Dn 9:5 - Chuj San Sebastian Bible

⁵ Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Chuj San Mateo Bible

⁵ Ix och co chucal yed' co pital d'ayach. Axon̈ej chucal ix co c'ulej. Ix co patiquejcanel a checnab'il yed' a c'ayb'ub'al.

Dn 9:5 Iomraidhean Croise

A Ch'an̈ Schab'il Libro Yic Yab'ixal Eb' Rey 18:12

'Ixta 'ix 'aj eb' israel yujn̈ej to ma'ix syiclj eb' spaxti Jehová sDiosal. Tenmtac 'ix yutj sb'a eb' 'a strato sb'ojnac yet' eb' smam yichm eb'. 'Ix spatquilj can 'el eb' smasnil tas alb'il can yuj Moisés, atn win schecb' Jehová.

A Ch'an̈ Schab'il Libro Yic Yab'ixal Eb' Rey 21:15

Yictax xwi'n 'elt eb' smam yichm eb' 'a Egipto, stzuntzj cotn̈ej eb' yowl in c'ojol, yuj tas maysch'olnil sb'o eb' 'a wojltac, xchi Dios.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Salmos 106:6

Lajn wal x'aj yoch qui mul 'icha ya'jnac eb' qui mam quichm 'a pecti 'on̈; on̈ 'ec' wal 'a yib'n̈ on̈, xqui b'on maysch'olnil.

Salmos 119:102

Ma'ix wij 'el in b'a 'a jun tzo'n̈ a ley tic, yujto ach in a cuy 'a 'a.

Salmos 119:176

In satc' 'icha tzyac' junc no calnelu tzsatq'ui, ach xo in a sayq'ui. In 'ilchj o'oj, yuj cha, matz wac' sat in c'ojl 'a jun tzo'n̈ a checnb'il tic.

Salmos 18:21

Tzin b'eylb'ej a b'eyb'al Mamin Jehová. May 'ajtil xwij 'el in b'a 'a a tz'ey ach in Diosal yic tzin b'on tu'al.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Is 59:13

Mamin Jehová, caw wal tenmtac xcutj qui b'a 'aych on̈. 'Ix cac' 'es on̈, ma'ix yal qui c'ojl on̈ 'och tza'n oj ach qui Diosal. Cojn maysch'olnil 'ayc' 'a qui nab'en on̈, xlaj cac' 'es 'a eb' quit 'anmal on̈, xlaj quixtn paxti eb' on̈.

Is 64:4

'A yictax pecti cha, mant 'a xon 'aj tz'ab'xi, may 'aj tz'ilx junc xo dios to lajn et'oc; junc to tzb'on 'icha tas tza b'o'o, yic tz'och swach'loc eb' tzya'ch sc'ojl 'ayach.

Jeremías 14:20

Mamin Jehová, caw tzqui na cot qui maysch'olnilal on̈, yet' pax stenmtacl eb' qui mam quichm on̈. Caw x'och qui mul 'aych on̈.

Jeremías 14:7

Mamin Jehová, wach'xam caw niwc qui mul 'a a sat on̈, palta colwjan̈ quet' on̈, sec matz ach alx tu'al. Til wal 'ejm tz'och qui tenmtacl 'aych on̈, caw wal 'ay qui mul tz'och 'ayach.

Jeremías 3:25

'Oj quic' 'ejm qui b'a yuj qui q'uixwc'ojlal on̈, yujto an̈ tic yet' eb' qui mam quichm on̈, caw wal x'och qui mul 'aych Jehová qui Diosal on̈. Yictax quelm on̈t 'unn on̈, masnto ticnec, caw wal ma'ix qui yiclj tas 'ix al 'ayn̈ on̈, xchi eb'.

Jeremías 30:14

Smasnil eb' 'ay cob' schamc'ojlal 'ayex, ex 'atcn 'a satc'ojlal yuj eb'. Man̈xtzac ex sna eb' jab'oc. An wal 'ix wac' eyailal si'mb'il, 'icha 'ajc'ojl wajch 'ayex, yujto niwn maysch'olnilal xe b'o'o, caw man̈x b'ischjb'enoc e mul cha.

Jeremías 44:3

yuj wal smaysch'olnilal eb' 'anma x'el sb'oni. 'Ix stzuntzj cot eb' yowl in c'ojol, yujto 'ix yac' 'ejm sb'a eb' 'a jun tzo'n̈ comn dios, 'ix ya'n eb' incienso xajmb'al-l 'a jun tzo'n̈ cha, atn jun tzo'n̈ comn dios 'aj may yaln eb' yico', an̈jtona ax tic, yet' eb' e mam eyicham, may xon eyaln eyic 'a jun tzo'n̈ cha.

Lm 1:18

A Jehová sb'o wal 'icha tas smoj sb'oni, yujto caw wal tenmtac xcutjec qui b'a 'a schecnb'il. E masnil ex chon̈ab', 'ab'c wal tas 'oj cal on̈, 'iltec wal nab'n yilx qui yailal on̈. A eb' qui quelmtac on̈, yet' eb' 'ix qui cob'stac on̈, tox 'ix 'ijx 'at eb' 'icha presoal.

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.

Lm 3:42

'Ix 'och wal qui mul on̈, caw tenmtac xcutj qui b'a 'aych on̈, yuj cha, ma'ix ac' niwnc'ojlal qui mul on̈.

Ez 5:6

Caw wal 'ix 'och eb' 'aj Jerusalén chi 'ajc'ojlal 'a in ley yet' 'a jun tzo'n̈ in checnb'il, yel xo wal tu xyutj sb'a eb' 'a yib'n̈ jun tzo'n̈ xo nacion̈ oyn 'och 'a stz'ey, ma'ix syiclj eb' in ley yet' in checnb'il.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Dn 9:11

An̈ tic on̈, xqui ten tas xyal a checnb'il, ma'ix qui chaj cab' tas xala. Yuj wal qui mul cha, xjaw jun tzo'n̈ yailal tic 'a quib'n̈ on̈, atn jun tzo'n̈ tz'ib'b'il can 'a ch'an̈ libro yuj a checb' Moisés.

Dn 9:15

Ach qui Diosal, Cajlil ach. 'Ix a ch'ox wal a poder yic 'ix e'n 'elt eb' qui mam quichm 'a lum Egipto on̈. Caw ach b'inax 'a yic jun tiempoal cha, masnto ticnec. Palta an̈ xo tic on̈, 'ix 'ochx qui mul on̈, cojn maysch'olnil tzqui b'o on̈.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Malaquías 3:7

Ax tic, in e patquilj can 'eli, ma'ix in eyiclej, 'icha wal yutjnac eb' e mam eyichm spatquiln can 'el in checnb'il, 'ixta in eyutej. Meltzjan̈c pax cot 'ayin, 'ixta to b'i'an, ax in meltzj pax 'at 'ayex. Palta ax tic, tze canb'n 'ixtic: ¿Tas 'aj tzon̈ meltzjec cha? xe chi.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.