Dt 10:21 - Chuj San Sebastian Bible

²¹ Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc.

Chuj San Mateo Bible

²¹ Quiq'uecchaan̈ Jehová co Diosal. Cuuj man̈ jantacoc tas te satub'tac yilji ix sc'ulej icha val ix aj quilani.

Dt 10:21 Iomraidhean Croise

A Ch'an̈ Schab'l Libro Samuel 7:23

A pax a chon̈b' Israel tic, may junc xo chon̈b' lajn yet'oc, caw cojn jun nacion̈ tic a coljnac 'el 'a sat lum tic 'a yol sc'ab' eb' 'ajc'ojol, yuj yochcn a chon̈b'oc. Caw satjub'tac tas xa b'o yuj eb' a chon̈ab', yic 'ix e'n 'elt 'a Egipto; 'ix e'n 'el pax jun tzo'n̈ nacion̈ yet' sdiosal 'a yojltac eb'. Yuj cha, caw wal tzb'inax 'a b'i yuj eb' 'anma',

Salmos 109:1

Ach in Diosal, a 'aych tzwal in wach' paxti', man̈toc tzach 'el ch'umn 'ayin yic tzwa'n in lesl 'ayach.

Salmos 145:6

'Oj yal eb' 'anma yuj tas b'ob'il o'oj, yujto caw tztac' o'oj, 'oj wal-li to caw niwn el'chi.

Salmos 148:14

A 'ix 'a'n qui jelnal an̈ schon̈b' on̈c tic, sec tzon̈ b'inaxec an̈ yiclum on̈c tic, yujto an̈ yin̈tl on̈c Israel tic, an̈ on̈ yijec 'ochch 'a stz'ey. ¡Alx cab' wach' paxti 'a Jehová!

Salmos 22:3

Ach tic Mamin caw wal wach'chn̈ej, tzach b'inax 'a scal swach' paxti eb' wit israelal yic tzach sb'itnan eb'.

Ex 15:2

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Ex 34:10

'Ix yaln Jehová 'ixtc 'a Moisés: Chaj ab' tas 'oj wala'. A ticnec tzin b'ocn jun in trato tic et' 'a sat smasnil eb' et chon̈b' tic. 'Oj in b'o jun tzo'n̈ tas satjub'tac yilxi, jun tzo'n̈ to mant 'a 'aj tzb'o 'a junc nacion̈ 'a sat lum lum tic. Ax smasnil eb' 'anma ajun et' tic, 'oj yil eb' smasnil tas 'oj in b'o', caw wal satjub'tac yilx tas 'oj in b'o 'a e cal.

Is 60:19

Ata', man̈x 'a tz'och yoc c'u eyuj 'a c'ual, man̈x 'a tz'och yoc 'uj eyuj 'a 'ac'wal, yujto an Jehová in, an 'oj wac' in sacq'uinlal 'ayx 'a jun 'ejmn̈ej; an e Diosal in tic, an 'oj ex wac' b'inaxoc.

Is 64:3

Comnoc tza b'o 'icha tas a b'ojnac 'a pecti', a yic eml cha, xa b'on tas man̈ nanoc cu'uj, caw satjub'tac yilxi, ax eb' lum niwc witz, c'uxn 'ix 'ib'x eb' lum 'a ojltac.

Jeremías 17:14

'Ac' jawc in c'ojl Mamin Jehová, sec tzin b'ox cani. Coln 'eli, sec wach' tzin colchj can pax 'eli, yujto cojn 'aych 'aj tzwal in wach' paxti'.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Josué 24:18

A Jehová, a xpechn 'el smasnil eb' chon̈b' 'ayc' 'a yol qui b'e, yet' eb' amorreo cajn 'a jun lugar tic. Yuj cha, 'oj ca' pax servil Jehová on̈, yujto a qui Diosalec yaji, xchi eb'.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.