Dt 1:37 - Chuj San Sebastian Bible

³⁷ Eyuj wal ax tic, 'ix cot yowl Jehová 'ix yaln 'ixtc 'ayin: An̈jtona pax ach tic, ma'oj a c'och 'a sat lum lum cha.

Chuj San Mateo Bible

³⁷ Eyuj val a ex tic, yuj chi' cotpax yoval Jehová d'ayin, yalan d'ayin icha tic: Man̈ ol ach ochpaxlaj d'a luum a ach tic.

Dt 1:37 Iomraidhean Croise

Nm 20:12

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

Nm 27:18

'Ix ta'w Jehová 'a Moisés, 'ix yaln 'ixtic: —A Josué yunnal Nun, 'ayx 'och Wespíritu 'a 'a, yuj cha, 'awtj coti, tza'n can opiso 'a 'a.

Dt 3:27

Lem, q'uen̈ta 'a sjolm lum witz Pisgá tic. Ata 'oj elcn 'at lum lum chi 'a stojlal norte, 'a stojlal sur, 'a stojlal 'aj tzq'uel c'u yet' pax 'a stojlal 'aj tz'em c'u. Al wal ec' 'a sc'axpil 'ec' a Jordán cha, may xon b'i'an.

Dt 3:28

A ticnec, 'a'cn snab'enoc Josué, tza cuyn cani, sec a 'oj jucb'tzanc eb' in chon̈b' tic, ax spojn 'ec' jun lum chi 'a eb', atn lum 'oj elcn 'at cha, xchi 'ayin.

Dt 31:2

An tic, 'ayx 120 ab'il in q'uinal, man̈x 'a wip ex in jucb'tzani. An̈jtona', tox 'ix yal Jehová 'ayin, to man̈x 'oj in c'axw 'ec' 'a a Jordán cha.

Dt 32:52

Yuj cha, toxn̈ej 'oj a najt 'ilc can 'at lum lum 'aj 'ix wac' in ti wa'n 'a eb' et chon̈ab'; al wal a c'och 'a lu'um, man̈x 'oj a c'ochi, xchi Dios 'a Moisés.

Dt 34:4

'Ix yaln Jehová 'a Moisés 'ixtic: Atn jun lum tic wa'jnac in ti wa'n 'a Abraham, 'a Isaac yet' 'a Jacob. Waljnac 'a eb' chajtlto 'oj wac' lum 'a eb' yin̈tl eb'. Yuj cha, tzwac' elcn 'at lum yet' a sat, wach'xam man̈x 'oj a c'och 'a lu'um, xchi Dios 'a Moisés cha.

Dt 4:21

'Ix cot yowl Jehová 'ayn eyu'uj, 'ix yalni to man̈x 'oj in c'axw 'ec' 'a a Jordán, man̈x 'oj in c'och 'a sat lum lum 'oj yac' eyico'oc cha.

Dt 4:22

Wach'xam a 'a jun lugar tic 'oj in chamcni, man̈x 'oj in c'axw 'ec' 'a a Jordán cha. Palta ax xo tic, yowlal 'oj e c'axw 'ec' 'a a', 'oj 'at e caj lum lum man̈x jantcoc swach'l cha.