Dn 9:9 - Chuj San Sebastian Bible

⁹ Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Chuj San Mateo Bible

⁹ Palta a ach tic Mamin, co Diosal ach, te ay oq'uelc'olal yed' a nivanc'olal, vach'chom a on̈ tic axon̈ej pitalil sco c'ulej d'a ichan̈.

Dn 9:9 Iomraidhean Croise

A Ch'an̈ Schab'l Libro Samuel 24:14

Yuj cha, xyaln David 'a Gad 'ixtic: —Caw wal matz nachj wu'uj. Yel xo wach' tzon̈ canc 'a yol sc'ab' Jehová, yujto niwquil schamc'ojlal 'ayn̈ec; man̈oc cab' 'a yol sc'ab' eb' 'anma tzon̈ canec, xchi.

A Ch'an̈ B'ab'el Libro Yic Yab'ixal Eb' Rey 8:30

Maclj wal ab' in lesl tic 'an, yet' yic eb' wit israelal tic yic tzleslwi eb' 'aych 'a jun lugar tic. 'Aych wal 'ec' 'a satcha'an̈, a yic tzab'ni, tza'n lajwc qui mul pax 'a quib'n̈ on̈.

Nehemías 9:31

Palta yuj a niwquil chamc'ojlal ma'ix a satl eb'; ma'ix actjcan pax eb', yujto Dios ach, wach' a nab'en, tz'o'ch a c'ojol 'a eb'.

Salmos 130:4

Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

Salmos 130:7

Ex wit israelal, qui tan̈wquec scolwal Jehová, yujto caw tz'o'ch sc'ojl 'ayn̈ec, yelc'ojlal pax tzcolwj quet'ec.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Is 63:7

An tic tzin nib'j wal-l schamc'ojlal Jehová, tzin b'itnan smasnil tas sb'o cujec. Caw wal niwn swach'c'ojlal 'ayn̈ an̈ yin̈tl on̈ec can Israel tic. Til wal tas sb'o cujec, 'ix 'o'ch sc'ojol, caw niwn pax schamc'ojlal 'ayn̈ec.

Jeremías 14:7

Mamin Jehová, wach'xam caw niwc qui mul 'a a sat on̈, palta colwjan̈ quet' on̈, sec matz ach alx tu'al. Til wal 'ejm tz'och qui tenmtacl 'aych on̈, caw wal 'ay qui mul tz'och 'ayach.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Dn 9:6

A tas yaljnac can 'el eb' a checab', ma'ix qui yiclj on̈. Yaljnac eb' a paxti 'a eb' qui reyl on̈, 'a eb' yajl yaj 'a qui cal on̈, 'a eb' qui mam quichm on̈, yet' pax 'a smasnil eb' quit israelal on̈.

Dn 9:7

Ach tic Mamin, caw tojl a nab'en. An̈ xo an̈ israel on̈ tic on̈, caw q'uixweltac quec' tzcab' on̈. 'Icha wal eb' cotnc 'a Judá yet' 'a Jerusalén, yet' jun tzo'n̈ xo eb' quit israelal cajn 'a lac'an, yet' 'a caw najat, on̈ a sactzicj can 'ati, yujto 'ix 'och qui tenmtacl 'ayach.

Dn 9:8

An̈ tic on̈ Mamin Jehová, caw lajn on̈n̈ej 'icha eb' qui reyl on̈, eb' yajl yaj 'a qui cal on̈, yet' pax eb' qui mam quichm on̈. Caw wal q'uixweltac quec' tzcab' on̈, yujto x'och qui mul 'aych on̈.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.