Dt 11:3 - Chuj San Sebastian Bible

³ Quiljnaquec wal tas sb'ojnac 'a Egipto. Til wal tas sch'oxjnac yil win rey 'a jun nacion̈ cha.

Chuj San Mateo Bible

³ Quilnac tas sc'ulejnac Jehová d'a vin̈ sreyal Egipto yed' d'a masanil eb' anima cajan ta'.

Dt 11:3 Iomraidhean Croise

Salmos 135:9

A wal 'a yol chon̈b' Egipto, ata 'ix sch'ox 'ilxoc spoder to satjub'tac yilxi, yic xya'n 'och syailal win sreyl Egipto chi yet' smasnil eb' 'aych yajlil yet'oc.

Ex 7:8

'Ix yaln pax Jehová 'a Moisés yet' 'a Aarón 'ixtic:

Dt 1:30

A Jehová qui Diosalec, a 'oj b'ab'ljoc cujec, a 'oj 'a'noc owl cujec, 'icha wal cutjnaquec quiln tas 'ix sb'o 'a Egipto,

Dt 11:4

Quiljnaquec wal tas 'ajnc eb' soldado yic Egipto cha, yic cob' yoch tza'n eb' cujec. Lajwnac 'el schej eb', scaruaje eb' yic owal, 'ix mucchj can 'at eb' 'a yojl a Chac Mar. A Jehová satn 'el eb' smasnil 'a jun 'ejmn̈ej.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 7:19

Nac cot jun tzo'n̈ yailal 'e'nc 'a yib'n̈ eb' 'aj Egipto cha. Xeyiln pax jun tzo'n̈ milagro caw satjub'tac yilxi, yet' wal spoder Jehová on̈ yi'nec 'elt 'a jun lugar cha. 'Icha wal yutjnac Jehová eb' 'aj Egipto cha, 'ixta 'oj yutc eb' chon̈b' 'aj tzex xiw cha.