Dt 1:39 - Chuj San Sebastian Bible

³⁹ Wach'xam ax tic, 'ix eyala to a eb' 'ajc'ojl yajch 'ayex, a eb' 'oj macnoc can 'ec' eb' eyunnal, atn eb' eyunnal cotc to, eb' to mant 'a snab'en, palta atn wal eb' chi 'oj c'och 'a sat lum lum cha. An xo 'oj wac' lum yico'oc eb'.

Chuj San Mateo Bible

³⁹ Vach'chom a ex tic tzeyac'och d'a e c'ool to ol ochcan eb' eyuninal checab'oc d'a eb' ajc'ool, palta a eb' eyuninal mantalaj spensar chi', ol och eb' d'a jun luum chi'. A in ol vac' lum smacb'enoc eb'.

Dt 1:39 Iomraidhean Croise

Jonás 4:11

An xo pax tic, ¿tom an to wal ma'oj cus in c'ojl yuj jun niwquil chon̈b' Nínive tic? 'Ec'b'al 120 mil 'anma mant 'a snab'en, mant yojcoc 'aj 'ay swach'il yet' tas maysch'olnil, til pax no noc', xchi Dios.

Nm 14:3

¿Tas laj yuj tzon̈ yijec 'at Jehová 'a jun lum lum cha, sec am ata tzon̈ chamc can ta yuj owal, ax eb' 'ix quistlec, eb' cunnalec, 'oj can eb' 'a yol sc'ab' eb' 'ajc'ojl yajch 'ayn̈ec cha? Yel xom wach' tzon̈ meltzjec pax 'a Egipto, xchi eb'.

Nm 14:31

Palta ax eb' eyunnal xeyal to tzcan 'a yol sc'ab' eb' 'ajc'ojl cha, 'oj wi'ch eb' 'a sat lum lum chi tze patquilj can 'el cha, sec ax eb' 'oj yac' tzaljoc sc'ojl 'a sat lu'um.

Ro 9:11

A chawn̈ 'unn cha, yic mantzac 'alj eb', mant 'a xon tas tzb'o eb'. Palta yaljnac can Dios 'ixtc 'a 'ix Rebeca: A jun 'oj b'ab'l 'aljoc, a 'oj 'a'nc servil jun tza'n to 'oj 'aljoc, xchi. Tz'ib'b'il can pax junx tic 'a Ch'an̈ U'un̈, 'a 'aj tzyal 'ixtic: A Jacob chamc'ojlb'il wu'uj. Ax Esaú chacb'il 'el wu'uj, xchi Dios. A jun tzo'n̈ tic tzch'oxni, to 'ay yaln Dios yic si'n 'el junjn mach 'icha tznib'ej. Man̈ yujoc tas tzqui b'o'ec, tzon̈ yawtnec yico'oc.

Ef 2:3

'Ixta cutjnaquec qui b'a qui masnil 'a yic yalan̈. Qui b'ojnaquec 'icha tzqui nib'ej. Cojn 'a jun tzo'n̈ maysch'olnil tznib'j 'och qui niwnalec tic, ata ca'jnaquec 'och qui nab'en. Yujto mun a qui nab'enec 'a'jnacn̈ec mandar. Yuj cha, smoj tz'ajx jun niwn yailal 'a quib'n̈ec, 'icha 'oj 'aj sjaw 'a yib'n̈ jun tzo'n̈ xo 'anma'.

Josué 5:7

Yuj cha, xya'n circuncidar Josué ewin yunnal ewin xchamcn cha, sec ax eb' tzcanx sjelc ewinac. A eb' cha, mant 'ac'b'ilc circuncidar eb', yujto 'aych eb' 'a b'eyel.