Dt 11:30 - Chuj San Sebastian Bible

³⁰ A jun tzo'n̈ witz cha, ata 'ay eb' 'a sti b'e tz'ec' 'a sc'axpil 'ec' a Jordán, 'a stojlal 'aj tz'em c'u, atn 'a lum slum eb' cananeo cajn 'a span̈nil sti a Jordán cha, 'a yojltac Gilgal, atn 'a 'aj nab'a ma'ach', 'a yol yic Moré.

Chuj San Mateo Bible

³⁰ A juntzan̈ lum vitz chi', a d'a yichan̈ec' nivan b'e ay luum, tz'ec' d'a sc'axepalec' a' Jordán, d'a stojolal b'aj tz'em c'u, b'aj ay sluum eb' cananeo, eb' anima ay d'a yac'lical sti' a' nivan Jordán d'a yichan̈b'at Gilgal. Jun b'aj ay te' ji d'a yol yic More.

Dt 11:30 Iomraidhean Croise

Gn 12:6

'Ix sc'axptej 'e't jun tzo'n̈ lugar masnto 'ix jaw 'a Siquem, 'a 'aj 'ay te mach' 'a yol yic More; atn 'aj cajn eb' cananeo 'a yic jun tiempoal cha.

Nehemías 12:29

yet' 'a yol yic Bet-gilgal, 'a yol smacb'en Geba yet' 'a yol yic Azmavet, yujto ata cajn eb' 'a jun tzo'n̈ aldea 'a sla'nil Jerusalén cha.

Josué 4:19

A yic sc'axw can 'e't eb' chon̈b' chi 'a yojl a Jordán, lajn̈e yoch b'ab'l 'uj, ax 'a jun lugar tzcuch Gilgal 'a yojltac Jericó, 'a stojlal 'aj tzq'uel c'u, ata x'och wan eb' chon̈b' cha.

Josué 5:9

Yuj cha, xyaln Jehová 'a Josué 'ixtic: A yuj jun circuncisión tic, 'ix wij can 'el sb'uchwal paxti eb' 'aj Egipto 'a eyib'an̈, xchi. Ax jun lugar cha, 'ix scuchn can Gilgal.

Jueces 7:1

A Gedeón, tzcuch pax Jerubaal, caw wal 'ix seb' q'ue wan yet' eb' winc ajun yet' cha, axta xc'och eb' sb'o scamplamento 'a sti jun a spac'b'a tzcuch Harod. Ax pax eb' madianita, ata 'ay scamplamento eb' 'a stojlal norte, 'a span̈nil yich lum witz tzcuch More.

Jueces 9:7

A yic xyab'n win Jotam yab'xil jun cha, 'ix 'at 'a stzalnil yich lum witz Gerizim, axta caw 'ip 'ix 'awj 'emta, sec tzyab' eb' 'anma chi smasnil, xyaln 'a eb' 'ixtic: —Ex 'aj Siquem, macljec eyab' jun 'ab'x tic 'oj wala'. Ax yab'n pax Dios tas 'oj eyal 'a 'a.