Dn 8:4 - Chuj San Sebastian Bible

⁴ Ax xwilni, a jun calnelu cha, a yet' sch'ac chi tzyac' satnc 'el smasnil tas 'ay 'a stojlal 'aj tz'em c'u, 'a stojlal norte yet' pax 'a stojlal sur. May xon junc noc' tztac' ste'wtzan sb'a 'a yojltac, may pax junc mach tztac' scoln sb'a 'a 'a. Tzb'on̈j tas tznib'j sc'ojol. Caw 'ipn yoch yip 'a junjn 'ejem.

Chuj San Mateo Bible

⁴ Axo ix vilani, a yed' sch'ac jun noc' calnel chi', ix yac' lajvoc tastac ay d'a stojolal b'aj tz'em c'u yed' d'a norte yed' pax d'a sur. Malaj junocxo noc' syal stec'b'an sb'a d'a yichan̈, malaj mach syal scolanelta sb'a d'a yol sc'ab'. Sc'ulejn̈ej tas snib'ej. Ix yic' val chaan̈ sb'a.

Dn 8:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:11

Ax win Sedequías, win yunnal Quenaana, 'ix sb'o win jun tzo'n̈ q'ue'en, 'icha sch'ac wacx 'ix 'aji. Caw 'ip 'ix 'awj cha'an̈, 'ix yaln 'ixtic: 'Ixtc wal xyutj Jehová yalni: A jun tzo'n̈ yechl sch'ac wacx tic, tzyal el'chi to a ep 'oj 'a'nc ganar eb' 'aj Siria, masnto 'oj a satl eb' smasnil, xchi 'a win rey cha.

Job 10:7

Wach'xam ojtac to may in mul, palta toc 'ay mach tztac' in scoln 'el 'a yol a c'ab'.

Salmos 44:5

O'oj 'ix ca'n ganar yem eb' 'ajc'ojl yajch 'ayn̈ on̈, yet' wal a b'i 'ix ca'n telwc eb' tznib'n tas tzlaj on̈ yutc on̈.

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Salmos 7:2

Yujto lajn eb' 'icha no león yic ch'iychtan no schib'ej. Comnoc matz in ac' sch'iychtoc 'at eb', yujto may junc xo mach tztac' in scolni.

Ez 34:21

Ax yajl ex cha, tzlaj e tench e b'a 'a eb' 'emmquilal yeq'ui, najt tzc'ochcn eb' eyecn telwoc. 'Ay eb' tzlaj eyixtoc, tzlaj e pechn b'eyc'oc eb'.

Dn 11:16

A jun 'oj 'a'nc ganar cha, 'oj sb'on̈j tas 'oj snib'c 'a jun 'oj lajwc 'el yuj cha. May xon junc mach 'oj stac' ste'wtzan sb'a 'a yojltac. 'Oj 'och 'a sat lum lum caw wach' yilxi, atn slum eb' israel, ax satn 'el smasnil tas 'oj snib'c satli.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Dn 7:5

Ax no schab'il, lajn yilx 'icha no oso, tz'eyn 'ejm jun pac' sniwnal 'a yib'n̈ jun pac' xo. Ax 'a yol sti', ata 'aych 'oxe sb'acl costl 'a slot'l ye. 'Ix wab'n yalx 'a 'ixtic: ¡'Ixic, chi 'ejm jantc chib'j tza nib'j tza chi'a, xchi jun cha.

Dn 8:7

'Ix sma'n wecchjoc no sch'ac no calnelu chi schab'il. Caw man̈x 'a yip no calnelu chi ste'wtzan sb'a 'a yojltac no chiwo cha. Xlajw cha, xtelw no yuj no', ste'n can 'ejm no chiwo chi no 'a sat lu'um, may mach xcoln no 'a no'.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Dt 33:17

Caw wach' yilx eb' yin̈tl José, 'icha junc sb'ab'l 'unnal junc no quelm wacax, caw jelan. 'Ay yip 'icha junc no simrón wacx caw niwc sch'a'ac. 'Oj stec smasnil chon̈ab', masnto 'aj tzlajw c'och yolyib'n̈q'uinl tic. A sch'ac chi tzch'oxn 'eli to caw 'ay yip, atn smil-l sb'isl eb' yin̈tl Efraín, yet' smil-l sb'isl eb' yin̈tl Manasés, xchi.