Dt 1:2 - Chuj San Sebastian Bible

² Uxlche c'u ste'nb'il lum Horeb atn pax lum tzcuch Sinaí, masnto 'a lum Cades-barnea, atn 'a jun b'e tz'ec' 'a lum switzl Seír.

Dt 1:2 Iomraidhean Croise

Gn 32:3

Xlajw cha, xchecn 'at Jacob jun tzo'n̈ eb' schecb' 'a lum Seir, 'a yol yic Edom, yic tz'at alxoc yab'xil 'a Esaú chajtlto wan sjapx jun yu'tac chi 'a 'a.

Ex 17:6

'Oj ach in tan̈wc 'a sjolm q'uen tenm 'a lum tzaln Horeb. Ax yic tzach c'ochi, tza ma'n 'och te a c'occh chi 'a sat q'ue'en, ax yel-l a a chi 'a sat q'uen q'uen cha, 'ixta 'oj 'aj yu'n eb' 'anma tic a', xchi Dios. 'Ixta 'ix yutj Moisés sb'on 'a yojltac ewin yichm wincal chon̈b' Israel cha.

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

Lv 2:14

Toto tz'ajx junc ofrenda 'ayn an Jehová in yuj b'ab'l sat 'awb'en, yowlal a jaye'oc 'ixm jolm trigo caw 'ec'um, a tz'ajx c'anb'oc 'a scal c'ac', yaxto wali tzb'uchx 'eli.

Lv 9:23

Yajn̈j wal cha, x'och Moisés yet' Aarón 'a yol Mantiado, ax yic x'el paxt eb', xyaln eb' wach' paxti 'a yib'n̈ eb' chon̈b' smasnil. Xlajw cha, sch'oxn Jehová stzictznil 'a smasnil eb' 'anma cha.

Nm 13:26

A 'a lum Cades yic lum cusltac lum yic Parán, ata 'ayc' Moisés, Aarón yet' smasnil eb' chon̈ab'. A yic xjapx eb' 'ilm lum cha, 'ix laj yalnc eb' tas xlaj yil eb'. Sch'oxn eb' 'ilxoc sat te 'awb'ente 'ay 'a lum lum cha.

Nm 32:8

'Ixtnta wal xyutj sb'a eb' e mam eyicham, yic x'at wa'nc yil eb' lum lum cha, yic 'ayn̈ec 'ec' 'a lum Cades-barnea.

Dt 1:19

'Ix yaln pax Moisés 'ixtic: A yic on̈ cotc pax 'a lum yich witz Sinaí, 'ix qui tojlb'tzanc cot qui b'a 'a lum jolmctac witz yic eb' amorreo, yuj qui yiclni tas 'ix yal Jehová qui Diosalec. On̈ b'eyc cot 'a lum niwquil cusltac lu'um, lum caw 'ay smay, masnto on̈ jawc 'a Cades-barnea. A jun tic, xquilc qui masnil.

Dt 1:44

Ax 'ix 'aji, a eb' amorreo cajn ta', 'ix 'elt tzicnjoc eb' 'ayx 'icha no sno'l 'acan̈, ex spechn eb', masnto ex cotcn 'elc yuj eb' 'a lum yol smacb'en Edom yet' 'a yol yic Hormá.

Dt 2:1

Xlajw cha, on̈ cotc pax 'a lum cusltac lum cha, on̈ 'ochc 'a sb'el a Chac Mar, 'icha wal xyutj Jehová yaln 'ayin. Caw niwn tiempo on̈ oyyec' qui b'eyc 'ec' 'a lum switzl Edom.

Dt 2:4

Al yab' eb' et chon̈b' jun checnb'il tic. To ata 'oj eyec' 'a yol slugar eb' yin̈tl can Esaú, atn eb' eyican to e b'a yet'oc, eb' cajn 'a yol smacb'en Seír. Caw wal 'ay xiwc'ojlal eb' 'ayex. Palta b'i'an, caw tze tan̈wj e b'a, man̈ e comn xib'tc eb'.

Dt 2:8

Xlajw cha, on̈ 'elc can 'a sb'el span̈nil sti a Jordán, on̈ 'e'c 'a Elat yet' 'a Esión-guéber. Xlajw cha, on̈ 'e'tec 'a yol slugar eb' quicanec, atn eb' yin̈tl Esaú, eb' cajn 'a lum yic Seír. Ata xcoyc qui b'a, on̈ 'ochc pax 'a b'e tz'ec' 'a cusltac lum yic Moab.

Dt 9:23

A yic 'ayn̈ec 'ec' 'a Cades-barnea, ata yaljnac 'ayn̈ec to tzon̈ 'at qui cha lum lum cha, atn lum 'oj yac' eyico'oc. Atnta e tenjnac tas yaljnac Jehová qui Diosalec, yujto ma'ix eya'ch xon yipc e c'ojol.

Josué 14:6

A eb' yin̈tl Judá, 'ix jaw eb' 'a lum Gilgal, yic xpaxtin eb' yet' Josué, ax Caleb win cenezeo yunnal Jefone, 'ix yaln win 'ixtc 'a Josué cha: Na cot tas 'ix yalcn Jehová 'a win Moisés atn win schecab', yic xyaln oj ach tic yet' pax wuj an tic, yic 'ayn̈ 'ec' 'a lum Cades-barnea.