Dt 10:22 - Chuj San Sebastian Bible

²² A yic xc'ochcn eb' qui mam quichmec 'a Egipto, cojn 70 sb'isl eb', palta ax ticnec, xniwtj qui b'islec yuj Jehová qui Diosalec. Lajn xo wal qui b'islec 'icha c'anal 'ay 'a satcha'an̈, xchi Moisés.

Chuj San Mateo Bible

²² Ayic sc'ochnac eb' co mam quicham d'a Egipto, 70-n̈ej sb'isul eb', axo ticnaic jun, a Jehová ix ac'an q'uib' co b'isul icha sb'isul q'uen c'anal d'a satchaan̈.

Dt 10:22 Iomraidhean Croise

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 46:26

'Ay 66 eb' yin̈tl win Jacob 'a smasnil, atn eb' tic ajun yet'oc yic xc'och win 'a Egipto; atn wal jun tzo'n̈ yin̈tl win tic, chuc pax yaj eb' 'ix yalb' winac.

Gn 46:27

Chuc pax yaj José yet' chawn̈ eb' yunnal 'aljnac 'a Egipto cha, yuj cha, 70 sb'isl win Jacob yet' eb' yunnal yet' eb' yixchiquin yic 'ayx 'ec' win 'a Egipto cha.

Nehemías 9:23

Xa'n pax q'uib' sb'isl yunnal eb' 'icha sb'isl c'anal 'a satcha'an̈. Xe'n 'at eb' scha smacl lum 'a 'aj 'ix ac' a ti a'n 'a eb' qui mam quichm on̈.

Ex 1:5

'Ay 70 sb'isl smasnil eb' yin̈tl Jacob ajun yet'oc yic xc'och 'a Egipto, al pax win José, 'ayc' xon win ta'.

Nm 26:51

Ax 'ix 'aj chan̈ sb'isl eb' winc israel 'a smasnil, 'ay 601,730.

Nm 26:62

A smasnil eb' winc 'a eb' yin̈tl Leví, eb' jun 'ujl sq'uinal yet' 'a yojltac, 'ay 23 mil sb'isl eb'. A eb' tic, man̈ 'ayc 'och eb' sb'isloc eb' yit israelal, yujto may smacl lum eb' tzchaj yet' eb' yit chon̈b' cha.

A Tas Sc'ulejnac Eb' Schecab' Jesús Hechos 7:14

Ax José cha, xya'n 'awtxoc 'at Jacob 'a 'a, atn smam. Ya'n pax 'awtxoc 'at eb' yu'tac, yet' yistl eb', yet' eb' yunnal eb', 75 sb'isl eb' 'a smasnil.

Dt 1:10

Yujto til wal cunnal tzyac' Jehová qui Diosalec, ax ticnec, caw tzniwtj jun qui chon̈b'ec tic cujec, til wal tz'aj qui b'islec 'icha c'anal 'ay 'a satcha'an̈.

Dt 1:11

A cab' Jehová qui Diosalec yet' eb' qui mam quichmec, a tz'a'n niwtjoc qui b'islec, to smil-l xo 'ec'b'al 'a yib'n̈ 'icha qui b'islec ticnec, ax ya'n syaxilal 'a quib'n̈ 'icha wal yaj ya'n can sti'.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.

Dt 28:62

An̈ israel on̈c tic, caw niwn qui b'islec 'icha c'anal 'ay 'a satcha'an̈. Palta a 'a jun tiempoal cha, 'oj 'emtoc e b'isul, yujto matz eyiclj tas tzyal Jehová qui Diosalec.

A Ch'an̈ Carta D'a Eb' Hebreo 11:12

Yuj cha, wach'xam caw 'ichm xo Abraham chi si'mb'il, palta til wal x'aj eb' yin̈tl spitzw 'eli. Lajn x'aj sb'isl eb' 'icha jun tzo'n̈ c'anal tzquilc 'a satcha'an̈. Lajn pax eb' 'icha sb'isl jun tzo'n̈ arena 'ay 'a sti a mar, yujto man̈xtzac b'ischji.