Dt 1:25 - Chuj San Sebastian Bible

²⁵ Xlajw yec' eb' yil lum lum cha, 'ix yi'n cot eb' sat te 'awb'ente 'ay 'a lu'um, 'ix ya'n eb' 'ayn̈ec. Xlajw cha, xyaln eb' 'ixtic: A wal lum lum chi tzyac' qui Diosalec quico'oc, caw wal wach' lu'um, xchi eb'.

Chuj San Mateo Bible

²⁵ Slajvi chi' yic'ancot eb' jab'oc sat tas avab'il d'a jun luum chi' d'ayon̈. A yuj tas yal eb' chi', yuj chi' nachajel cuuj to te vach' lum ol yac' Jehová co Diosal d'ayon̈.

Dt 1:25 Iomraidhean Croise

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Nm 13:20

tzyac' am lum sb'a'al mto ma'ay, 'aym te 'awb'ente 'a sat lu'um, mto ma'ay. Man̈ ex xiwoc; tzeyij cot sat te 'awb'ente chi quil 'a tic, xchi 'a eb'. A wal yel-l te sb'ab'l sat uva yic 'ix xit'c' eb' cha.

Nm 13:27

'Ix yaln eb' 'ixtc 'a Moisés: —On̈ xit' quil lum lum chi 'aj on̈ a checb'ti. Yel ton wal b'i'an, caw wach' lu'um, yax sat lu'um, yaj sat eb' te 'awb'ente tic 'ay 'a lu'um.

Nm 14:7

'Ix yaln eb' 'a smasnil eb' 'anma chi 'ixtic: —A lum lum xit' quil chi 'on̈, caw wach' lu'um.

Dt 1:24

A eb' chi 'ix 'at 'a lum jolmctac witz, 'ix c'och eb' 'a lum span̈nil yic Escol, 'ix laj 'ec' eb' smaclc yil jun lum cha.

Dt 1:26

Palta ax xo tic, ma'ix yal e c'ojl e 'at 'a lum lum cha, 'ix eyac' pitl e b'a 'a tas xyal Jehová qui Diosalec.