Dt 11:8 - Chuj San Sebastian Bible

⁸ Yuj cha, yicljec smasnil jun tzo'n̈ checnb'il wan waln can 'ayx tic, sec caw te'n tzeyutj e b'a yic tzeyi'n 'ec' lum lum 'oj 'och eyico'oc 'a sc'axpil 'ec' a Jordán cha,

Chuj San Mateo Bible

⁸ Yuj chi', c'anab'ajejec schecnab'il Jehová svac'can tic d'ayex, yic vach' tz'och val eyip tzex b'at cajan d'a sat lum luum van yoch eyicoc chi',

Dt 11:8 Iomraidhean Croise

Salmos 138:3

A yic xwaln in b'a 'ayach, in a ta'wej, 'ix a'n in te'nal yic x'ochx wip.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Dn 10:19

Xyaln 'ayn 'ixtic: Man̈ ach xiwoc. Caw tzach schamc'ojlej Dios. Cojn to tza te'wtzej a b'a, xchi. A yic wanto spaxtin 'ayn cha, 'ix 'ochx wip si'mb'il xwab'i, xwaln 'a 'ixtic: Ach wajlil, paxtinan̈ 'ayin, yujto caw wal x'ochx wip oj tzwab'i, xin chi 'a 'a.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

Dt 11:7

Xquilc wal si'mb'il tas satjub'tac 'ix sb'o Jehová.

Dt 28:47

Yujto ma'ix eyac' servil Jehová qui Diosalec 'a tzaljc'ojlal, yet' 'a smasnil e c'ojol yic til wal tas wach' xyac' 'ayex.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

Dt 4:14

'Ix yaln 'ayn ta', to tzex in cuy 'a sley yet' 'a schecnb'il, sec 'oj e b'eylb'oc 'a sat lum lum 'oj eyico'oc 'a sc'axpil 'ec' a Jordán cha.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.