Dt 1:35 - Chuj San Sebastian Bible

³⁵ May wal junc eb' 'anma tu snab'en 'a jun tiempoal tic, 'oj 'ilnoc lum lum caw wach' cha, atn lum wa'jnac in ti wa'n 'a eb' e mam eyicham.

Chuj San Mateo Bible

³⁵ Malaj val junoc juntzan̈ vinac te chuc spensar tic ol ilan lum luum vac'nac in ti' vac'an d'a e mam eyicham.

Dt 1:35 Iomraidhean Croise

Salmos 106:26

Yuj cha, 'ix a'n can a ti', to tzchamcn eb' 'a lum cusltac lum cha,

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

1 Co 10:5

Wach'xam 'ixta 'ajnc eb', palta an̈ja til wal eb' maysch'olnil snab'en 'a sat Dios. Yuj cha, chamnc can eb' 'a jun cusltac lum 'aj 'e'nc cha.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Dt 2:14

Yictax on̈ cotc 'a lum Cades-barnea masnto on̈ 'e'tec 'a yojl a Zéred, ata xtz'acw 38 ab'il qui cotec. A 'a yic jun tiempoal cha, lajwnacx scham eb' winc to smoj yoch soldadoil yic queltec 'a Egipto, ata x'el'ch jun sti Jehová ya'jnac.

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

A Ch'an̈ Carta D'a Eb' Hebreo 3:16

¿Mach eb' 'ab'jnac spaxti Dios chi tze na'a? ¿Mach eb' tenmtac yutjnac sb'a 'a 'a? Atn jantcn̈ej eb' colb'il 'elt yuj Moisés 'a Egipto.