Dn 9:21 - Chuj San Sebastian Bible

²¹ A yic wanto in leslwi cha, ax Gabriel jun sch'oxjnac sb'a 'ayn 'a jun in waych 'a yic yaln̈taxi, 'ix jaw jen̈n̈oc 'a in tz'ey 'aj 'ayn 'ec' cha, 'icha wal yorail yic tz'ajx xajmb'al 'a Jehová 'a yic yemc'ual.

Chuj San Mateo Bible

²¹ Yacb'an van in lesalvi chi', axo ángel Gabriel, jun sch'oxnac sb'a d'ayin d'a yalan̈taxo, ix javi jen̈en̈oc b'aj ayinec' chi', ichaval yorail yic tz'ac'ji silab' d'a Jehová d'a yemc'ualil.

Dn 9:21 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:29

Palta may xon mach tzta'w 'a eb' yic x'ec' chimc'ual. Wach'xam 'ixta', palta an̈j 'ijnoc yel yaw eb', tzlaj b'atj chan̈ eb' yic tzlaj 'el yaw eb' cha, masnto xc'och yorail 'icha yic tz'ajx tz'a no xajmb'al 'a yatut Jehová 'a yemc'ual.

A Ch'an̈ B'ab'el Libro Yic Yab'ixal Eb' Rey 18:36

Ax yic xc'och yorail 'icha xon yajx tz'a no xajmb'al, 'ix snitzn 'ochch sb'a Elías 'a stz'ey jun xajmb'al cha, xyaln 'ixtic: Mamin Jehová, sDiosal ach Abraham, Isaac yet' Israel: A ticnec, 'ojcaxc cab' 'eli to ach tic, qui Diosal ach an̈ israel on̈ tic on̈, an xo tic, a checb' waji, ach 'ix 'ac' in b'o jun tzo'n̈ tic.

Salmos 103:20

Ex yángel Jehová to 'ay eyip, alc e wach' paxti 'a 'a, ex to yiclum ex 'a tas tzyala.

Salmos 104:4

A 'ic', a 'aych a checb'oc, ax snich c'ac', a tzach 'a'n servil.

Salmos 141:2

Wach' cab' tz'aj sq'ue'ch in lesl 'aych Mamin, 'icha tz'aj sq'ue'ch stab'l incienso tz'a 'a ojltac. Ax in c'ab' mojb'il q'ue 'ayach, lajn cab' yilx 'a yol a sat 'icha junc ofrenda tz'ajx 'aych 'a yemc'ual.

Ex 29:39

Jun no tzac' tz'a 'a sq'uin̈b'ial, junx no tzac' tz'a 'a yemc'ual.

Is 6:2

A 'a yib'an̈, ata 'ayc' jun tzo'n̈ ángel serafín sb'i, 'icha c'ac' yilx eb'. Waque sc'axl junjn eb'; chab' tzmacn sat eb', chab' pax tzmacn sniwnal eb' 'a yojltac, ax yet' chab'x chi tzjen̈w eb'.

Ez 1:11

Chab' sc'axl eb' chi tzjen̈li yic tzchan sb'a yet' yic junjn xo eb' cha, ax cha'chb' xo tzmacn sniwnal eb' cha.

Ez 1:14

A eb' querubín cha, a yic tzb'ey eb' mto yic tzmeltzj pax eb', caw lajn yec' eb' 'icha letz'lom cha.

Ez 14:14

Q'uinloc a 'a jun chon̈b' chi cajn Noé, Daniel, yet' Job, cojn am eb' 'oxwn̈ tic tzcolchj can 'eli, yujto tojl sb'eyb'al eb', palta may junc mach 'oj stac' scoln 'el eb'.

Dn 10:10

Ax x'aji, x'och yamn 'a in c'ab', in sto'n cha'an̈, masnto xin quil 'ejm sjolm in penec yet' in c'ab'.

Dn 10:16

Ax x'aji, 'ay jun 'icha yilx 'anma', yajn̈ej x'och yamn 'a in ti'. Xlajw cha, xwaln 'a jun mach lin̈n 'ec' 'a wojltac chi 'ixtic: Ach wajlil, yuj wal jun in waych tic, in 'och 'a somc'ojlal, caw x'el wip xwab'i.

Dn 10:18

A jun lajn yilx 'icha 'anma cha, 'ix 'ochx yamn 'ayn jun 'ejm xo, yuj cha, caw x'ochx wip xwab'i.

Dn 8:16

Axn cha, xwab'n yoch jun jaj 'a sti a niwn a Ulai, 'icha wal sjaj junc 'anma', xyaln 'ixtic: Gabriel, al 'a jun winc tic tas tzyal 'el'ch jun xyil tic, xchi.

Dn 8:18

A yic wanto spaxtin 'ayn cha, in 'ec' telnjoc 'a sat lu'um, caw sat in c'ojol; 'ix 'och yamn 'ayin, in sto'n chan̈ lin̈an.

Mt 27:46

Xlajwn̈ej cha, caw 'ip x'awj chan̈ Jesús, xyaln 'ixtic: —Eloí, Eloí, ¿lama sabactani? xchi. Tzyal 'el'chi: Ach in Diosal, ach in Diosal, ¿tas yuj tzin actj can in ch'ocoj? xchi.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Lc 1:26

Ax yic xlajw waque 'uj, 'ix schecn cot Dios jun ángel Gabriel chi 'a chon̈b' Nazaret 'a yol yic Galilea.

A Tas Sc'ulejnac Eb' Schecab' Jesús Hechos 10:3

Ax 'a jun 'el, 'a yic am a las tres, 'icha to waychil x'aj yilni. 'Ay jun yángel Dios 'ix 'och 'a yol jun cuarto 'aj 'ayc' winac. 'Ix yaln jun ángel chi 'a win 'ixtic: —Cornelio, xchi.

A Tas Sc'ulejnac Eb' Schecab' Jesús Hechos 10:9

Ax 'a junx c'u 'a chimc'ual, yic wan sc'och eb' checb' chi 'a sla'nil chon̈b' Jope cha, ax Pedro 'ix q'ue leslwoc 'a span̈nil yib'n̈ yatut win Simón cha.

A Tas Sc'ulejnac Eb' Schecab' Jesús Hechos 12:7

Palta yajn̈j wal cha, 'ix c'och jun yángel Cajlil. Caw sacq'uinl x'aj yojl te preso chi yu'uj. 'Ix stenn 'och sc'ab' 'a scostil Pedro cha, 'ix spitzn 'el swayan̈. Xlajw cha, xyaln 'ixtc 'a 'a: —Q'uen̈ wan muc'uc, xchi. Ax q'uen cadena chi 'aych 'a sc'ab' Pedro cha, mun 'ix 'el q'ue'en, 'ix 'emcn lan̈njoc.

A Tas Sc'ulejnac Eb' Schecab' Jesús Hechos 3:1

A 'a jun 'el, yic a las tres yic yemc'ual, moln x'at Pedro yet' Juan 'a yatut Dios, yujto 'ixta yorail tzleslwi eb' israel ta'.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Ch'an̈ Carta D'a Eb' Hebreo 1:7

Yuj cha, yaln pax Dios yab'xil eb' ángel cha, tas tz'aj eb' yuj Yunnal. Yaln yuj eb' 'ixtic: A eb' yángel, tzlaj ya'ch eb' 'ic'al, ax eb' tz'a'w servil 'a 'a, tzlaj ya'ch pax eb' snich c'aq'uil, xchi.

Apoc 9:17

'Icha waychil xwutj wiln schej eb' cha. A eb' 'ay q'ue 'a yib'n̈ no chej cha, 'aych q'uen 'a sn̈i sc'ojl junjn eb', 'ay chac, ya'ax, yet' c'an. Ax sjolm e no schej eb' cha, lajn 'icha sjolm no león. Ax 'a sti e no', ata x'elt c'ac', tab', yet' azufre.