Dn 8:2 - Chuj San Sebastian Bible

² A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

Chuj San Mateo Bible

² A ix aj vilani, ichato ayinec' d'a chon̈ab' Susa, d'a yol yic Elam, d'a sti' a' Ulai.

Dn 8:2 Iomraidhean Croise

Gn 10:22

Eb' yunnal Sem, atn Elam, Asur, Arfaxad, Lud yet' Aram.

Gn 14:1

A 'a yic jun tiempoal cha, a Amrafel 'aych reyl 'a Sinar, ax Arioc 'aych reyl 'a Elasar, ax Quedorlaomer 'aych reyl 'a Elam, ax Tidal 'aych reyl 'a Goím.

Nehemías 1:1

Atn wab'xil an Nehemías in tic, yunnaln Hacalías. A 'a yic sjunc'lil ab'il yoch Artajerjes reyal, 'a yol 'uj tzcuch Quisleu, an Nehemías in tic, ata 'ayn 'a chon̈b' Susa, sat yaj 'a eb' chon̈b' 'ay 'a yol yic Persia.

Ester 1:2

Ax chon̈b' Susa a sat yaj 'a eb' chon̈b' cha, ata 'ay sdespacho win rey.

Ester 2:8

Ax yic x'elt jun ley chi yuj win rey, til wal eb' 'ix cob'stac 'ix x'ijx 'at 'a chon̈b' Susa 'a sdespacho win rey cha. 'Ix 'ajx 'och win Hegai stan̈malc eb' 'ix, atn win tztan̈wni eb' 'ix yistzil win rey. Locn 'ix Ester 'aych 'a scal eb' 'ix.

Ester 3:15

Wal 'a yajn̈ej 'ix spucn 'el eb' checb' chi ch'an̈ un̈ 'aj tz'ib'b'il jun ley cha, a tzyal xyutj win rey yalni. 'Ix alx 'el jun paxti chi mu'c 'a yol chon̈b' Susa. Ya' sb'a wan yu'w 'an̈ win rey yet' win Amán, ax eb' 'anma 'a chon̈b' Susa cha, caw wal somchj chan̈ eb' yuj jun paxti cha.

Ester 7:6

—A jun 'ajc'ojl tu snab'en cha, atn ton win Amán tic, xchi 'ix. A wal yic xyab'n win Amán jun paxti cha, caw wal sacb'el sat win yuj xiwlal 'a yojltac win rey yet' 'a yojltac 'ix reina Ester.

Ester 8:15

A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.

Ester 9:11

A 'a jun c'u cha, 'a yic xyab'n win rey jantc sb'isl eb' 'anma xcham 'a chon̈b' Susa, atn 'a 'aj 'aych win reyal,

Ester 9:15

Smasnil eb' israel cajn 'a yol chon̈b' Susa, 'ix syam sb'a eb' 'a yic chan̈lajn̈e yoch 'uj Adar sb'i. 'Ix smiln cham eb' 'oxe xo ciente eb' winac, palta may jac tas 'ay 'a eb' xcham chi xyij 'at eb'.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Jeremías 25:25

'Ix wa'n 'a smasnil eb' rey 'a chon̈b' Zimri, 'a Elam, yet' 'a Media,

Ez 1:1

An Ezequiel in tic, yunnaln win Buzi, an xin tz'ib'j jun libro tic. Ya'mal 'och sti eb' 'anma waj 'a Dios. Ata 'ayn 'ec' 'a sti jun a a tzcuch Quebar 'a yol yic Babilonia. 'Ayn 'och 'a scal eb' 'aj Judá 'ijxnac cot 'icha presoal. A 'a yic yol c'u yoch schan̈l 'uj yic ab'il 30, atn 'a yic tox 'ix 'ec' o'e ab'il yijx cot win rey Joaquín 'icha presoal, ata 'ix wil jun tic, 'icha to 'ix jacw satcha'an̈, 'ix sch'oxn sb'a Jehová Dios 'ayin, xya'n jawc spoder 'a wib'an̈.

Ez 32:24

Ata mucb'il win sreyl chon̈b' Elam, oyn 'och smasnil eb' soldado 'a stz'ey, atn eb' chamnc yuj owal. Teln 'ec' sniwnal win 'a scal eb' 'anma chamnc yuj owl cha, atn eb' man̈ wico'oc, eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta man̈x 'a yel'ch x'aj sc'och eb' 'a scal eb' chamnc cha.

Dn 10:4

A 'a yic 24 yoch b'ab'l 'uj yic jun ab'il cha, ata 'ayn 'ec' 'a sti a niwn a tzcuch Tigris.

Dn 7:15

An Daniel in tic, caw in xiwcha'an̈, yic xwiln jun tzo'n̈ cha, in 'och 'a 'il yu'uj.

Dn 7:2

'Ix yaln Daniel 'ixtic: Xwil wal 'a jun in waych 'a 'ac'wl q'uiq'ui, to a 'a schan̈paq'uil yolyib'n̈q'uinal, ata 'ix cot jommoc 'ic'. Ax 'a yib'n̈ a niwquil mar xjawi, caw xma'x chan̈ chel-loc a yu'uj.

Dn 8:1

'Ix yaln pax Daniel 'ixtic: A yic yoxl ab'il xo yoch win Belsasar reyal, 'ix 'och junx in wayich, 'a spatquil xo jun wiljnac 'a b'ab'el.

Dn 8:3

Ax xwiln 'ati, 'ay jun no calnelu 'ayc' 'a sti a cha. 'Ay chab' sch'ac niwc ste'il, palta 'ay jun sch'ac chi tza'n to xq'ueli. A jun cha, yel xo caw niwquil x'aj stel 'a yib'n̈ junx cha.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

A Ch'an̈ Carta D'a Eb' Hebreo 1:1

A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'.

Apoc 9:17

'Icha waychil xwutj wiln schej eb' cha. A eb' 'ay q'ue 'a yib'n̈ no chej cha, 'aych q'uen 'a sn̈i sc'ojl junjn eb', 'ay chac, ya'ax, yet' c'an. Ax sjolm e no schej eb' cha, lajn 'icha sjolm no león. Ax 'a sti e no', ata x'elt c'ac', tab', yet' azufre.