Dt 11:25 - Chuj San Sebastian Bible

²⁵ May xon junc mach 'oj ste'wtzoc sb'a 'a eyojltac. A Jehová qui Diosalec, a 'oj 'a'noc 'och eb' 'anma chi 'a xiwc'ojlal, ax stac chan̈ sc'ojl eb' 'aj 'oj eyec' cha, 'icha wal 'ix yutj yaln cani.

Chuj San Mateo Bible

²⁵ Malaj mach ol yal stec'b'an sb'a d'a eyichan̈. A Jehová ol ac'anoch nivac xivc'olal d'a scal anima b'aj ol ex ec'n̈ej, man̈xo ol yal snaan eb' tas ol yutoc scolan sb'a eb' d'ayex icha ix aj yac'an sti' Jehová chi' d'ayon̈.

Dt 11:25 Iomraidhean Croise

1 Cr 14:17

'Ixta 'ix 'aj yijx chan̈ sb'inab'ilal David yet' sjelnal 'a sat smasnil nacion̈, ax Jehová a 'ix 'a'n xiwc'ojlal 'a jun tzo'n̈ nacion̈ chi yuj David.

Ex 23:27

'Oj in xib'tc eb' 'anma tzchichn 'och 'ayex, ax wa'n somchjoc 'el eb' tzeyac' owl yet'oc. Smasnil eb' 'ajc'ojl yajch 'ayx 'a junjn chon̈b' 'aj 'oj eyeq'ui, an 'oj wac' 'at eb' 'elc 'ayex.

Dt 2:25

Wal 'a jun c'u tic, tz'el yich wa'n xiwc'ojlal 'a smasnil eb' chon̈b' 'ay 'a sat lum lum tic. A yic 'oj laj yab'nc eb' yalx eyab'xil, caw wal 'oj xiw chan̈ eb'. 'Oj laj 'ib'xoc chan̈ eb' yuj xiwlal. Caw 'ayxn̈ej xiwc'ojlal eb', xchi Dios, xchi Moisés.

Dt 7:24

A 'oj 'a'nc 'och sreyl eb' 'anma chi 'a yol e c'ab', ax e satn 'el eb', man̈x 'aj 'oj b'inaxc eb' 'a yolyib'n̈q'uinl tic. May wal junc eb' 'oj stac' scoln sb'a 'ayex, c'uxn 'oj e satl eb' smasnil.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Josué 2:9

—Wojc an tic, to a Jehová a tz'a'n jun lum tic 'ayex. A pax tzon̈ 'a'n 'och 'a xiwc'ojlal qui masnil 'a jun tzo'n̈ lugar tic on̈. Man̈x on̈ 'anmac tzcab'i yic tzcab'n eyab'xil.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.