Dn 8:19 - Chuj San Sebastian Bible

¹⁹ Xyaln 'ayn 'ixtic: 'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.

Chuj San Mateo Bible

¹⁹ Ix yalan d'ayin: Ol val d'ayach tas ol ujoc ayic toxo ol lajvoc yoval sc'ol Dios. A jun tas ix il chi', a lajvub' c'ual sch'oxcoti.

Dn 8:19 Iomraidhean Croise

Salmos 102:13

Cotan̈, stiempoal xo yo'ch a c'ojl 'a Sión, smoj xo a'n niwnc'ojlal 'a yib'an̈, yujto xc'och sc'ual.

Dn 11:27

A wal tas 'ayc' 'a snab'en chawn̈ rey cha, cojn sb'on eb' tu 'a jun jun, a chi tzna eb' sb'oni. 'Oj mol 'em wocn eb' swa 'a junc mexa, ax ya'lan eb' 'es 'a 'a, palta may junc 'a eb' chawn̈ chi 'oj 'el'choc tas tznib'ej, yujto mantzac c'och jun sc'ul alb'il can yuj Dios.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Dn 8:23

A yic wan slajw c'och stiempoal ya'n jun tzo'n̈ nacion̈ chi yajlil, 'oj niwtjoc smaysch'olnilal eb' 'a sat Dios. 'Ay junx rey 'oj yac' yajlil, ch'an sc'ojlani, caw jeln 'a tas maysch'olnil.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Lc 21:23

A wal yic 'oj 'at eb' 'anma 'elc 'a jun tiempoal cha, caw 'oltac eb' 'ix 'ix 'ayx tz'i'ni, yet' eb' 'ix tzyac' chuw yune'. Yujto caw niwn yailal 'oj jawc 'a yib'n̈ eb' 'anma 'a jun tzo'n̈ lugar tic. Yujto a Dios 'oj ya' cot yowl sc'ojl 'a yib'n̈ eb' quit israelal.

Apoc 1:1

A jun libro tic, a tzaln cot yuj jun tzo'n̈ tas 'ac'b'il 'a Jesucristo, yic tzya'n cojcoc 'el an̈ ya'maln̈ec servil. A jun tzo'n̈ tzyal tic, yowlal tox 'oj ujoc. An ton tic Juan in, ya'mal in servil Jesucristo. Schec cot jun yángel, yic xya'n wojcoc 'el jun tzo'n̈ tic.

Apoc 10:7

—Man̈x 'oj 'ec' tiempo yel'ch tas nab'il yuj Dios. A yic 'oj syamn 'och jun yucl ángel yutz'n strompeta, ax yel'chi tas snajnac cha. A jun snajnac can cha, alb'il 'a eb' ya'mal servil, atn eb' schecab', xchi jun ángel cha.

Apoc 11:18

A jun tzo'n̈ nacion̈ xlaj cot yowal, caw xjaw sc'ul a'n syailal eb'. 'Ix jaw pax stiempoal a b'eyc'ojlan eb' chamnac. 'Oj ac' spac 'a junjn eb' tzach 'a'n servil, atn eb' a checab'. A eb' cha, ec xo yaj eb', tzch'oxn 'el eb', to caw niwn el'chi. Toxn̈ej eb' niwn yel'chi, toxn̈ej eb' may yel'chi, 'oj a'n̈j spac 'a eb'. An̈jtona', 'ix jaw pax stiempoal a'n lajwc 'el eb' tz'a'n lajwc yolyib'n̈q'uinal, xchi eb'.

Apoc 15:1

Xlajw cha, xwiln junx senya 'a satcha'an̈, caw niwn yel'chi. Xcaw sat in c'ojl wilni. 'Ay ucwn̈ ángel yet' eb' uque slajb' yailal. Yuj uque yailal cha, 'oj tz'acwc 'el'ch smasnil yowl sc'ojl Dios.

Apoc 17:17

Yujto a Dios 'oj 'a'nc sb'o eb' 'icha tznib'ej. Yuj cha, junn̈j 'oj yutc eb' sb'on jun cha. Ax ya'n pax eb' yopiso 'a jun noc' sb'i cha. 'Ixta 'oj yutc eb', sec tz'el'ch tas yaljnac can Dios.