Dt 1:38 - Chuj San Sebastian Bible

³⁸ A Josué win yunnal Nun, win a checab', a win 'oj 'ochx can a jeloc, yic tzyi'n b'ey jun chon̈b'al eb' 'anma tic. 'A'cn snab'enoc, yujto a 'oj 'a'noc 'och eb' et chon̈b' 'a sat lum lum cha.

Chuj San Mateo Bible

³⁸ A vin̈aj Josué yuninal vin̈aj Nun scolvaj ed'oc, a vin̈ ol och a q'uexuloc. Yuj chi' iptzitej vin̈ yujto a vin̈ ol ac'an jun luum chi' d'a eb' etisraelal tic, xchi d'ayin. Yalanpax d'ayex icha tic:

Dt 1:38 Iomraidhean Croise

Ex 24:13

'Ix 'at Moisés 'a sjolm lum witz chi yet' Josué atn jun schecab'.

Ex 33:11

Q'uelc'mb'a wal tz'aj Jehová spaxtin yet' Moisés, 'icha wal spaxtin junc mach yet' junc swach'c'ojol, 'ixta tz'aj eb' spaxtini. Tzlajw cha, tzpaxt Moisés 'a camplamento. Palta ax Josué win yunnal Nun, win schecb' Moisés cha, matz 'elt xon win 'a yol Mantiado cha.

Pr 22:29

Toto wach' tzeyutj munljoc e b'a, 'oj eyoch munljoc 'a jun tzo'n̈ munljel niwc yel'chi, man̈oc 'a jun tzo'n̈ comn munljel 'aj 'oj e munlji.

Jeremías 40:10

An tic, 'oj in cancn 'a Mizpa tic, yic wach' an 'oj woch 'a sat eb' 'aj Babilonia eyu'uj, 'a yic 'oj jawc eb' 'a tic. Ax xo tic, 'ochn̈ec e molb'tzoc yal uva, sat masl 'awb'en, yet' aceite. 'Ixta 'oj eyaj e can cajn 'a jun tzo'n̈ chon̈b' tox xeyij cha, xchi Gedalías 'a eb'.

Nm 13:16

Atn sb'i eb' winc tic 'ix schecb't Moisés yic tz'at yilnc eb' lum Canaán. A win Oseas yunnal Nun, 'ix sjel Moisés sb'i winac, Josué xyac' sb'i'oc.

Nm 14:30

Cojn Caleb yet' Josué, a eb' 'oj c'och 'a sat lu'um. Ax xo ax tic e masnil, may junc ex 'oj e c'och 'a sat lu'um, atn lum xwal wac' 'ayex.

Nm 14:38

Yuj cha, 'ix ya'n cot Jehová jun yab'il 'a scal eb', 'ix laj cham eb'. Cojxn Josué yet' Caleb ma'ix chami.

Nm 26:65

Yujto a Jehová, a 'ix alni to smasnil eb' cha, yowlal tzchamcn eb' 'a lum cusltac lu'um, man̈x 'a xon junc eb' 'ix cani, cojxn Caleb win yunnal Jefone, yet' win Josué yunnal Nun, cojn eb' xcani.

Nm 34:17

A eb' 'oj pojnoc 'ec' lum lum chi 'a scal eb' et israelal, atn Eleazar ya'mal 'och sti eb' 'anma 'ayin, yet' Josué win yunnal Nun.

Dt 3:28

A ticnec, 'a'cn snab'enoc Josué, tza cuyn cani, sec a 'oj jucb'tzanc eb' in chon̈b' tic, ax spojn 'ec' jun lum chi 'a eb', atn lum 'oj elcn 'at cha, xchi 'ayin.

Dt 31:14

Xlajw cha, 'ix yaln Jehová 'a Moisés 'ixtic: 'Ilto, wan sc'och stiempoal a chami; yuj cha, 'awtj cot Josué tzex 'at e chawn̈il 'a jun Mantiado 'aj tzin chaj in b'a eyet'oc, sec ata 'oj wa'cn 'och yopiso, xchi. Yuj cha, 'ix 'at Moisés yet' Josué 'a jun Mantiado cha.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

Josué 1:1

A yic tox xcham Moisés win schecb' Dios, ax 'a Josué win yunnal Nun, win colwjum 'a Moisés, ata xpaxtin pax Jehová, xyaln 'ixtic:

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

A Ch'an̈ B'ab'el Libro Samuel 16:22

Xlajw cha, xya'n 'at Saúl chi jun schecb' 'a Isaí, xyaln 'at 'a 'ixtic: —Tzin c'an 'ayach, to tzcancn David tic wet'oc, yujto caw wach' 'ayn tzwila, xchi.