Dt 10:18 - Chuj San Sebastian Bible

¹⁸ Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'.

Chuj San Mateo Bible

¹⁸ Tz'oc' sc'ol d'a eb' meb'a' yed' d'a eb' ix ix chamnac yetb'eyum. Xajanpax eb' ch'oc chon̈ab'il ayec' d'a co cal yuuj, yuj chi' tz'ac'ji svael eb' yed' spichul eb' yuuj.

Dt 10:18 Iomraidhean Croise

2 Cr 19:7

Yuj cha, caw niwn cab' yel'ch Jehová 'a e sat, tzcham eyiln tas 'oj e b'o', yujto a Jehová qui Diosalec, ma'oj techjc yu'uj, yic 'oj yilnc 'och tas man̈ stojlalc 'oj e b'o', yet' pax yic to 'ay sjelpal 'anma 'a e sat, yic tze chan tumn 'a c'ultaquil, xchi 'a eb'.

Salmos 10:18

Ach tza b'oyaj eb' meb'a 'unn chamnc smam, yet' eb' 'anma tz'ixtxi, yic wach' a eb' 'anma tu snab'en, eb' to chamlb'a yaji, man̈xtzac xib'tx eb' 'emmquilal yec' yuj eb'.

Salmos 103:6

A Jehová tojl tzyutj sb'onyaj junc mach tz'ixtx yuj eb' 'ixtm 'anma'.

Salmos 145:9

Caw wal wach'ch 'a yib'n̈ smasnil, caw 'ay a chamc'ojlal 'a yib'n̈ tas b'ob'il o'oj.

Salmos 146:9

A tztan̈wni eb' 'anma chuc schon̈ab', a tz'a'n servil eb' meb'a 'unn chamnc smam yet' eb' 'ix 'ix chamnc yichmil, palta a tz'a'n pax somchjoc 'el eb' maysch'olnil sb'eyb'al.

Salmos 68:5

A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.

Salmos 68:6

A eb' tz'ec' sch'ocoj, a Dios tz'a'n 'aj wach' scan cajn eb'. Ax eb' tzyamchj can 'at 'icha presoal yuj owal, tzcolx 'elt eb' yu'uj, tzlajw cha, tzya'n q'ue'choc eb'. Palta ax eb' tu snab'en, a 'a lum tacn̈ lum 'oj can cajn eb'.

Ex 22:20

Toto 'ay mach tzyac' xajmb'al 'a tas tzalx 'och diosal, to man̈oc 'ayn an Jehová in tzyac'a, yowlal tzchami.

Ex 22:21

Man̈ eyixtc eb' 'anma chuc schon̈b' cajn 'a e cal, yujto 'e'nc ex pax cajn 'a scal eb' 'anma man̈ eyit chon̈b'oc 'a Egipto.

Ex 22:22

Man̈ eyixtc eb' 'ix 'ix chamnc yichmil, yet' pax eb' meb'a 'unn chamnc smam.

Ex 22:23

Toto tzeyixtj eb', ax yaln sb'a eb' 'ayin, an xo 'oj in colwj yet' eb'.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Jeremías 49:11

Can cab' eb' eyunnal meb'a'il, an 'oj in tan̈wc eb', ax eb' 'ix 'ix chamnc yichmil, tztac' in ya'n 'och eb' 'ix yipc sc'ojol, xchi Dios.

Os 14:3

A chon̈b' Asiria matz tac' on̈ scoln on̈, an̈jtona matz tac' pax qui colx yuj no chej on̈. A tas tzlaj qui b'o yet' qui c'ab' on̈, man̈x 'oj calch qui diosalc on̈, yujto cojxn ach Mamin Jehová, ach tzac' tas 'ay tz'och yuj eb' meb'a 'unn chamnc smam, xe chi 'a Dios.

Lv 25:35

Toto 'ay junc eyit chon̈b' tzlajw 'ejm jac tas 'ay 'a 'a, yowlal tzex colwj 'a 'a, 'icha wal tzyac' junc chuc chon̈b'al ton̈j tz'ec' 'a e cal yic tzcan 'a yol e chon̈ab'.

Nm 10:32

Toto tzach 'at quet' on̈, a tas wach' 'oj yac' Jehová 'ayn̈ on̈, 'oj cac' pax ec quet' on̈, xchi Moisés.

Mt 5:45

'Ixta 'oj eyutc e ch'oxni to yel yunnalx qui Mam 'ayc' 'a satcha'an̈. Yujto a tz'a'n 'emt yoc c'u 'a yib'n̈ eb' maysch'olnil yet' 'a yib'n̈ eb' wach'. An̈jtona', tzya'n pax 'emt n̈ab' 'a yib'n̈ eb' man̈ tojloc snab'en yet' 'a yib'n̈ eb' tojl snab'en.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

Dt 27:19

Catb'tzaxc cab' eb' tzb'on junc tas man̈ tojloc 'a eb' chuc chon̈b'al, mto 'a junc 'ix chamnc yichmil, mto pax 'a junc meb'a 'unn chamnc xo smam, xchi eb' levita. 'Ixta cab' tz'aji, 'oj xchic eb' chon̈ab'.