichmec.

Dt 8:7

Yujto a Jehová qui Diosalec, a 'oj eyi'n 'och 'a sat lum lum caw wach'. Til wal a a 'a lum ch'olctac, 'ay a spac'b'a', 'ay pax a niwc a tzcot 'a lum jolmctac witz.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.