Dn 9:12 - Chuj San Sebastian Bible

¹² Tox 'ix 'el'ch tas aljnac cani, chajtlto 'oj jawc yailal 'a quib'n̈ on̈, yet' 'a yib'n̈ eb' qui yajlil on̈. Yel xo niwquil 'ix otj a'n 'och syailal Jerusalén 'a yib'n̈ junc xo chon̈ab'.

Chuj San Mateo Bible

¹² Toxo ix elc'och tas ix ala' to ol javoc d'a quib'an̈ a on̈ tic yed' d'a eb' cajalil. Te nivan ix aj ac'an syaelal Jerusalén d'a yichan̈ juntzan̈xo chon̈ab'.

Dn 9:12 Iomraidhean Croise

A Ch'an̈ B'ab'el Libro Yic Yab'ixal Eb' Rey 3:9

Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

A Ch'an̈ Schab'il Libro Yic Yab'ixal Eb' Rey 22:16

to a Jehová a tzaln 'ixtic: An 'oj wa' cot yailal 'a yib'n̈ eb' 'anma cajn 'a jun chon̈b' tic, atn tas tzyal ch'an̈ libro 'ix yawtj jun sreyl Judá cha.

Job 12:17

A tz'a'n sat snab'en eb' tzyal jelnal sb'a, ax eb' juez, tz'ochcn eb' man̈ nab'enal yu'uj.

Salmos 148:11

eb' sreyl yolyib'n̈q'uinl tic, smasnil eb' chon̈ab', smasnil eb' niwc yajal, eb' juez tz'a'n mandar yolyib'n̈q'uinl tic,

Salmos 2:10

A ticnec ex rey, yet' ex syajlil junjn chon̈ab', 'ojquejec 'el jun tic, wach' cab' tzeyutj e cuyn jun tzo'n̈ 'oj wal tic.

Pr 8:16

Toto jeln eb' 'aych yajlil cha, caw tztac' stan̈wni eb' schon̈ab', wach' tzyutj eb' sb'on yaj eb' 'anma'.

Is 43:28

Yuj cha, ma'ix yal in c'ojl to tzin ya' servil eb' ya'mal 'och e ti ax israel ex tic. Ex yin̈tl can Jacob, 'oj ex wac' satxoc 'eli, caw wal 'oj eyixtxi, xchi Dios.

Is 44:26

Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Jeremías 30:7

'Ay wal jun c'ual, man̈x jantcoc yailal 'oj ujoc, man̈x 'a junc c'u lajn yet' jun 'oj jawc cha. Atn wal 'a yic jun tiempoal cha, 'oj jawc yailal 'a yib'n̈ eb' yin̈tl Jacob, palta 'oj in colcn 'el eb'.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Jeremías 39:16

Al yab' win Ebed-melec 'aj Etiopía 'ixtic: A Jehová tztac' yuj smasnil, atn sDiosal Israel, a tzaln 'ixtc 'ayach: 'Oj wac' 'el'choc tas waljnac can 'a yib'n̈ jun chon̈b' tic. 'Oj jawc yailal, man̈oc wach'ilal. A yic 'oj ujc jun tzo'n̈ cha, caw 'oj el yet' a sat.

Jeremías 44:23

A jun yailal 'aych 'a quib'n̈ec tic, 'ix jaw 'ayn̈ec, yujto an̈ja eya'n incienso e xajmb'alc 'a jun tzo'n̈ chuc diosal. An̈ja eya'n 'och e mul 'a Jehová, yujto caw matz eyiclj scuynb'il yet' pax sley, an̈jtona ma'ix eyiclj schecnb'il, xin chi.

Lm 1:12

Ex 'anma tzex laj b'ey 'a b'e, 'ochn̈ec wan lin̈an, tze nan jab'oc, ¿tom 'ay eyailal 'icha quic tic on̈? Yujto an̈ tic on̈, yel xo wal niwn tzcab' syal on̈. A Jehová a tz'a'n cot jun yailal tic 'a quib'n̈ yuj yowl sc'ojol.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Lm 2:17

A Jehová, 'ix 'el'ch tas nab'il yu'uj, 'ix 'el'ch tas alb'il can yuj 'a yic pecti'. On̈ ya'c lajwoc, ma'ix yac' niwnc'ojlal 'a quib'n̈ec. 'Ix 'el wal 'a sc'ojl ya'n tzewjoc eb' 'ajc'ojl yajch 'ayn̈ec, 'ix yi'n q'ue'ch yopiso eb' 'ajc'ojl cha.

Lm 4:6

A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Ez 13:6

Tzcob' yal eb' to 'ay tas tzyila, tznan eb' tas tzyutj ya'n 'es, tzyaln cob' eb' 'ixtic: A Jehová a tz'a'n cal jun tzo'n̈ tic, xchi cob' eb', palta may tas tzwal 'a eb'. Tzlaj cob' stan̈wnoc eb' yel'ch tas tzyal cha.

Ez 5:9

'Oj wa' cot jun yailal 'a eyib'an̈, jun yailal to mant 'a 'aj tzeyila, man̈x 'a pax b'a'n̈ 'oj eyil jun 'ejmoc xo, yujto caw wal yajb'entac tas tze b'o'o.

Dn 12:1

A 'a yic jun tiempoal cha, 'oj 'och wan jun ángel Miguel, atn jun sat yajal, stan̈mal pax eb' et israelal. A yic jun tiempoal cha, caw wal niwquil jun yailal cha. Mant 'a jun 'ejmoc ujnac jun chi 'ixta', 'a yictax yel yich spitzw jun tzo'n̈ nacion̈. A 'a yic jun tiempoal cha, 'oj colchjoc can 'el smasnil eb' et chon̈ab', atn eb' tz'ib'b'il sb'i 'a ch'an̈ libro.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Zacarías 1:8

'Ay jun 'ac'wal, 'ix ch'oxx wil jun tic 'a 'icha waychil: 'Ix wil jun 'icha winc 'ay q'ue 'a yib'n̈ jun chac chej. Lin̈n 'och wan no 'a jun pan̈n 'a scal jun tzo'n̈ te tzcuch arrayán. Ax 'a spatquil jun cha, 'ay nan̈l xo no chej 'ayq'ui, 'ay eb' 'ay q'ue 'a yib'n̈ e no'. Chucchc yilx e no', 'ay no chac, 'ay no sacpunac, 'ay pax no sac.

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

Mt 24:21

Yujto a jun niwn yailal 'oj jawc 'a jun tiempoal cha, mant 'a 'aj tzyac' 'ixta', yictax sb'on Dios yolyib'n̈q'uinl tic. Cojxn pax jun cha, man̈x 'a tas 'oj yac' 'ixta'.

Mt 5:18

Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Mr 13:19

Yujto a jun niwn yailal 'oj jawc 'a jun tiempoal cha, mant 'a 'aj xyac' 'ixta', yictax sb'on Dios yolyib'n̈q'uinl tic. Cojxn jun cha, man̈x 'a pax tas 'oj yac' 'ixta'.

Lc 21:22

Yujto a wal 'a jun tiempoal cha, 'oj jawc jun niwn yailal yuj yowal sc'ojl Dios. Ata 'oj 'el'choc jantcn̈ej tas tz'ib'b'il can 'a Ch'an̈ U'un̈.

Ro 15:8

Tzwalb't jun tzo'n̈ tic 'ayex, yujto a Cristo wul ya'jnac sb'a ya'malc servil eb' quit israelal. A wul 'a'jnac 'el'choc tas yaljnac can Dios 'a eb' qui mam quichmec, yic ya'n can sti 'a eb'. 'Ixta yutjnac Cristo sch'oxni, to caw yel tzyal Dios.