Dn 8:9 - Chuj San Sebastian Bible

⁹ A 'a junc eb' sch'ac no cha, ata xpac' 'elt junx syune ch'a'ac. A jun cha, caw niwquil x'aj sq'uib' 'a stojlal sur, yet' 'a stojlal 'aj tzq'uel c'u, yet' pax 'a stojlal 'a 'aj 'ay lum lum caw wach' yilxi.

Chuj San Mateo Bible

⁹ A d'a junoc juntzan̈ ch'aac chi', ix paq'uelta junxo yune' ch'aac. A jun chi', te nivan ix aji yed' yipalil ix smac juntzan̈ lugar d'a sur yed' d'a stojolal b'aj sjavi c'u. Ix smacpax lum luum te nib'ab'il.

Dn 8:9 Iomraidhean Croise

Salmos 105:24

Ax Dios 'ix 'a'n niwtjoc sb'isl eb' schon̈b' cha, yel xo wal jeln x'aj eb' 'a yib'n̈ eb' 'aj Egipto cha.

Salmos 48:2

Caw wal wach' yilx lum tzaln Sión, yujto caw chan̈ yaj chan̈ lu'um. A 'a stojlal norte, ata 'ay lum schon̈b' jun Rey caw wal niwn yel'chi.

Jeremías 3:19

Ex 'aj chon̈b' Israel, caw xin nalb'ej ex wi'n 'och wunnaloc, a lum lum caw nib'b'il tzwac' 'ayex. Cojn jun lum chi caw yel xo wach' yilx 'ay 'a yolyib'n̈q'uinl tic. A 'in nani, to 'oj in eyalch e Mamc 'a smasnil tiempo, man̈x 'oj eyi'l e b'a 'a in tz'ey in nani.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Dn 11:16

A jun 'oj 'a'nc ganar cha, 'oj sb'on̈j tas 'oj snib'c 'a jun 'oj lajwc 'el yuj cha. May xon junc mach 'oj stac' ste'wtzan sb'a 'a yojltac. 'Oj 'och 'a sat lum lum caw wach' yilxi, atn slum eb' israel, ax satn 'el smasnil tas 'oj snib'c satli.

Dn 11:21

'Oj lajwc cha, ax jun winc caw wal tu snab'en, a 'oj 'ochx can reyl sjeloc, a jun winc cha, man̈ smojc yoch 'a jun 'opiso cha. A yic man̈ nanoc yuj eb' 'anma', ax yoch win reyal, yuj smontn win eb' 'anma', yet' yuj yixtn paxti 'eb'.

Dn 7:8

Ya' sb'a wanto wiln jun tzo'n̈ sch'ac cha, ax xwilni xpac' q'uel junx yune sch'ac 'a scal jun tzo'n̈ xo cha. A yic xq'ueli, 'ix 'ec' stenn̈c 'el 'oxe sb'ab'l ch'ac cha. Sch'ocxoj jun chi xcan 'a yet'l 'oxe cha. A jun sch'ac cha, 'ay yol sat, 'ay sti 'icha 'anma', caw tzb'an̈ sb'a yet' tas tzyala.

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.