Dt 11:24 - Chuj San Sebastian Bible

²⁴ Smasnil lum lum 'aj 'oj eyec' cha, eyic 'oj 'ajcn lu'um. A e mon̈jon, tz'el yich 'a lum cusltac lu'um, masnto tzc'och 'a Líbano, tzcotx 'a a niwquil a Éufrates masnto tzc'och 'a Mar Mediterráneo.

Chuj San Mateo Bible

²⁴ Masanil lum b'aj ol ex ec'oc, eyic ol ajcan luum, sb'atn̈ej lum d'a taquin̈ luum masanto sc'och d'a Líbano. Sb'atn̈ej lum d'a a' nivan Éufrates masanto sc'och d'a a' mar Mediterráneo.

Dt 11:24 Iomraidhean Croise

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

A Ch'an̈ B'ab'el Libro Yic Yab'ixal Eb' Rey 4:24

A Salomón yajl yaj 'a yib'n̈ lum lum 'a stojlal 'aj tz'ejm c'u 'a a Eufrates, tzchaj cot 'a Tifsa, masnto 'a Gaza; a yajl 'a yib'n̈ smasnil sreyl jun tzo'n̈ chon̈b' cha, caw wal 'ay junc'ojlal 'a scal yet' jun tzo'n̈ nacion̈ 'ay 'a stz'ey.

2 Cr 9:26

A rey Salomón cha, yajl yaj 'a yib'n̈ smasnil eb' rey, tzchajto cot 'a a Éufrates, masnto tzc'och 'a slum eb' filisteo, tzc'och to pax 'a smon̈jon Egipto.

Ex 23:31

Tox 'ix wac' 'ejm smon̈jonal 'ajtil 'oj 'ec' lum e lum cha: tz'el yich lum 'a a Chac Mar, masnto tzc'och lum 'a a Éufrates, tz'ec' pax lum 'a a Mar Mediterráneo 'a 'aj 'ayc' eb' filisteo, masnto tzc'och lum 'a cusltac lu'um. 'Oj wa'ch eb' cajn 'a jun lugar chi 'a yol e c'ab', ax xo 'oj e pechl eb' 'a sat lum lum cha.

Jl 2:20

A eb' 'ajc'ojl tzcot 'a stojlal norte, najt 'oj wi'l eb' 'a e tz'ey, ax wa'n can 'at eb' 'a cusltac lu'um. A eb' b'ab'el, 'oj wa'cn 'at eb' 'a yojl a Mar Muerto, ax eb' tzac'an, 'oj 'atcn eb' 'a yojl a Mar Mediterráneo. 'Oj c'a sniwnal eb', ax yaj sjab'. ¡Caw satjub'tac yilx tas 'oj in b'o 'a e cal! xchi Dios.

Dt 1:7

A ticnec, meltzjan̈c can 'at 'a lum slum eb' amorreo 'ay 'a lum jolmctac witz, yet' 'a jun tzo'n̈ xo lugar 'ay 'a sla'nil eb' cha. Tzex 'ec' 'a lum span̈nil sti a Jordán, 'a lum jolmctac witz, 'a lum pan̈ctac, 'a lum Négueb, yet' lum 'ay 'a sti a mar 'a yol yic eb' cananeo, yet' pax lum Líbano, masnto tzc'och lum 'a sti a niwquil a Éufrates.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Dt 12:20

A yic tox xyac' Jehová qui Diosalec lewnb'oc lum e lum cha, 'icha wal yaj yaln cani, toto 'ay 'aj tzcot e nib'n e chin chib'ej, tztac' e chini, yaln̈ej tas c'ual.

Dt 34:2

yet' lum yic Neftalí, Efraín, yet' Manasés, smasnil lum yic Judá, masnto tzc'och lum 'a a mar Mediterráneo.

Josué 14:9

Yuj cha, xya'n can Moisés sti 'ayin, xyaln 'ixtic: A lum lum 'aj ach xitc' cha, caw ec 'oj 'aj lum yet' eb' en̈til, yujto caw tojl xotj a nab'en 'a sat Jehová qui Diosalec, xchi can 'ayin.