Dn 8:5 - Chuj San Sebastian Bible

⁵ Wanto in nan yuj tas 'ix wil cha, ax xwilni 'ay jun chiwo wan sjaw 'a stojlal 'aj tz'em c'u. Caw carela ya'ni, 'icha to matz tec' xon 'ejm jac yoc 'a sat lu'um. A jun chiwo cha, 'ay wal jun sch'ac caw niwquil. A 'a snan̈l yol sat schab'il, ata 'ay 'elt jun sch'ac cha.

Chuj San Mateo Bible

⁵ Vanto in naan yuj tas ix vil chi', axo ix vilani, ay jun noc' mam chiva van sjavi d'a stojolal b'aj tz'em c'u. Yelc'olal scot noc', icha val to max em jab'oc yoc noc' d'a sat luum. A jun noc' chiva chi', ay val jun sch'aac noc' te chequel. A d'a scal yol sat noc' ayq'ueta.

Dn 8:5 Iomraidhean Croise

Dn 11:3

'Oj lajwc cha, ax yoch junx rey, caw wal jeln ya'n owal. Caw niwn smacb'en 'aj 'oj yac' yajlil, ax sb'on 'icha wal tas tznib'ej.

Dn 2:32

A sjolm jun yechl cha, nab'a oro smasnil. A sn̈i sc'ojol yet' sc'ab' nab'a plata. Ax sc'ojol yet' xub' nab'a bronce.

Dn 2:39

A yic 'oj lajwc 'ec' jun opiso tic mamin rey, 'ay junx nacion̈ 'oj q'ue wa'an, ax ya'n reyal, palta ma'oj q'ue'choc sjelnal 'icha ec tic. 'Oj lajwc cha, ax sq'ue wan junx yoxl nacion̈ ya'n reyal, atn jun chi tzch'ox q'uen bronce cha, 'oj yac' yajlil 'a sat smasnil lum lum tic.

Dn 7:6

Ax no yoxil, lajn yilx 'icha no leopardo. 'Ay chan̈e sc'axl 'a spacl yich spatquil. 'Ix wiln paxi to 'ay chan̈e sjolom, 'ix 'ajx 'och yopiso no'.

Dn 8:21

Ax pax no chiwo xel cha, atn sreyl chon̈b' Grecia tzch'oxo. A jun sch'ac caw niwquil 'ay 'elt 'a snan̈l yol sat schab'il, atn jun b'ab'l rey tzch'oxo.

Dn 8:6

A yic xc'och no 'a stz'ey no calnelu chab' sch'ac cha, atn no xwil 'ayc' 'a sti a a', 'ix 'at jucn̈joc no chiwo chi yet' wal smasnil yip yet' yowl sc'ojl 'a no'.

Dn 8:8

Ax no chiwo cha, caw 'ipn swach' 'och yip no'. Palta ax x'aji, a wal 'a yic 'aych no 'a ste'nal yet' yip, 'ix wecchj 'el jun sniwquil ch'ac cha. Ax 'a yet'l 'aj xwecchj 'el cha, ata xq'uel chan̈e xo sch'ac no', q'ueln 'at sch'ac no chi 'a schan̈paq'uil yolyib'n̈q'uinal.